|| إفتتاح الملف الأول لبنــــــاء العظم || حياكم الله ◄

السلام عليكم ورحمة الله

كيفكم بنات ان شاء الله بخير
اعذروني اذا انقطعت عنكم مريت بشوية ضغوط وربي يسرها من عنده
مابي شي غير يابنات اني افيدكم بالي عندي
فاتمنى الجميع يسامحني لو قصرت او اخطأت في شي
الود ودي وربي افرغ كل خبراتي هنا والكل يشوفها ويستفيد منها
ومابي غير دعوه منكم بصلاح الحال


جديدي دفنوا الارض واليوم وبكرا بيثبتون تربتها بالمويه ان شاء الله

وبأذن الله الاسبوع الجاي بنبدى بناء
..............
اللي تسأل عن دفان الارض تدفن بدفانها بالنسبه لي دفناها بدفانها وجبنا زياده من برى لانها احتتاجت اكثر




رمضان واحسرتاه :
المطبخ الارضي خليه مفتوح بالطريقه اللي تفضلينها يرجع لذوقك
بالنسبه للمطبخ العلوي سكريه سكريه سكريه سكريه الروائح بتعبي بيتك لو تركتيه مفتوح



جروسه:
الله يرحمها ويغفر لها ويسكنها فسيح جناته ويوسع مدخلها ويجمعكم فيها في جنات النعيم

الله يثبتكم ويصبر قلوبكم



توفي :
الف شكر يالغاليه ع السؤال
والبنات فيهم الخير ان شاء الله
وين وصلتو ؟


قطوف الورد:
حياك الله بينا ومساحة الارض كبيره فليش تحتارين بالعكس اذا فيه ميزانيه بخبخي ووسعي صدرك

البيسمنت حلووو بس خذي في بالك ان بنيانه بيكون المتر بمترين عن قيمة البنيان الاساسيه
يعني اذا اخذو متر البناء لكم ب 500 البيسمنت بيكون 1000 تقريبا

1-توزيع الغرف حسب الاحتياج
2-غرف النوم حسب عدد الاشخاص فيها
اذا شخص واحد في غرفه وحده 4*3 او 4*4 اذا اكثر تكبر المساحه
3-دائما حطي في بالك كل غرفة بحمامها افضل مية مره
4-الدور الرضي تقصدين ضيافة نساء + جلسه لكم صح
5- غرفة الخدامه خليها جنب المطبخ + غرفة الغسيل ويفضل في الدور الارضي

ليش عازله مجلس النساء بهالطريقه ؟شيلي الجدار الفاصل بين الدرج ومجلس النساء

المطبخ التحضيري خليه مكانه مع امكانية انو تصغرينه

تكلفة البناء في الرياض عظم
العظم بدون مواد من 150-250
بالمواد 450-500
والمقاول الخاص فينا قال انو بنى فيلا ببيسمنت في الرياض ومتره كان ب 540




ام بنتي الأمورة:
بقولك بنتي خليت لها غرفتين
الاولى للنوم + جلسه ومساحتها 4*3
الثانيه ملابس + ركن مذاكره +تسريحه
وحمام طبعا وبسكر القسم بباب

ارشح انو وحده للنوم فقط
والثانيه ملابس + تسريحه ولو الغرفه مره صغيره وحمامهم كبير ممكن تكون التسريحه داخل الحمام



بداية عشق:
حلو توزيعك لغرفة النوم
مجلس النساء خليه مفتوح
المطبخ لاتفتحينه الروائح بتتعبك
اسالي مجربه خليه بباب وبس
ولو مره مصره خلي لك مترين منه مسكر بباب وخليه للطبخ واتركي الباقي مفتوح

بيتي الحالي مطبخي مفتوح على الصاله واذا طبخت يوصل لغرفة النوم



خوخه المطنوخه:
بتنضافين ان شاء الله لنا في بداية الملف
القبو حلو اذا كانت مساحة ارضك صغيره وانتم عائله كبيره وراعين استقبالات كثير
فوائده برأيي: 1- يوفر مساحه كبيره
2-مفيد في الازمات لاسمح الله
3-يزيد من قيمة الفيلا في حال الرغبه في بيعها مستقبلا

مساوئه: 1- اذا ماتخطط له كويس بيكون مغلق ومساحه ضايعه
2- ممكن يكون سبب عزلة العيال
3-اذا ماكان فيه تهوئه كويسه بيكون مكان كئيب
4-التكلفه الماليه حيث تحسب قيمة بنيانه المتر بمترين

العنود:
دفناها بتراب الارض + تراب اضافي من برى



ابي اهلي :
نزلي مخططك



مستحيلة الحل :
ماعندي خلفيه شيكي على موقعهم افضل



مروش:
الخدامه جنب المطبخ وغرفة الغسيل وبعيده عن الجلسه العائليه
افضل
بحيث تاخذ خصوصيتها وقت راحتها وفي نفس الوقت تعطينا خصوصيتها



دقات قلبي ك

ارسمي فكرتك وزليها ونساعدك فيها



نينا رتشي ترى وجودها تحت اسهل لها في تدخيل من تبي لغرفتها الله يكفينا شرهم



حالمه :
بتنضافين قريب معنا في بداية الملف






بنات من مفكره مستقبلا تحط تلفزيون للخدم في غرفتهم ؟؟

سلام
مريت اسلم وابشركم حفرنا الخزان والبياره الله يكرمكم

واعذروني على قل التواصل مظطره اغيب من جديد عندي اختبارات ادعوا لي بالتوفيق تكفون

استودعتكم الله

مرحباَ


بناتَ اناَ اللحينَ بمرحلةَ المخططَ مو عارفهَ كيفَ اقولَ للمهندسَ الاشياءَ الليَ ابيهاَ


انا حددتَ مقاساتَ الغرفَ بسَ والدرايش انا احدد له العرض والطول او هو بحكم عمله ؟!


وشنو الاشياء اللي اقولها له من ناحية كل شي حتي التصميم