أفيدونا من تجاربكم عن التعامل مع طالبات المرحلة المتوسطة( تم تعديل العنوان )

السلا عليكم ..
أخباركم ياأحلى البنات ؟ ..
أنا داخله وابي الفزعه..
أنا جامعيه متخرجة من سنتين قسم تاريخ والحين مدرسه في مدرسه أهليه وأدرس من رابع إلى ثالث متوسط...بتقولون وين المشكلة ..
المشكلة في ثانيه أيه ...ثانيه متوسطة ..يالله يجننون الوحده :icon32:
هم شاطرات بس فيهم حركة زايده أدري أنهم في سن مراهقة سن الحركة والنشاط ..
أنا توني جديدة ماكملت شهر ..هم يحاولون بكل الوسائل يستفزون الوحده أنا صبرت وصبرت وبعدين خلاص هبيت في وحده وبغيت اكلها:angry2: ..والله البنات سو كذا:eek:
وبعدها ندمة بس مابينت خليهم يشوفون الوجه الاخر ..الله يستر بكرة عندهم حصة الله يصبرني
السوووووووووووال أيش أسوي كيف أوقف الوحده عند حدها وأخليها تركز معي وتخلي عنها اللعب والضحك يعني اطنش واسكت:icon810:عن اللي تتكلم مع صديقتها:a_smil17: وعن اللي تشخبط في طاولتها:3_3_103: وعن اللي تضحك:lechz:..
بصراحه حاولت قلت ياوحيدة ماعليك أعطيهم الدرس واخرجي بس ما اقدر ..ابيهم يشاركون ابي احببهم في المادة بس كيف صح تاريخ بس والله مناهجهم مبسطه؟ وكيف أخليهم يحترموني وفي نفس الوقت ما استعمل معاهم اسلوب الشدة ابيهم يحبوني ؟؟؟..ردو علي أيش أسوي معهم
أسفه طولت عليكم..:26:

10 تعليق 13,305 مشاهدة

شاركي في النقاش

سجلي الدخول لإضافة تعليق.

التعليقات

10
  1. أختي لا تخلين الحصة كلها درس لانهم بيملون

    بعد الدرس أجلسي وسولفي معهم وسأليهم ايش اكثر شيء يحبونه بالمادة والشيء إلي يكرهونه

    التاريخ من زمان حصة مملة ساوي الاحداث مثل القصة غيري بطريقة تدريسك

    وبالتوفيق :)

    ما حبيت ادخل وما اشارك أنا مجالي طفولة
  2. @sabr_2

    الطالبات مايخافون وينتبهون إلا بالدرجات راح أقولك علي طريقة إستخدمتها ونفعت وهي إني بعد ماأشرح وأبغاهم يعيدوا وراي أمسك دفتر أعمال السنة وأقوم بالأسماء وأسوي نفسي أأشر قدام الإسم واللي ماتجاوب ماأجلسها أخليها طول الحصة واقفة إلن ماتجاوب علي أي سؤال أسئله بالحصة صارن الطالطالبات يهتمن عشان لاتنقص درجاتهم والكسلانات عشان مايتوقفوا طول الحصة واللي تتكلم أوقفها وأسألها في الدرس وإذا ماعرفت تجاوب أخليها واقفة وصدقيني هذا السن لابد من إستعمال أسلوب الشدة لضبط الفصل
  3. @ohyd_byn_albshr_1

    صاحبة الموضوع
    صابرة***
    ms_pees
    الف شكر حبايب قلبي .. أسعدني مروركم ..
    وصدقيني مو كل بنات المتوسطه كذا هم بس ثانيه الله يهديهم ويوفقهم آمييييييييييييييين ..
  4. @hdyl_am_ans

    صابرة هذا أسلوب ممتاز بس مو دايما يالغالية
    أختي وحيدة لازم تبدعي في حصتك أصلا أحيانا التاريخ كريه بالنسبة لبعض الطالبات لازم تفكري بطرق جديدة ومتميزة تلفت الانتباه, مثلا الطالبة هي اللي تشرح الدرس\ استخدام الحاسوب في التدريس\ سماع أنشودة أول الحصة لها علاقة بالدرس أو ما الها علاقة المهم خلي التمهيد ملفت\ بعدين اسألي حالك شو هدفي من تدريس الطالبات مادة التاريخ؟؟ هذا سؤال جدا مهم يا وحيدة وكل ما اتضح هدفك أبدعت في كل حصة وشوفي النتايج \ والله يا وحيدة لو اجت لك طالبة واحدة بس تقول الك أنا بحب مادة التاريخ يا ريت دايما ادرسينا انت اعرفي انك نجحت وبشكل باهر\ هذا السن يا وحيدة بحب اللي يسمع الو \ مثلا خلصت الدرس لا اضيعي الحصة هيك فتشي عن المواضيع المثيرة بالنسبة لهذا السن واتكلمي معهم فيه طبعا انت قبل ما تدخلي الحصة بتكوني حاطة الخطوط العريضة لهيك مواضيع خارج الدرس .وعارفة بالضبط شو بدك تحكي وأنا أتحداك انهم راح يصيروا يموتوا فيك وفي مادة التاريخ المسلية\ بعدين حاولي اتغيري اسم المادة خليها مثلا أحب تاريخي\ أنا والتاريخ\ التاريخ عشقي\ دربي نحو تاريخي .. عندي أفكار كتير لجذب الطالبات ان شاء الله بنتواصل وخبريني شو بيصير معك
  5. @ohyd_byn_albshr_1

    صاحبة الموضوع
    أختي الغاليه: هديل أم أنس
    الصراحه مو عارفه كيف أشكرك .. بجد خليتنيي أتحمس:41: انا ادري ان الكثير مايحب التاريخ :01:بس والله اني احاول ابسطه لهم واشرحه كقصة , والله يكتب اللي فيه الخير ..
    وترى انا مستغنى عن خدماتك تسلميلي ..
    :26: :26: ودمتي ولاهنتي:26: :26:

تابعي تجارب أخرى من هذا القسم.