السلام عليكم :)
كيفكم حبيباتي عساكم دوم بصحه وعافيه يارب :)
خواتي البارح كان عندي جمعة صديقاتي ومن ضمن السوالف قاعده اقول لثنتين منهم ليش ماتدخلون خدمت الواتس اب بجوالاتكم عشان نتواصل دايما وكمان توفير لفواتيركم المهم قالت وحده منهم والله ودي من زمان نفسي احطها لكن زوجي رافض مره قلتلها ليه وهو وش دخله قالت ماخذ نظره شينه عن هالبرنامج وعن اي وحده تحطه بجوالها على انه هو حاط البرنامج
بصراحه انا من جد انقهرت وماحبيت احرشها على زوجها اللي فيها مكفيها وهالنوعيه من الرجال اعتبرهم جهله ورجعيين ليه يحللون لنفسهم ويحرمون على حريمهم ولا عشانها حرمه:icon28:
لكن الصدمممممممممممممممممممه هنا:mad:
قالت الثانيه احمدي ربك على الاقل اذا طفشتي وما عندك الواتس اب تجلسين عالى النت براحتك ...قمت انا نطيت وسألتها<<ياشين اللقافه شيناه لكن وش اسوي من القهر
سألتها ليه وانتي ماتجلسين على النت براحتك قالت لا والله ماصدق ينامون عيالي واجلس اتصفح النت ويجي :arb:ابو الشباب ينكد عليها بالطلبات اللي ماتنتهي واذا راح نام يقعد شوي ويجي يشوفني باقي جالسه عليه يزعل ويخليها تطفيه غصب وتروح تنام
ووحده هاذي قد تعرفت عليها قبل ثلاث سنين تقول من يوم اتزوجت الا الآن ولمدة 7سنين مستحيل تقدر تسهر لحالها على التلفزيون تقول متى ماجاه النوم طفى التلفزيون وخلاها تنام غصب<<ليييييه يابو الشباب سلماااات وش هالتعقيد مراهقه ولا بزره>>
طبعا اعطيكم القصص بالمختصر المفيد وما خفي كان اعظم...
ليه القهر هذا والله يابنات اني حزنت عليهم ثلاثتهم:( ماأدري هو اللي عند رجالهم عدم ثقه ولا(((اللي على راسه بطحا يحسس عليها)))يومنه راعي حركات يجي وينظر لها هالنظره ولا جههههاله وتفكير متحجر
هاحبيباتي وش رايكم بهالنوعيه اللي تجيب المرض وتنظر للزوجه كأنها مراهقه مو زوجه:angry:
:26::26::26:
يارب لاتحرمني من زوجي وألف بين قلوبنا وابعد عنا ابناء وبنات الحرام اللهم آميييين
شاركي في النقاش
سجلي الدخول لإضافة تعليق.
التعليقات
37- اعتقد انه الرحمه تقدر تغير الرجال بذكاء
- فيه كثيييييييييييييييير من هالنوعيه ماخذين السالفه كلها غيره أو عناد و تحكم مانقول إلا الله يهديهم و يسخرهم لنا يارب
احياناً كثر التنازلات والتهاون بان الزوجه تقول يالله معليش خليني امشيها هالمره
يخلي الزوج يتمادى اكثر ويتجرأ على امور ماله حق فيها
الزوج مجرد شريك حياه يقاسمك فيها لكن مفهوم الزواج عندنا غلط
فاهمينه سلطه وتحكم وفرض راي وشخصيه
تحسين ساعات انها جاريه عنده مو زوجه زي ماله حق هي لها حقوق
اسمحيلي اقولك هي غلطآنه وبتهاونها هو اتمادى
انا معاها انها تفوت له مره واثنين الحياه الزوجيه ساعات محتاجه تنازلات عشان تمشي
لكن لاتخليه يتمادى لدرجة يوصل حتى اوقات نومتها يتحكم فيها !!- كلكم راعى وكلن مسوول عن رعيته
- صدقتي انا اعرف ناس من هالنوعيات الستلايت ممنوع البلوتوث اللهم لك الحمد مين باقي يفكر في البلوتوث جوال الكاميرا ممنوع حضور الزواجات ممنوع حتى زواج اخته ممنوع الكم القصير ممنوع الاغاني ممنوع الزيت في المطبخ ممنوع ماجي ممنوع وهوه كل شي مباح تدخين اغاني علاقات نسائيه سفر كل شي له مباح يعني احتقار للمراه الى ابعد درجه الحمد لله الذي عافانا مما ايتلاهم فيه ويصبرهم قال وش يحدك ع المر قال الي امر منة
مواضيع مشابهة
تابعي تجارب أخرى من هذا القسم.