حافز و الحصاله وزوجي

[SIZE="4"]السلام عليكم ورحمه الله وبركاته
بدخل على طول حبايبي

انا شخصيتي اني احب اجمع الفلوس بس ابد مو بخيله يعني اجمعها عشان اللي نفسي فيه اشتريه طيب
وكل ماجمعت قرشين نط لي زوجي ويقولي لاتلعبي فيها احنا نبغى نحط رجولنا يعني يشتري ارض
وهو قبل شهرين ماخد قرض :06:
المهم هو دحين داخل جمعيه وقاعد يجمع
وانا لمن يعطيني مصروفي ماشتري فيه لاني ماطلع من البيت :06:
واي شي بنفسي يقولي بعدين زي الذهب يقولي باقي غالي واصلا ماراح يرخص جنني :angry2:
جاء حافز اللي توقعت بكون مستانسه فيه واشتري اللي ابيه
طلعلي انو بيشتري ارض وبايخدها لمن شهر 8 وانا لمن دحين :angry2:
وقبل لاتنزل كان يزاعلني بسبب تافه يقعد يصرخ عشان لمن اقولو ابغى ذهب وايباد واسوي اسناني
يجي فجاءه يقولي خلاص مابغاها وشوي عادي ولاكانو سوى شي وانا انقهرت منو
امس الصباح سويت حصاله بعلبه الحليب
وقلت له سويلها لحام قالي لا مالها داعي طيب

شوي نط لي يقولي خلاص بجمع معاكي
قلت له كل واحد يكتب حرفه واللي يطلعلو يمتع نفسو فيها
زعل قالي خلاص خلاص وقالي انا كنت اتوقع انك بتجمعي للارض ونفتحها بعد كم شهر :eek:
عصبت وقعدت ابكي وماعندي اي حل رحت غريتها بغراء السيلكون :eek:
عشان مايحاول يفتحها ولاانا
زوجي طيب بس لمن تكون عندي فلوس يحب يجب كلام ملفوف عشان اقتنع وانا طيبه
ولانو في الاول والاخير هو مايطلعني السوق عشان اشتري الللي نفسي فيه الا مره
انا عارفه اني طولت عليكم بس انصحوني انا صح ولاغلط وكيف اتفاهم مع زوجي
لانو دحين كتب ورقه بالفلوس اللي قاعده اجمعها ويمكن بحدود 20 الف وقاعده افسمها لاني بفتحها بشهر 12 ان شاء الله
بس زوجي يقهر يقولي انا ماعندي استطاعه ادرسك دحين الجامعه اخلص واسجلك يعني بعد 4 سنوات لانو يدرس:06:
كلو تعقيد في تعقيد
واللي بتقول ليش لمن تنزلي لااهلك ماتشتري هما مايبغوني في مشاكل عائليه كبيره
وكمان قد جمعت من وراه بس ماحسيت بقمتها لانو اجمع وفي النهايه ماشتري شي فيها
انصحوني جزاكم الله خير اعتبروني بنتكم

ملحوظه ترى هو يقولي يبغى يكتب نصها باسمي لانو مايضمن الدنيا
بس خفت على قول الحريم الرجال مالهم امان
شجعوني اني اثبت على راي واجمع ولمن افتحها تسير ملكي لوحدي



وجزاكم الله خير