عناد زوجي وش اسوي ابي بنتي طيب

يابنات زوجي قرر يسفرنا برا وانا ماحب السفر والغربه خصوصا بالطياره المهم تحملت وسكتت عشانه وعشان عيالي اول مره نطلع ولدوله اجنبيه بس الي صدمني وقهرني انه حجز لخمس اشخاص ماحسب بنتي الصغيره عمرها سنه ونص مت من القهر والله كلما يطري علي الموقف دموعي تنزل ابي بنتي مابي اسافر واتركها معقوله اجلس يوم ماشوفها لا ماظن اتحمل يابعد عيوني هي اشتاق لها بكل وقت واصلا هي متعلقه فيني اتوقع تمرض اوتصير بها حاله نفسيه بدوني وهو عنيد يا نتركها يامافيه سفر وتبون تعرفون ليش مايبينا ناخذها يقول تتعب وتمرض وتغثنا بالسفر وبالطياره تمل وماراح تستمتع زي اخوانها كبار ويعرفون وهي مانستفيد من جيتها الا التعب يقول فكري بالاسواق وفكري بالمطاعم والتمشي راح تتعب هو معه حق بهذا كله بس مابي اسافر ابي اجلس مع بنتي ياقلبي حبيبتي والله قلبي متقطع عليها والله وهي نايمه الحين نفسي اقوم اصحيها وابوسها واحضنها لانها زي ظلي بالبيت وراي وراي حتي بالحمام تصيح تبي تدخل معي بالله وشلون اتركها وشغلتي طيبه معها ومتعوده عليها بس اتخيلها تبكي تبيني او تمرض وانا ماني عندها او تناديني ماما وانا ماسمعها والله حالتي عذاب كلما تطري علي ابكي تكفون دورو لي حل ابي اخذها معي اذا مافيه حل طز بالسفره كلها ولاتعقد بنتي تكفون ابي اراءكم

34 تعليق 4,779 مشاهدة

شاركي في النقاش

سجلي الدخول لإضافة تعليق.

التعليقات

34
  1. @ogdan_tflh

    بنت صغيره لسا ترضع ولا فطمتيها ؟ لو ترضع يبيلك تفطمينها اول
    وبنتك لو بتسافرو بتتركوها عند امك ؟ امه ؟ اختك ؟ عمتها ؟ اذا وحده منهم خليها من الان عندهم من العصر الى الليل بدونك
    اما شغاله وهذا اللي كتبتيه مستحييييييييييييييييييييييييييييييييل لو تنطبق السما على الارض لا تتركيها
  2. @nbdy_nbdk_ant

    اقول خذيها معاك اصلا شلون تستانسين وهي مو معاك
    بذات اذا كنتي حنونه قد كيذا
    الله يخليك لعيالك وزجك ويخليهم لك
    تعلموا ي حريم منها قسم انها ونعم الام مو اللي تاركه عيالها مع الشغلات ولا راميتهم على الناس عشان تروح تطارد ورا زوجها
    والاطفال هم الضحي
    ي فووووديتك الله يسعدك دنيا واخره قسم اني حبيتك
  3. @hna_oaaafy

    الله اكبر ليش بتعيشين سنه برا
    يااختى روحي وانبسطي وونسي عيالك وزوجك لاتخلينه يتحسف انه سفركم واذا بنتك صغيرة مسكينه بتتمرمط بسفر وانتي ماراح تنبسطين اذا شفتيها تعبانه ولاراح تنبسطين اذا كنسلو السفرة وقهرتيهم
    احسك ماودك بروحه وتطلعين عذر صح بنتك عذر قوي وقطعه منك بس هي صغيرة وبتلهى مع البزارين وحطيها عند اختك او امك والافضل عند احد عنده اطفال حتى تسلى معاهم ويمكن تنبسط اكثر منكم
    لاتكبرين الموضوع ترا كلها ايام وترجعين بسلامه لاتصيرين كئيبه
    اذا كبرت شوي خوذيها معاك وروحو كلكم
    زوجك وعيالك يبون ينبسطون وانتي بترفضين وناستهم عشان طفله ماتميز اكيد بتفقدك بس اذا لقت مين يسليها ويطلعها ويهتم فيها بتنسى مو كبيرة تعرف وتحسب رجعتكم
    ولاتحسبين ان ماعندي اطفال وماحس فيك هي صحيح صعبه بس انتي مخيرة بين نارين اولادك وزوجك وبين بنتك وانتي شوفي مين يستاهل التضحيه
    جارتي زي وضعك بس اصعب راحت لدوله اوربيه مع زوجها دورة شهر واخذت بنتها اربع سنوات وزوجها الزمها تترك ولدها كبر بنتك وحطتهاعند اختها وعندها طفل كبره تقول اول مارجعت مايبي يرجع معنا من الوناسه
    انتي حطيها عند وحده ثقه اختك اخته وعندها اطفال ومعاها شغالتك واستخيري قبلها واستودعيها الله وتوكلي على الله وكل يوم اقري عليها وحصنيها وانتي بسفرتك واتصلي كل شوي تتطنمنين
    ووضحي لزوجك وعيالك انك مبسوطه لاتكسرين فرحتهم وتخربين جوهم
    وقولي لزوجك هذي اخر مرة نسافر برا الين تكبر وقولي صيفنا مع اهلنا احلا هههه
    والله يسعدنا ويسعدكم ويطمن قلبك على بنتك ويحفظها من كل شر قولي امين

تابعي تجارب أخرى من هذا القسم.