السلام عليكم ورحمة الله وبركاته
مرحبا بنات اش اخباركم ان شاء الله طيبين ومستانسين واكيد مشغولين بالتفكير في لوكات الصيف يالله خلونا نتناقش الصيف جاي واكيد كل وحده فينا عندها مناسبه خاصه او قرايب لها ونبغى نرضى عن لوكاتنا وننبسط في سهراتنا وحفلاتنا ومانندم ونحط فلوسنا في مشغل كنتي منتظره منه الاحلى ونفس الوقت نبغى مشاغل ارخص شوي وتوب شغلهم
انا يومين افرفر بالمنتديات لعلي القى اجابه شافيه عن احسن مشغل يسوي صبغه لاني ابغى اغير واسوي نيو لوك ونزلت كمان موضوع بعض البنات ماقصروا بس برضوا مافي اجابه شافيه وتقنعك لانه صراحه الاسعار كمان مبالغ فيها وانا راح اقلكم الي طلعت فيه من بحثي ونتناقش وياليت كمان تقولون تجاربكم وممكن نتناقش في غير الصبغه بصفه عامه مكياج وتنظيفات وتساريح المهم الاحصائيات كانت كالتالي بالترتيب مع ملاحظاتي
1/ جمالك (كثير مدحوه وكثير سبوه يقولوا عطره بس همها الفلوس وصبغتهم قويه وتحرق وتعدم الشعر وانا شعري راس مالي هههههههههه)
2/ نواره ( نفس الغلا بس وناس تمدح وناس تقول مو مره )
3/جاك (وهذا اقنعتني وحده من البنات تقول صاحبته سعوديه وماتستخدم الحرراره في اللصبغ يعني تاخذ وقت بس عشان ماتعدم شعرك بس مادري اش رايكم الي جربتهم تقول )
4/ لمسات وكمان شاديه سنتر والواحه ومنه سنتر وكم مشغل بس هذول اكثر شي جابو سيرتهم
يالله الحين لكم المايك وياليت الي جربت او شافت بعينها تقول نبغى نفيد بعض لاني صراحه ابغى تغيير بس خايفه على شعر على الاقل اطلعلي بصبفه حلوه بعد الانتظار الطويل ذا وماتنعدم شعورنا لانه مو معقوله اصبغ وشعري ينعدم بالشكل ذا اش الفايده وشكرا
الموضوع مغلق