اللي ولدت في دله بالرياض تتفضل الله يجزاها خير ...

السلام عليكم ...

كيف الحال ياكروشات ان شاء الله بخير

انا ناوية بإذن الله اني اولد في مستشفى دله وكنت ناويه اراجع عند ممتازه بس يقولون استدعائها ب1500 وغير كذا مشغوله وماتعطي احد وجه اجل وش الفايده فقررت اهون عن ممتازه واشوف وحده غيرها ..

ابيكم تساعدوني اللي ولدوا بدله قريب من افضل دكتوره في الولاده من ناحية (
صبرها على الوحده وماتلجأ للعمليه الا اخر شي) ومن نااحية (الخياطه التجميليه)؟؟؟

بليييييز انا في الشهر الثامن وابي احجز موعد تكفون دلوني على طبيبه كويسه ....

الله يسهل حمل كل من ردت علي ويرزق كل وحده ترد او ترفع موضوعي باللي تتمناه يااااارب..

32 تعليق 4,368 مشاهدة

شاركي في النقاش

سجلي الدخول لإضافة تعليق.

التعليقات

32
  1. @am_alamyr2009

    يابعد عمرى..الله يهون عليك يارب..
    ولدتنى امانى..مره تجنن بس مو شرط تلاقينها..
    عندك ساميه سودانيه تجنن وعسل..
    وكمان صبا..عسوووله..
    وناديه ونضال وكثير...واغلب دكتوراتهم ماشاء الله ماعليهم كلام..
    مابتخافيش ياقمر..
  2. @fraolh2000

    انا في ولادتي الاولى من ٤ سنوات جيهان فاروق مصريه وكانت روعه وخياطتها حلوه من جوا وبرا وولدي الثاني من سنتين كانت صبا روعه في كل شي الا الخياطه ماعجبتني والحين نفاس لي ٢٢ يوم وولدتني اية سودانيه وبصرااحه مرره روعه في تعاملها وتفهمها وصبرها عليك وخيطتني من جوا وبرا يعني انصحك ياجيهان او اية وارجح ايه اكثر والله يكتب الخيره
  3. @nrgs

    ولدت في دلة ..
    وممتاز ..
    واغلب قريباتي في دلة ..

    تقريباً هو أفضل الموجود ..

    وأنصحك تكثرين من الدعااااااء والتعلق بالله ..
  4. صاحبة الموضوع
    الله يجزاكم الف خير اللي رديتوا علي طيب اخت نرجس عند اي طبيبة ولدتي؟؟
    فراولة (( الحمدلله على سلامتك ومبروك ماجاك ))... كلامك عن ايه ريحني الله يسعدك بس بسألك كيف خياطة آيه انا ها الشي مره مشغلني لاني تعقدت في ولادتي الاولى مررره كم تقعد تخيطك ؟ وانتي طلبتي تجميليه والا هي بدون ماتطلبين بتخيطك؟؟

تابعي تجارب أخرى من هذا القسم.