سلااااااااااااااااااااام لكل الامهات
كلها اسابيع وتبدي العطله ويبدى معاه مشوار السفر
والسنه هذي بتكون اول مره اسافر مع بنتي حبيبتي
فالعاده يبيلي شهر قبل السفر اجهز الشنطه كل مره اذكر شي واحطه فما بالكم السنه مع اغراض بنتي والله اني من الحين قاعده اكتب لسته بالاشياء الي لازم اخذها لها من لبس واكل وحليب وحفاض وادويه وووووو ..............ز وخايفه اني انسى شي مهم وما القاه
عشان جذي قلت ما لي لي خواتي في عالم حواء هم الي بساعدوني في هالموضوع فياريت كل وحده تقول شنو تاخذ معاها لعيالها اذا جت بتسافر
سلاااااااااااااااااااااااااام
شاركي في النقاش
سجلي الدخول لإضافة تعليق.
التعليقات
13- هلا وغلا بأم ريوووومه الغاليه
حبيبتي حق السفر يعتمد على المكان اللي بتروحينه وانا بالنسبه لي مايفرق بس اذكر الاخت دااانه معانا قريت لها أن بعض الدول مب مسموح يدخلون فيها الاكل وهي ذكرت استراليا ومن ضمنها حليب الاطفال
بس الاشياء اللي اخذها معاي
طبعا غير الملابس ، الحفاظات، الحليب ، الأكل مثل السيريلاك كذا نوع عشان ماتملل
الأدويه الضروريه تكون معاج مثل خافض الحراره ،،، دوا الحساسيه ،،، دوا الكحه ،،،واي ادويه اهيه تستعملها حق الزكام أو الحراره لا سمح الله ماتدرين الجو يتغير
واهم شي اذا بسافر أخذ مناديل المعقمه أو الجل المعقم ماتدرين بالمكان الي تقعدين فيه
عشان النظافه هذي اللي اتذكره ألحين واذا تذكرت شي ثاني برجع اخبرج
وبالتوفيق تروحين وترجعين بالسلامه - بسم الله الرحمن الرحيم
اولاً ربي يهنيج إن شاء الله في سفرتج
شووفي اهم شي انج تاخذين كميه عدله من الحليب إلي تستخدمينه لبنتج لان يمكن مب متوفر نوع الحليب إلي تستخدمينه في الدوله إلي بترووحين لهاااا ،، بنت خالتي صار لها هالمشكله بس الحمد الله كانت ماخذه كميه من الحليب والحمد الله كفاها لين ما ردت البحرين
والاغراض إلي لازم تاخذينهم معاج
- الحليب
-مرضاعات
- الغسول إلي تغسلين فيه المرضاعات والبروش ماله
-حفاضات
-كريم الخاص بالحفاضات
-فوط صغيره تستخدمينها لتمسيح بنتج بعد ما تغسلينها وبتحتاجينها واايد خاصة إذا كنتي طالعة
- كلينس الخاص بالاطفال إلي يجي رطب ويستخدم حق الاوقات الطارئه مثلاً كنت برا وبنتك وصخت وماحصلتي حماام تقدرين تنظفينها بهالكلينس الخاااص بالتنظيف الحفاضات وهو ماركه جونسون اند جونسون إن شاء الله عرفتيه
-فوط كبيرة للاستحمام
- شامبو
-سائل الخاص بالجسم
- صابونه صغيره (علشان تغسلينها فيه إذا وصخت)
- الليفه الخاصه فيها
-مشط
-ملابس كافيه لها
-تبانات كفاية لها
-قطن اذون
-عطر خاص للاطفال
-بودر
-كريم الجسم
- واخذي لها كم حلمه للمرضااعة جديده وتكون معقمه وخليها في السيف سااايد يمكن الحلمات إلي عندج يختربوون يكون عندج بديل
-ادويه (خافض للحرارة) وإن شاء الله ما تحتاجينه
-والجهاز إلي يكشف عن الحرارة وإن شاء الله ما تحتاجينه
- الريش والشباصات حق شعر بنتج
- المصاصة (إذا كانت بنتك تستخدمها ومتعلقة فيها مثل بنتي)
- وأخذي لها كم لعبة هي تحبها حق الطيارة علشان ما تمل
- وأخذي معاج الجاري صغيررررر علشان تستخدمينه معااج في السفر وما تملين من حملها بنت خالتي خذت وااحد صغيررر ولااابق حق سفرتها وبنتها عمرها سنه وشهرين واايد استفاادت منه واهم شي اخذي واحد من النوع إلي ينسدح علشان إذا بنتج نامت تقدرين تسدحينه وتخلينها تنام وهي مرتاحه
هذا إلي طرا في بالي وإذا في شي ثاني تذكرته إن شاء الله بعلمج
وموووفقه إن شاء الله
ولا تنسيني بالدعاء الصالح - غندووووووووووره حبيبتي مشكوره
درة البحرين مشكوره ترى وااايد اشايء ذكرتيها ما كنت خالتها في بالي خصوصا الحلمات مشكووووره - كيفكم بنات الموضوع وااايد حلو وكنت افكر فية لانى ناوية هالسنة اسافر بعد لين شهر 7 راح يكون ولدى عمرة 9 شهور انزين افكر باكلة واااايد يعنى شنهو اعطية هل اودى معاى اكل خاص لة ولاكل شى متوفر انشاء اللة فهمتنونى.
- مرحبا اختي ... رحله سعيده ان شاء الله
ما شاء الله اختي الغنادير ودرة البحرين ذكرو كل شي ... بس اذا بتتج تاكل .. تحتاج تاخذين على الاقل 6 او كثر من الاكل الجاهز الي يجي حق الاطفال في معلبات صغيرة .. عشان في كل دولة وبالذات الدول الاوروبيه تكون متوفرة فيها هذي الاكل لللاطفال يعني تاخذين حق اول يومين لحد ما تروحي السوبرماركت تاخذي لها غيرها
ايضا تاخذي كرسي لبنتج يعني عربانه عشان تحطي عليها بنتك لان ما يجوز تحمليها طول الوقت .. انصحك بماركه ماكلارن لانها وايد عمليه وصغيره لان مجربتنها في ولدي وايد نفعتني في السفر بتحصلينها في محلات مذركيز
ورحله سعيده مره ثانيه............
مواضيع مشابهة
تابعي تجارب أخرى من هذا القسم.