الموضوع مغلق
زوجي يخونني بالعاده السرية/تم الرد
عزيزاتي بنات حواء بلا مقدمات زوجي يزاول العادة السرية .وهذا الشئ اكتشفته بعد اول سنه من زواجنا والحين مر علينا سبع سنين كنت في الاول اكلمه بهدوء واقله اذا فيني نقص قلي رغم اني كنت اهتم بنفسي واحب اتزين واحط مكياج في البيت بس ولا كاني موجودة الين يوم دخلت عليه يتفرج افلام اباحية والعياذ بالله زعلت وقلت له اذا تبغ شي قلي انا في بيتك علشان اعفك يقلي انتي حلوة ومافيكي اي نقص بس عادي لاتكبريها انا مت مئة مره لما قال عادي اتماسكت وبعد كده صرت محبطة وادور وراه وما اثق فيه لمن يكون لحاله عند التلفزيون صرت اجاريه واقله لوتبغاني اتفرج معاك ماعندي مشكله قال طيب واكتشف انه رجع يتفرج لحاله ويسوي العاده السرية وزعلت لكن :44:من غير فائدة الين يوم دخلت وهو يتفرج قلته طفي مارضي سحبت الكرت وقصيته بمقص راح نام وسابني وبعدها جاب كرت جديد قمت لقيته بهذه الحاله كسرت الرسيفر وحسيت اني خلاص مابيدي حيلة غير ان المشكله اتحولت لي وصار يقلي مريضة نفسيا علشان هذا الموضوع ماقدرت اسيطر على نفسي ودارت بيا الدنيا وحسيت بغثيان كانو مع حرمه ثانية يخوني بيستمتع بخلوته .والحين الوضع صار اخف وصار يخبي اي اثر وراه بس برضو اواجه بطريقه سلمية بس ما حسيت انه ممكن يسيب هذه العاده نبهته وذكرته انه حافض للقران وماتفتوته فروض ولا سنن يصلي التراويح والتهجد في رمضان بس هذه المصيبة مستمر فيها والين قبل فتره وعدني يتركها وصالحين بينا مشاكل ورجع لها زي زمان والله انه اليوم قلبي حسيته مات وماني حاسه معاه بامان رغم لمن نكون متراضين يكون ملاك بس مشكلته هذه العاده مخليته عصبي ويسب ويهين .وانا تاثرت من هذا الموضوع وصرت دايما افكر فيه ومااقدر اقول لاحد لان الناس تلوم وما تدي حل.صرت اعصب من اقل شئ واضرب اولادي واندم بعدها والله انها ماثره فيا اكثر منه .ارجوكم الي عندها الحل وتتمنى لاخواتها الخير تسعفني لان حياتي في خطر.