شاركي في النقاش

سجلي الدخول لإضافة تعليق.

التعليقات

1,115

  2. @amor_bayrlnda

    وردتين بقلبي
    الله ييسر لك اختى امورره ويسهل عليك ولادتك ودي افيدك بس ما اعرف بصراحه بس اذا تبين رايي اذا دخلتي التاسع روحي فترة استجماام في جالوي مده شهر لحد ماتولدين وقريب من المستشفى الى رحتي تراجعين عندهاا او اذا انتي بكر را تطول الولاده واول ماتحس…
    تسلمين ,,, الله يجزاك خير...
    لا والله مو بكر...بس الله يسهل... وودي بعد اذا احد عنده معلومة عن مستشفيات الولادة بجالوي يفيدني...

  3. @am_fy_sl

    الله يسهل اموركم جميعا
    الحامل تسهل ولادتها
    والمبتعثه يسهل عليها دراستها
    امين يارب
    ان شاء الله كلها 4اسابيع وجايين ووتر فورد زوجي رجع اجازه الكرسمس علشان ياخذنا
    الله يسهل عليناوعليكم
    بالنسبه للحجاب راح اغطي وجهي لان زوجي يمدح شعب ووتر فورد انهم محترمين ولا لهم دخل في احد
    الله يكتب لنا الخير ويوصلنا بالسلامه ويوفقنا وكل مسلم ومبتعث ومبتعثه ومن قرأ

  4. @am_aalalalaoy

    السلام عليكم
    الصراحة كنت داخله وانا متحمسة لايرلندا لكن انصدمت من كلامكم
    بعثتنا كانت في بريطانيا واللحين زوجي يقكر يدرس الدكتوراه فايرلندا
    جامعه فدبلن والثانية نسيت فاي مدينه
    حبيت اخذ فكره عن الاجارات متوسطها لشقة غرفتين والفلل وايش تفضلون الشقة او الفلا
    انا فبريطانيا اتنقب وما حصلت اي مضايقه قريت هنا انه فيه مضايقات هل هذا صحيح
    هل العرب والخليجيين عددهم كثير لاني اجتماعيه مره
    واماكن الترفيه هل صحيح انها قليله مره
    واخر شي ولدي عمره ٣ سنوات ونص كيف وضع الروضة مجاني واذا لا كم بالشهر
    تحملوني اسألتي كثيره لكن مالقيت اجابه جاوبوني باللي تعرفونه ربي يعطيكم العافية
    ليه كذا تجمعكم فاضي لهالدرجه قليل فيها عرب >>>انرحم اقارنه بتجمع بريطانيا

  5. @um_yousif_1

    أم علالالاوي
    السلام عليكم الصراحة كنت داخله وانا متحمسة لايرلندا لكن انصدمت من كلامكم بعثتنا كانت في بريطانيا واللحين زوجي يقكر يدرس الدكتوراه فايرلندا جامعه فدبلن والثانية نسيت فاي مدينه حبيت اخذ فكره عن الاجارات متوسطها لشقة غرفتين والفلل وايش تف…
    أهلين بنات
    دعواتكم لي تقصدين شعب ما عنده اخلاق ( حسيت كلمتك قوية شوي) ما تقدرين تطلقين على شعب كامل صفة مثل كذا أنا ما امدحهم لكن في كل مكان الطيب والبطال. على العموم فيه كثير سعوديين يدرسوا هنا وماشي حالهم. المهم الابتعاد عن الاماكن المشبوهة او الخروج في اوقات متأخرة. الأيرلنديين يعشقون الشرب واغلب مشاكلهم ناتجة عن الكحول ( الله يكفينا) في المقابل فيه منهم متدينين وفي حالهم.

    ام في صل الله يسهل أموركم و توصلون بالسلامة.
    ام علالاوي المشكلة اذا زوجك رغبته بالدكتوراه قوية ومالقى تخصصه الا هنا ما تقدري تمنعيه. اغلب البنات هنا يدرسوا ، الله يوفقكم، عشان كذا التفاعل قليل. بصراحة ايرلندا هادية وما تقارن ببريطانيا من ناحية الترفية والأماكن بس الطبيعة حلوة.
    بالنسبة لإيجارات تتراوح ما بين 700- 1000 يورو اغلب السعوديين ساكنين بشقق لانها امن من ناحية وجود سيكوريتي. الروضة غالية شوي توصل 20 يورو لليوم. النقاب فيه بس قليل واغلب البنات هنا يتحجبوا.
    الله يسهل امورك.

تابعي تجارب أخرى من هذا القسم.