شاركي في النقاش

سجلي الدخول لإضافة تعليق.

التعليقات

509
  1. @am_bysan_3

    اممممممم اناا اتوووووقع والله اعلللللم
    ان هيي الي تلاحق زوووووووجگ
    وزوجگ ماافگر فيهاااا
    ليششششششش !!

    لانك انتي قلتي لمن رجعتي صدفه وحصلتييييييه في المكتب يششتغل
    وهي طاااااالعه? الاخت متحمسسسسسه !!

    معنااااتهاااا
    ان زووجك مو داااري عنهااا وهي تبغاا تجيله الشيطااانه
    لان لوو متفققيييين يتقاابلون كااااان ماحصلتي زوجك بالمكتبببببب !!

    صح ولا انا غلطااااانه?

    امممممم جسست اي ثييينك ذاات

    بسس نصيييحه? لاتفتحيييييين معاه المووضوووع
    اسكتتتتتي وبسس راقبي الووضع من بعيييييييييييييييييييييييد

    الله? معگ 
  2. @astahl_ana

    صاحبة الموضوع
    السلام عليكم ورحمة الله وبركاته

    خواتي وحبيباتي صبحكم الله بالخير والرضاوالسرور يارب..

    اول شئ احب أشكر كل الي راسلوني على الخاص ويبون يتطمنون علي ويعرفون وش صار معاي أنا وزوجي وجارتي ..

    حبايبي والله بعد ماأغلقو المشرفات الموضوع وبصراحه ماادري ليش أغلقوه ولاحتى تكرمو وذكرولي السبب ..قلت لنفسي خلاص ماله داعي اكتب شئ ويمكن يحذفونه او يغلقونه زي الي قبله ..بس بعد الرسايل الي توصلني من الاخوات يبون يعرفون وش صار معاي قررت أكتب لكم الي صار وأطمنكم علي,,

    خواتي,,أنا جلست فتره بعد ماتقفل الموضوع وانا في حيره من امري وماقدرت اعرف شئ ابد مع اني اراقب زوجي من اول مايطلع الين يرجع وماقدرت امسك شئ ..ولي أستجد في الموضوع إن زوجي منعني من جارتي هذي خالص يعني قالي لاتروحين لها ابد ماله داعي ولاتفتحين لها الباب ولو مولعه حريقه في شقتها ..قلتله ليش ؟؟قال هذا قرار مني وياريت تسمعين الكلام من غير نقاش .فقلت سامع عنها شئ لاسمح الله ؟؟وقلبي يابنات احسه بيطلع من مكانه من كثر النبض ..قال لا مافيها الاالزين بس ماابيك تداخلين معها اكثر من كذا..وطلع وتركني في حيره مايعلم فيها الاالله ,,

    المهم عدى كم يوم وكنت بروح الاربعاء للاهل وماني عارفه ايش اسوي او كيف اتصرف وقررت احط كيمرا مراقبه على الباب وفي غرفة النوم..بس كانت المشكله كيف احصل عليها ومن الي بيركبها لي فكرت في أخوي بس تراجعت لان اخوي يحب زوجي كثير ويحترمه ويشوفه مثال للدين ولاخلاق فماحبيت اشوه صورة زوجي عنده لو طلع شكي في مكانه لاسمح الله ومهما كان هذا زوجي وستري وابو عيالي ماأرضى أأذيه وأذي عيالي,,فكرت وفكرت لحد ماوصلت لفكره حلوه لي أخ صغير بس على ابوي من زوجه ثانيه ويدرس في الرياض في الكليه وعلاقتي معاه تمام وبينا اسرار وأكيد ماراح يحرجني بلأسأله ليش تركبينها؟؟ وانتي شاكه بزوجك؟؟ ومن هلأسأله الي كان طلع إحابتها اخوي الكبير من عيوني ويمكن في الاخير يقول هذي اوهام وخرابيط وعيب عليك ويخرب علي كل الخطه.وفعلا أتصلت عليه وقلتله إني ابي كيمرتين مراقبه وابيه يجيني الصبح ويركبها لي وطبعا الله يحفظه قالي ابشري ولاحتى سألني ليش ,ويوم الاربعاء الصباح جاني الساعه تسع ومعاه الكيمرات وعامل وخلاه يزبطها عند باب البيت وفي غرفة النوم.وطبعا قالي اخوي تراها تشتغل 48ساعه ومتى ماحبيتي تشغليها وخليها ,,

