سبني ولعني تعالوا اقولكم السالفه

السلام عليكم ورحمة الله


عندي مشكله يابنات الله يخليكم ساااعدووووووووني

السالفه اني قلت لزوجي بنزل موضوع في منتدى اني ابغى احد يساعدني في فتح حساب في بنك

ووافق زوجي
طبعا لو قلتله نزل الموضوع انت مستحيل يوافق
الموووهيم ارسلي واحد ع الخاص يبي رقم زوجي عشان يساعده
مدري شلون عرف اني بنت مع اني والله سجلت باسم ولد وكتبت الموضوع على اني ولد عشان زوجي مايزعل

الموهيم استأذنت من زوجي وعطيته الرقم وارسل لي الولد رساله ثانيه عن الموضوع

وانا رديت له برساله ثانيه قلتله كلم زوجي بدري

وزوجي لما شاف هالرساله عصصصب وسبني ولعني وقالي ليش تسوولفين معه ترخصين بنفسك عشان رقم حساب

طبعا انا ماقدرت اسكت وتخاصمت معه

وش اسوي يابنات طلع الحين للدوام وهو معصب

يشهد ربي علي مأرسلت للولد غير رسالتين
وحده فيها الرقم
والثانيه قلتله كلم زوجي بدري
ومو من وراه وريته عادي

هل هذا يستحق انه يعصب ويرفع صوته ويسبني

جأاوبوووووني محتاره

واللي بتجرحني لاتررررد

26 تعليق 3,493 مشاهدة

شاركي في النقاش

سجلي الدخول لإضافة تعليق.

التعليقات

25
  1. @otyn_alaamr

    حبيبتي زوجك يخاف على عرضه وحرمة بيته حتى من نسمة الهواء
    وهذا يدل على رجولتة
    وبعدين حطي نفسك مكانه لو هو اللي مكلمتة بنت ايش بتسوين

    لما يرجع اعتذري له بطريقة لبقة ماتبين انك مسويه شي كبير
    وقلي له ان قصدك تسرعين بالاجرات ليس الا
    والله يوفقك
  2. @tfah_hmraaa_1

    انا اشوفك ما غلطتي وغير كذا واضح انك وحده محترمه
    خاصه لما قلتي له كلم زوجي يعني واضح ان زوجك على علم بالموضوع
    والله يصلح مابينكم
  3. @ghs_frh_2

    صاحبة الموضوع
    الله يجزاكم خير يابنات
    شلون اعتذر منه بدون مابين اني غلطت
    والله شايله هم
    مابي زوجي يمسك علي شي
  4. اللي انا مو مستوعبته !!!!!!! شلون موضوع عشان احد يساعدك في فتح حساب في بنك ؟؟؟؟؟؟؟

    يعني حساب عادي؟؟؟؟؟تحطون فيه فلوس ؟؟؟؟؟؟؟ تقدرين تروحين البنك وتحطين ان شالله 1000 ريال ويفتح الحساب

    وشوله موضوع ومنتدى ؟؟؟؟؟؟؟ ورسايل خاصه ؟؟؟؟؟؟؟
    طبيعي الولد بيعرف انك بنت لانه مافيه رجال او ولد ما يعرف شلون يفتح حساب بالبنك ....

    الله يصلحك بس
  5. @mshfohh_ommlohh

    ارسلي له رسالة :

    يا ... لو ادري انك تزعل ما ارسلت

    وانا ماكتبت شيء يزعلك مني ... وماراح اعيدها دام ان هالشيء مايعجبك

    ارضى عني الله يرضى عليك دنيا وآخره

    مع كم كلمة حلوة

    والله يصلح حالكم ويسخركم لبعض

تابعي تجارب أخرى من هذا القسم.