شكرا شات قناة بداية ..رسالة في سطر واحد أبكتني

بسم الله الرحمن الرحيم

السلام عليكم ورحمة الله وبركاته

شات قناة بداية ..للأسف دائما أقرأ عن سلبيات كثيرة لهذا الشات

وحدة تقول قرف ..ووحدة تقول فضاوة .. ووحدة تقول كذب X كذب

بصراحة أنا وأعوذ بالله من الأنا من المتابعات للشات وللقناة ومن محبات هذي القناة اللي فيها خير كثير

قبل كم يوم وكالعادة اقرا في الشات إلا وتجي عيني على هالمسج

مسج في سطر واحد ..فيه قصة تبكي حتى الحجر..

كانت اول الرسالة من اخت تقول أنا واخوي مانكلم بعض من فترة ايش رايكم ؟

كان الرد اللي اعتبره كالصاعقة وهنا الرسالة المبكية ..

لا الدنيا ماتسوى أنا جلست فترة انا واخوي مانكلم بعض وجا يوم يدق الباب وشفته من شاشة الباب وهو يدق ومافتحت جلس نص ساعة يدق وثاني يوم وصلني خبر موته وماراح أسامح نفسي لين يوم القيامة .

لاحول ولاقوة إلا بالله ..شوفي حسرة البنت .. شوفي ندمها .. شوفي حسرة قلبها على أخوها

هذا اللي نتعلمه من شاة بداية ..

قصص تنبهك وانتي غافلة ..قصص تعطيك النصايح ..وكلمات فيها مواعظ ....بحروف قليلة ممكن بقدة الله تهتدي إحدى الأخوات

قناة شات بداية ممكن يكون فيه سلبيات وللأسف لرسائل من بعض الأخوات الغير نافعة

لكن بالمقابل نشوف فيه أجمل الكلمات .. ويسطروا فيه بعض الاخوات أروع العبارات

نصيحة ..تذكرة ..تنبيه .. معلومة

غفلتنا في هذه الحياة قد تنسينا أعمال وأفعال ..لكن تجدي في هذا الشات ضالتك ومبتغاك وتذكر

وهذي الرسالة ليست أو ل رسالة تحمل في طياتها معاني كبيرة بل الكثيييير

ولكن هذه الرسالة أدمعت عيني وأحزنت قلبي فحبيت أنبهكم ..

ولاتنسي ان هذا الشات فيه رسائل تنبيه للإستغفاااااار والذكر

لاتحكمي على الشات من ناحية وتتركي ناحية ثانية

أعذروني على الأسلوب ..عامي وفصحى :hahaha:

لكن رسالة حبيت أوصلها لكم

أرجو الدعاء للبنت ان الله يصبر قلبها يكفي انها ندمااااانة


مني لكم كل الحب والتقدير

41 تعليق 4,526 مشاهدة

شاركي في النقاش

سجلي الدخول لإضافة تعليق.

التعليقات

40
  1. هذه الغفلة اللي ضيعتنا
    وبعدين قنااااة بداايه من اروع القنوااات وماعليها كلاااااام

    يعطيك العافيه يالغلا
  2. @myooosh_2

    لاحول ولاقوة الله بالله
    الله يرحمه ويرحم جميع اموات المسلمين
    مهما سوا الاخ او غيره لازم نسامح مو عشان احد لا عشان مرضات الله
    ولان الدنيا فانيه.

تابعي تجارب أخرى من هذا القسم.