افتتاح الملف الأول لتشطيبات منزلك ...حياكم الله

بنات
خبركم انا فصلنا الباب الخرجي عند عالم المعادن
مو المفروض يجيبونه مصبوغ فرن ؟؟؟؟؟؟؟؟؟؟
حنا رامينه بدون صبغ ويقولون بيجون يركبونه ويصبغونه واليوم كمان اعتذروا

نسومه الحمدلله ع السلامه هع حسيت بخوفك بنتي تقول ماابغى انام والله ان نمت بتحلم بالفار عارفه نفسي ياماما هع ‏

مدو الله يشفي بنتك وجميع مرضى يارب ‏

نسومه تصدقين لما مرينا من عند التخصصي وجاء زوجي بيوقف عند المعادن واني لاشعوريا ‏
اقوله هذااااا اللي يذمونه البنات وع طول لف عنه ومشينا هع ‏

والله يابنات اننا فصلنا عند حداد يعرفه صديق زوجي ماعنده الا محل في الصناعيه و شغله حلووووو ‏
اصور لكم بابنا وع مانبغى ورخيص اغلى شي وكلفنا ع اربع ميه وشوي ‏
يعني مو شرط ان هالمحلات اللي ديكور حلو وعرضهم حلو ان يكون شغلعم حلو ‏
ونفذها في وقت قياسي ماشاء الله وتعامله راااقي ‏
ولو جبتي له اي باب اتوقع ينفذه لكم ‏

واما دهن الباب لا اللي دهنه لنا الدهان ودهنه زيتي خاص مثل اللي قالو عنه البنات اتوقع مثل دهان السيارات ‏
وطالع حلو الحمدلله ‏

مدو ياشين هالنفسيات ان جتهم اقوله ياخي ضهب الكثير مابقى الا القليل كمل معروفك ‏

وش الفرق ياليت اللي تعرف تشرح لي شرح وافي والله مافهم شي في الاسبوت لايت ‏

وع اليوم كنت بروح بس جاه شغل وطلع

انا عندي اثنى عش صغار وفي الزوايا اربع كبار في كل غرفه قلت اخلي الصغار ‏
اصفر والكبار ابيض ‏
بس ابغى ابيض قووووي وش اختااار ‏

ام رايسا عند طريق الخرج فيه كل شي اللي يناسب الاذواق واسعارهمفيه الرخيص والغالي ‏
عندك التخصصي بعض المحلات لها فروع في طريق الخرج وطبعا اغلى اللي في التخصصي ‏
وعندك مخرج تسعه يقولون عنه البنات انا مامريته ‏

تجربتي كانت منزل السيراميك اشياءه حلوه وغالي واشكال جديده ‏
الانصاري عنده المجموعه الجديده اللي نزلها حلوه والباقي عاديه اسعاره حلوه ‏
مكارم النخبه والاباء اسعارهم معقوله ويالله تلقين عندهم شي حلو ‏
الخزف يصلح لحمامات الملاحق عاديه جداااا ‏
هذاااا راي انا يمقن احد يخالف راي ويمقن لا ويمقن يعجبكم راي ويمقن لا ‏