    طبعا طلع زوجي من دوامه ومر على بنتي المدرسه ورجع للبيت اتغدينا وتوكلنا على الله للقصيم ,,وطول الطريق وانا خايفه ومتوتره وتمنيت اني ماحطيت كيمره مدري ليش بس حسيت بخوف فظيع اني اتأكد إن زوجي يخوني .وفي نفس الوقت كنت خايفه يقرر يجلس معانا عند الاهل ومايرجع للبيت وتخرب الخطه وماأرتاح واعرف الحقيقه بس كان شعور غريب ومتناقض,,

    المهم وصلنا للأهل ونزلنا قلتله منت نازل قال لا عندي شغل بالرياض مقدر ,,ودعنا ورجع للبيت ,,جلست هذيك اليله على نار وماصدقت ينتهي هاليومين وارجع البيت ,,وأول مارجعت كنا على وقت المغرب نزل زوجي لصلاه وانا أرجف من راسي الين رجلي من الخوف من الي مسجلته الكيمرا,,على طول قررت اشوف الفيلم الي في غرفة النوم وكنت خايفه تكون ماصورت او تعطلت بس اول ماشغلت الفلم اشتغل وجلست افر وافر عادي مافيه شئ كان بس زوجي يانايم يايشوف التلفزيون يايغير ملابسه يايقرأكتب إلين خلص الفلم حسيت دقات قلبي هدت شوي وارتحت بس مقهوره ماعرفت شئ يمكن ماقدرت جارتي هاليومين تشوفه مع اني متأكده زوجها مستلم يوم الخميس بس قلت يمكن طلعت لهلها ,,قررت اروح للكيمرا الثانيه الي على الباب قبل مايرجع زوجي من المسجد وكنت شبه متأكده ماراح ألاقي شئ ,شغلتها مافيه شئ عادي المهم افر وافر وشوي تفاجأت بجارتي واقفه تتكلم مع زوجي بس ماأدري وش الكلام لانها صورة بس مافيه صوت حسيت نار تطلع بجسمي وتسعا الين راسي يدي صارت ترجف بس تفاجأت يوم رجعت التسجيل إن زوجي اول مافتح باب البيت راجع من برا ويبي يسكر الباب الاهي طالعه من شقتها وجايه على باب شقتنا بسرعه وتدف زوجي تبغا تدخل وهو يدفها بكل عصبيه ويتف بوجها ومدري وش قاعده تقوله وهو يهاوش وبعدين سكر الباب فريت لحد ماخلص التسجيل ماكان فيه الا هالمقطع والباقي عادي زوجي يطلع ويدخل اويجيه شباب ويطلعون عادي,, خلصت وقمت بسرعه ارتب البيت وجسمي كله يرجف ودي أصيح بس ماقدرت وفكري انشل ماني عارفه وش الي صاير هي تعرض نفسها عليه وهو مايبيها ولا غلط معها وبعدين حس بالذنب وتركها وهي تبيه وتلحقه معاد فهمت ,,,, وماحسيت يابنات إلا وانا ارتب شنطتي وشنطت عيالي واحط هدومنا كلها من غير شعور ومدري وش الي صار بس كذا حسيت معاد ابيه ودي اروح لأمي ودي ابكي واصيح بصوت عالي كل الي في الدنيا يسمعه,,ودي اموت ودي ارجع بنت ماتزوجت شعور غريب عمري وحياتي ماحسيته أنا إنسانه هاديه كثيررررر والحمدلله عاقله لدرجه كبيره ومااحب المشاكل بس الشعور الي احس فيه غريب وما كأنها انا الي تتحرك في هذيك الحظه,,,,شوي فتح زوجي الباب لقاني لابسه عباتي وملبسه عيالي والشناط في الصاله,,أستغرب وقعد يردد سلامات سلامات وش صار وش فيه وين رايحه؟؟ قلت رجعني القصيم فقال ليش وش فيه الوالده فيها شئ قلت لا مااحد فيه شئ بس رجعني القصيم جلس يحلفني ويسأل العيال وش فيها امكم وهم يقولون مدري وانا انفجر فيه واول مره اسويها من يوم عرفته وصارخت بأعلى صوتي وديني لاهلي ولا والله اذبح نفسي حاول يهديني بس أعوذ بالله كنت مجنونه حسيت بتجيني جلطه من النار الي احسها بجسمي وماابيه يلمسني ,,راح واتصل على اخوي ومدري وش قاله ورجع يقول اخوك يبيك قلت ماني مكلمته وديني ولا بموت نفسي مدري وش قاله اخوي وسكر قالي انا بطلع دقايق وارجع تكونين هديتي بس ركضت على الباب وقعدت اصيح واترجاه يوديني ويرحمني ولابموت نفسي قدام عياله ,شوي رضخ وقالي يله وطول الطريق وهو يحاول يعرف وش السبب بس ماقدرت انطق بكلمه بس حسيت اني خلاص معاد ابيه ولايهمني ,,وصلت لاهلي ونزلت لقيت اخوي واقف برا ولاكلمني ودخلت لامي وانا اصيح زي الولد الصغير وقعدت تقرا علي وتحاول تهديني ,,

