تجمع امهات اطفال نقص الاكسجين والشلل الدماغي (( الثاني))

بنتي عمرها سنتين ماتمشي قالوا عندها نسبه بسيطه ضمور بالمخ وتحتاج علاج طبيعي مكثف .. وديتها مركز خاص بس حسيت شغلهم بارد ما احسه مكثف تحسنت شي بسيط وصارت تزحف وبعدها وقفت العلاج عندهم وجاري البحث عن مركز علاج طبيعي افضل افكر اوديها لالتشيكي بس ابوها رافض الفكره وانا استخرت وبحاول الين ربي ييسرها ..

المهم الحريم وما ادراك مالحريم

اقصد الي يعالجون اكثر قريباتي الكبيرات بالسن يقولوا وديها لحرمه
وانا بصراحه ما احبهم ولا ارتاح لهم

قبل فترة قالت لي صديقتي انه فيه حرمه بمكه تعالج الضمور ومعها تصريح وبالاول تدخلي على مركز متعاون معها ويكشفون ع الحاله واذا تحتاج يحولونها للحرمه
ماعرف اسمها بس المركز اسمه تباشير العالم ..
واحس تطمنت وافكر اروح لهم بذات تقول ماتعطيها شي عن طريق الفم بس ضمود وتدليك واهم حاجه انها ما تكوي ..

مين سمعت عنهم او جربتهم وكيف .؟؟؟؟

انا استخرت وان شاء الله ربي يكتب الي فيه خير

انا من مكه دلني عليه ابى اودي ولدي

الله يشفي اطفالنا ويفرح قليباتنا بتطورهم ونموهم الطبيعي
ويحفظ لنا الغوالي
انتظر جديدكم
موفقين

اخواتي الله يجزاكم خير انا ولدي عمره سنه وتسعة شهور يفهم ويستجيب وينطق ابه امه انا لا ويجلس ويحبي ويوقف على الكنب ويمشي بمساعده لما امسك يده لكن ما يمشي لوحده جسمه مشدود قالو لنا انه الاعصاب مشدوده عنده ولازم علاج طبيعي هل معناها ان عنده ضمور يارب كم تخوفني هالكلمه تعرض ولدي لنقص اكسجين عند الولاده بسبب التفاف الحبل السري وتشنج بعد الولاده لكن من بعدها ما عاد تشنج ولله الحمد الى الحين وهو في تحسن بس ابسئكم الله يوفقكم اليوم دموعي ما جفت ابسئلكم هل احتمال ترجع له التشنجات مع العلاح الطبيعي وهل لو رجعت الله لا يقدر تدهور الحاله يارب رحمتكم بس اطالع فيه وابكي معا انه ذكي يفهم وينفذ الاوامر بس خايفه لا تسي حالته واملي بالله كبير سبحانه توكلت عليه