السلام عليكم
مساء الخير لبنات منتدانا الغالي
راح أدخل في الموضوع على طول ، أنا سلمكم الله مو من جدة وجايه عندكم لي يومين فأبغى تدلوني بعد إذنكم على مشغل حلو للقص ويكون قريب من السكن اللي احنا فيه لأني ماأعرف أكثر الأماكن في جدة . احنا مستأجرين على شارع حراء في فندق مركز العرب ومن الأماكن اللي أحس إننا قريب منها سوق حراء الدولي وأيضاً نمر من عند ميدان الجواد الأبيض والفندق اللي إحنا فيه كان اسمه التوز سابقاً فياليت اللي تعرف مشغل حلو للقص قريب من سكني تعطيني اسمه ووصف للمكان زين وإذا فيه كوفيرة معينة تعطيني بالاسم في أسرع وقت ممكن لان ماني مطولة في جدة الله يجزاكم الجنة ويفرج عنكم كربة من كرب يوم القيامة .
شاركي في النقاش
سجلي الدخول لإضافة تعليق.
التعليقات
13- اب
برستيج المحبه اب
الله يسعدك ياأختي برستيج المحبة
وأسأل الله جلت قدرته أن يشفي أمي وأمك شفاءً لا يغادر سقما وجميع مرضى المسلمين
والباقي الله يسعدكم أن تحاولون تساعدوني مالي إلا الله ثم أنتم وباسرع وقت- شوفي البوادي والله ما اعرف فيه مشاغل تمام لكن في مشاغل ثانيه ممكن انك تجي عن طريق المدينه دامك ذكرتي حراء طري المدينه النازل اللي ينزلك عالمساعديه
اختي في مشغل قبل المساعديه يعني حتمشي ع طول بيقابلك السوق علي يمينك وقبل السوق تأذي يمين تمشي ع طول بتلاقي مستشفي الأطفال والولاده
وقبل نهاية الشارع في مفرق بيرجعك ع طريق المدينه ويسارك كمباوند وبعد الكمباوند في بنك الرياض من عند البنك لفي يسار بتلاقي في الوجه صالون الشامل بلازا
واذا اخذتي بعد البنك يمين تلفي اللفه الثانيه يسار اخر فيلا ع يسارك في سماره بيوتي
كلهم صوالين كبيره وفخمه وشغلهم نظيف اتمني تكوني فهمتي
وحياك بجده وزورينا ثاني - سبحان الله
اب لعيونك - خلف حراء بلازا صالون عفت وهذا اشهر صالون ع مستوى جده حتى عندها صبغه بدون امونيا اللي تنشف الشعر
وتدمره
يعني حيكون جنب مدارس جده الخاصة
مواضيع مشابهة
تابعي تجارب أخرى من هذا القسم.