    انا عند اهلي الحين وكل ماسألوني وش الي صار اقول لهم معاد ابيه وبس ,,وللحين يابنات احس معاد ابيه ابد ولا ابي اسمع حتى صوته في الجوال ومحتاره ليش انا سويت كذا مع اني ماشفت شئ يأكد خيانته لي ومافيه شئ غير الي قلته لكم بس اول مااحاول اهدئ نفسي وافكر ارجع واتعوذ من الشيطان احس بالم في صدري واحس بغثيان وارجع اتراجع واصر اني ماابيه ,,

    هذا الي صار خلال الفتره الي انقطعت عنكم حبايبي حبيت اقوله لكم بناء على طلب الكثير من الاخوات ,,واتمنى منكم تدعون لي ولعيالي ,,

    :26:وهذي لكل وحده راسلتني على الخاص
  3. @mtgr_dy_alkmr

    أستاهل أنا
    السلام عليكم ورحمة الله وبركاته خواتي وحبيباتي صبحكم الله بالخير والرضاوالسرور يارب.. اول شئ احب أشكر كل الي راسلوني على الخاص ويبون يتطمنون علي ويعرفون وش صار معاي أنا وزوجي وجارتي .. حبايبي والله بعد ماأغلقو المشرفات الموضوع وبصراح…
    صح قريت موضوعك الاول
    والله يكون بعونك
    بس بما انه صاد عنها ليشتركتي لها الفرصه
    وخليتي لها الجو
    حاولي ترجعي لبيتك وعيالي واشرطي انكم تنقلو من البيت

    تصدقي من كثر كذب البنات في حواء ماعاد ادري قصتك من جد او من نسج الخيال ؟؟؟
    انتي غيرتي عضويتك ؟؟؟؟
  4. @am_mhmd_tbok

    أستاهل أنا
    السلام عليكم ورحمة الله وبركاته خواتي وحبيباتي صبحكم الله بالخير والرضاوالسرور يارب.. اول شئ احب أشكر كل الي راسلوني على الخاص ويبون يتطمنون علي ويعرفون وش صار معاي أنا وزوجي وجارتي .. حبايبي والله بعد ماأغلقو المشرفات الموضوع وبصراح…
    ياالله الله يعينك ياقلبي وانا متاكدة انها تعرض نفسه وهو مااعطاها وجه حبيبتي لو انه غلطان معها ترى الشيطان شاااطر ممكن يضعفه بذيك اللحضة ويرضخ لها ويدخلها لكن اتعوذي من ابليس ولاتقوليله عاللي شفتيه واذا حابه تشغلي الكاميرة عشان تتأكدي وتعذري بتصرفك اللي فات انك كنت حاسة بضيقه وبتووصلي لدليل وربي يطمن بالك ويهدي حالك


    -----------------

    واذا عالمشرفات الحمدلله والشكر ماعندهم الا الحذف لي اسبوعين اراسلهم كأني اراسل اشباح
  5. أستاهل أنا
    السلام عليكم ورحمة الله وبركاته خواتي وحبيباتي صبحكم الله بالخير والرضاوالسرور يارب.. اول شئ احب أشكر كل الي راسلوني على الخاص ويبون يتطمنون علي ويعرفون وش صار معاي أنا وزوجي وجارتي .. حبايبي والله بعد ماأغلقو المشرفات الموضوع وبصراح…
    هذامن الشيــطان غيري مسكنك والله يكون في عونك يــارب ويريح قلبك.

تابعي تجارب أخرى من هذا القسم.