الموضوع مغلق
زوجي ماعجبه شكلي ............/تم
السلاام عليكم ورحمة الله وبركاته
خواتي انا مقهووووره ومحبطه نفسيا
انا تهاوشت مع زوجي قبل سنه ورحت عند اهلي زعلت سنه كامله
وصارت عندي ضغوط مع الحمل وصابني فشل كلوووووي والحين على الغسيل
نحفت نحف مو طبيعي صرت هيكل عضمي قبل كان وزني بالسبعينات وبشرتي بيضاء وعندي خدود وجهي مليان وشكلي يهبل
الحين مع الضعف رايحه اخرع وجهي بس عيوون طايره من النحف وجهي عضام
ومافي صدر كله عضام
ومافي امل ارد مثل قبل الا بلما ازرع كليه
ونفسيتي زفت مره ومحبطه ومافي لبس يلبق علي
رجعت لزوجي بعد سنه ويوم شافني حسيته متغير متغير من يوم شافني وجهه تغير حسيت فيه بس هو مابين لي علشان مايجرحني بس انا قلبي حس وسويت نفسي اني منتبهتله
حتى ذيك الليله مانام معاي الا مره وحده ومن غير نفس
وقالي اسمع يقولون عنك نحيفه بس ماتوقعتك كذا
واي شي يقولي اخاف اعورك يحسسني اني مريضه
قلت له انا طيبه ليش تحسسني بمرضي وبضعفي قال انتي تكابرين
وراح معاي للغسيل وهو مترووووع قلتله بكره تتعود على هالمنظر ويصير عادي عندك ابيه يتقبله بس احسه يسرح كثير
حتى لما امشي انطنط يقولي انتبهي لاارهقين نفسك
انا مقهووووره مابي احسسه بضعفي
والمرض ماهو بكيفي غصب عني
كل ليله ابكي وادعي ربي يشفيني
يارب اشفي عبدك الضعيف الذي لاحول ولاقوة الا بك
والله اني مضايقه حييييل من وضعي عجزت اتقبله
والغسيل احس انه رابطني ومقدر حتى اخذ عمره ولا اقدر اتمشى ولاقدر اسافر اي مكان وهاذا الي اكثر شي مضايقني
تكفووووون ادعولي ابي اطيييييييب والله ياثر مادعيت ربي بس مدري ليش منحبس هالدعوه
اي وحده تذكرني تدعي لي يمكن دعوتها مستجابه
تو صابني الفشل من شهرين فقط
والكليه فيها حصوه وهي معطله وضيفة الكليه والدكتور يقول لي الكليه فيها شغل بس ضعيف ماتأدي وضايفها كامله وقالي خليكي على الغسيل
يارب يزيج عني ويشفيني ويفرج همي
ويسر اموري
نسيت اقولكم هو خطب بس ماتمت الخطبه اخاف يرد لها واموووت بحرتي من القهر