كيف اقنعها؟

اختي ارمله

وعندها ابناء وبنات

ولكن ذبحتني بالشكاوي تقول وحيده عيالها كلن لاهي بنفسه والباقين صغار وكل يومها على النت



وفاقده الونس وراحة البال

وماعندها احد تفضفض له وتشغل قلبها فيه تقول تحس بفراغ عاطفي

وتمنى لو انها ماتت مع زوجها
لان مافيه فرق هوتوفى تحت الارض وهي متوفيه فوقها

وتقول ماعادلدنيا طعم ولالون تحلف انها ميته وهذا الجسم الموجود فقط

هي تصلي وتستغفر وتدعي ربها وهاليومين تقراء سورة البقره يوميا

ولكن حزنتني وانا بعيده عنها ومابيدي شي غير الدعاء

امس قريت ان الارمله اللي ماتقدر تتجاوز وفاة زوجها تحتاج دكتور نفسي

او تزوج وكل الحلين صعبين

:44::44::44:




12 تعليق 1,135 مشاهدة

شاركي في النقاش

سجلي الدخول لإضافة تعليق.

التعليقات

11
  1. @hya349

    خلها تستغفر الله وتسمي بالله

    وخليها ترجع تنعش صدقاتها او المناسبات يعني اقصد

    اذا كانت تنعزم للمناسبات خل تروح وخليها ترا ما في مستحيل ويمكن الدكتور النفسي ما يجيب فايده والزوج يمكن يخرب حياتها واذا كانت مررره خل تعيش لعيالها على الاقل وخل تضيع وقتها القراءه والرياضه و اشيا كثيره والله يخفف عليها
  2. @tfahh_ohydh

    صاحبة الموضوع
    هيا349
    خلها تستغفر الله وتسمي بالله وخليها ترجع تنعش صدقاتها او المناسبات يعني اقصد اذا كانت تنعزم للمناسبات خل تروح وخليها ترا ما في مستحيل ويمكن الدكتور النفسي ما يجيب فايده والزوج يمكن يخرب حياتها واذا كانت مررره خل تعيش لعيالها على الاقل وخ…
    مشكوره على الرد

    هي بعيده عنا ومافيه مناسبات ولا لها صديقات

    وحتى لو ماني اكلمها ماتصلت علي

    نفسيتها تعبانه

    ودها بالعمره يمكن ترتاح لكن ماعندعيالها احد ولو تسافرفيهم الخط طويل وعيالها شباب مايتحملون الصغار ابدا وتخاف من المشاكل بينهم

    يارب تشرح صدرها وتيسر امرها

    كانت ضحكتها ماليه البيت وفرفوشه وثرثاره

    الحين اكلمها كانها مخنوقه

    وزوجها متوفي من سنه







  3. @b_aboha_nt_4

    الوقت يشفي
    والنسيان دواء
    ان شاء الله ماتحتاج دكتورنفسي
    بس كلمي عيالها إذا كانو كبار ويسوقون خل يمشونها ويطلعونها من البيت
    وإذا كانوا مايسوقون عادي يطلعون مع تاكسي
    أهم شيء تغيرجو وان شاء الله ماتشوف شر
  4. @shgraldr_3

    اذاطولت على هذى الحاله مع تغيرها للجو وخروجها من البيت الافضل تروح طبيب يمكن تعانى من اكتئاب وتحتاج علاج
    والله يشرح صدرها ويفرج كربها ويرحمنا جميعا
  5. @hrfalghla

    ياقلبي لازم تفهمين إن إختك تعيش بصدمه و يبيلها وقت علشان تتوازن وترجع مثل قبل صدمه مو بسيطه لها فقدت الزوج الأنيس و الونيس لها فقدت السند المادي و تفكر الحين بمصيرها ومصير عيالها فقدت السعاده والسكينه وراحة البال و الإستقرار و الأمان وكبرت مسؤليتها وهي الحين الأم والأب لعيالها يبيلها وقت تهدى وتستوعب إللي صار وتتأقلم مع وضعها الجديد وترجع مثل أول بالتدريج وحتى لو رجعت بتحس بالفقد ومع كل ذكرى ترجع أحزانها الله يصبر قلبها ويعطيها الصبر و السلوان لكن إنصحيها لاتستسلم لحزنها بعدين تدخل بدوامة الاكتئاب أو أمراض نفسيه خليها تنشغل بنفسها بعيالها تزور صديقاتها و تطلع بين فتره وفتره معكم تشغل نفسها بشئ مفيد الله يكون بعونها ويخلي لها عيالها ويعوضها خير يارب

تابعي تجارب أخرى من هذا القسم.