كفته السمك اذا تعرفين تسوينه تعالي

السلام عليكم ورحمه الله وبركاته
اخواتي انا دخلت النت ولقيت طريقه الكفته
بس سؤالي اقدر اسويها بالفيليه المجمد
من جربت سوتها وطلعت مزبوطة معها

5 تعليق 828 مشاهدة

شاركي في النقاش

سجلي الدخول لإضافة تعليق.

التعليقات

5
  1. @mloooook_1

    انا سويتها وعادي
    اسلقي السمك بملح ونقط من الخل
    اصلا السمك ينسلق بسرعه
    وبعدين اهرسيه لا تفرمينه
    وحطي معاه بطاطس مسلوقه ومهروسه مو مفرومه؟؟ لان لو فرمتيها بالخلاط تصير زي المطاط ماتمسك النشا الي فيها يطلع
    وحطي بيضه علشان تمسك الكفته وماتخليها تتفكك بالزيت حطي مع البيض قطرات من الخل لاتكثرين انبهي تقريبا قطره وحده علشان يبعد زنخة البيض
    وحطي بصل مفروم فرم ناعم وبهارات الي تعجبك
    وبقدونس وشبث وتقريبا ملعقتين بقسماط علشان يمسك العجينه ويخليها تتكور واعجنيها حتى كل المقادير تدخل في بعض وبعدين كوريها او شكليها على حسب ماتحبين وبعدين حطيها في الدقيق البيض البقسماط وتقلى واذا تبغين فرزنيها عادي

    وعلى فكره عندي طريقه روعه للبطاطس احسن من السلق
    قطعي البطاطس مكعبات وحطي في صينية الفرن قصدير وحطي البطاطس داخل القصدير وحطي عليه زيت زيتون وكموون وفلفل وملح وبابريكا بسسسسسسسس لا تكثرين يصير طعمها مو حلو وحطي معاه ثلاث فصوص ثوم كامله وغطيه بالقصدير باحكام وحطيه بالفرن وخليه حتى ينضج بعدين اهرسيه واهرسي الثوم بعد روووووووووعه طعم ولا اروع جربيها ماراح تندمي
  2. @am_laryn2012

    صاحبة الموضوع
    ربي يسعدك ومشكورة
    انا احب الحاجه اللي فيها ورقيات وبهارات كثير
    واكرة ماعندي الزنخه
    بجرب طريقتك

تابعي تجارب أخرى من هذا القسم.