°•.• تجمّع الأمل 53 للمقدمآت والمنتظرآت نَتِيجَة أطْفآل الأنابيب والحقن المجهَري •.•°

كيفكم جميعا

الحمدلله على كل حال

اليوم حللت وكنت متفائله مررره ولكن طلعت النتيجه سلبيه
الله يعوضني خير احس اني مصدومه وماتوقعت ..

الله يرزقنا جميعا بالذريه الصالحه

نزل مني افرازات بنيه وانتم بكرامه
والحين جفاف مع لون بسيط بني

الله يتوب علي
بكيت بكيت لين دخت
مدري اكمل المثبت والا خلاص
المرات السابقات كنت اخلي المثبت
ولا ادري عن وضعي مع الصلاة
وجنوبي فيها نغزات جامده
وانتم بكرامه عندي غازات مزعجتني

الله يجبرك ويعوضك خير
استرجعتي
قلتي انا لله وانا اليه راجعون
انا الي استحيت من ربي
من شفت الافرازات
طلعت من الدوره وانا الخبط مدري وش قلت او وش اقول
الله يتوب علي ويعوضنا خير من عنده سبحانه

الله يعوضج حبيبتي


الله يعوض صبرج بالحمل التام ياارب

انا اتذكر بحملي بالتوام نزل علي افرازات بنيه وسبحان الله حللت طلعت حامل يعني ان شااء الله ابشاارة حمل ياارب ويرزقج االحمل هالشهر



تو الناس ياقلبي اليوم الثامن بس مو معنى نزول الافرزات البنيه فشل العمليه انا بحملي ينزل علي افرزات بنيه يمكن دليل على انغراس الاجنه وان شااء الله تدل على حملج بتوااام واهم شي تفائلي خييييير والبجي والعصبيه موزينه وانا اختج..وانا بحملي الثالث جاني الم وعوار وكل شي يدل على الدوره وسبحان الله كان حمل بس مااستمر يعني لاتحطين بالج الا لين ماتشوفين تحليل الدم الرقمي وكل شي يباان فيه بعد الله

والله يرزقج الحمل هالشهر ياارب ويحفظ اجنتج لج



وليش تتركين المثبات خليج على المثبتات لين وقت التحليل وبعدين العجله من الشيطان والغازات كلنا مرينا فيها وان شااء الله علامه من علامات الحمل انا كان معاي افرزات ووبروده برجولي وعوار دوره وينزل مني افرازات بنيه وطلعت حامل انتظري واذا مستعجله سوي تحليج باليوم 12 والله يوفقج