الملف الرابـــــــــع لبنات المدينه عن المستشفيات والاطباء ملف تفاعلي
متابعة النقاش، صفحة 170
شاركي في النقاش
سجلي الدخول لإضافة تعليق.
التعليقات
1,871كتكــــــوته مااخد جاووبني رودي الله يسعدكم الله يسعدكم يابنات ممكن انظم ليكم صباحكم خيير ياررب انا ولدت ولدي الاول قيصري بسبب ارتفاع الضط وانفصال المشيمه ماتعرفو كيف اعرف انو ح اولد طبيعي وايش العلامات اللي قريبه للولاده لاني دخلت التاسع ودا تا…
يابنات وين التفاعل كتبت مرتين ولا احد رد عليا بيلززز احد يجاااوب- مساء الخير يابنات
واشكر كل اللي باركو لي وعقبال قومتكم بالسلامه يارب
بالنسبه لسبب العمليه لأن البنوته كانت جالسه سبحان الله من السابع وهي ماغيرت وضعها
لين ماخلصت التاسع
العمليه كانت عند هشام انا كنت اتابع عند عزه ولما شافت انو خلاص مافي امل اني اولد طبيعي
حولتني على هشام
الحمدلله الأمور كانت ماشيه تمام ياربي لك الحمد عنايه واهتمام في المستشفى انا مامعاي مرافق
واول مره اسوي قيصيري وكانوا مره مهتمين رايحين جايين علي والممرضات اخلاقهم حلوه
والدكتور هشام يمر علي مرتين في اليوم غير الدكتوره نجمه وهاله وعزه وفي وحده جديده كمان
كل شوي وحده تجي وتطمن علي
سعر العمليه 7الاف مع الاقامه 3ايام طبعا في اشياء تدفعيها قبل بحدود 400 تحاليل واشياء للعمليه
نسيت اقولكم التخدير كان نصفي
بالنسبة للجمعات انا معاكم ان شاء الله ولو تبدو من عندي عشاني نفاس لسا وقيصري
حياكم الله - تدرون في المطبقاني شالوا الخصم الي كنت فرحانه فيه 20% ما ادري ليش يقولون في نظام جديد بالله الي سوت قيصري عند هشام بكم وهل عندك خصم
- بنات
اللي تتكلموا عن الحلاقه للبنت
كل سنه بالحرم ايام رمضان في التراويح يجو يصلو جنبنا ناس من باكستان
معاهم بنت متزوجه جايبه بنوته قمررر واحلى ماشاء الله
الشاهد
اللي لاحظته ان البنت شعرها يهبل ما شاء الله وفاتح كمان ...
والام عمرها ما حلقت لها ....
عمرها تقريبا سنه ما تمشي
بس للاسف انقليزية الام مو تمام ما عرفت تقولي ليه ما حلقت
احنا ماما ما عمرها حلقت لاحد لا بنت ولا ولد
ولله الحمد شعورنا حلوه وناعمه
وجات على اخوي الصغير قالت بجرب
والله والله هو الوحيد اللي شعرته مختلفه عننا
انتبهواااااااااااا انتبهوا قبل تقرروا بائعة الكبريت مساء الخير يابنات واشكر كل اللي باركو لي وعقبال قومتكم بالسلامه يارب بالنسبه لسبب العمليه لأن البنوته كانت جالسه سبحان الله من السابع وهي ماغيرت وضعها لين ماخلصت التاسع العمليه كانت عند هشام انا كنت اتابع عند عزه ولما شافت انو خلاص ما…
حبوبة فادي...
كريم التشققات يستعمل من أثناء الحمل وفيه ناس مايستعملوه إلا بعد الولادة زي حكايتي
انت اقرئي اللي مكتوب عليه
كل التفاصيل...
أهلين ياقمر ولاتزعلي مننا تعرفي هموم الحمل والولادة الخ..آمري ياعسل ايش سؤالك؟؟
أم رهومة وباسل....
تسلمي لي ياعسل..ربي يسعدك ويفرحك بعافيتك وبأولادك وزوجك
وبإذن الله راح أسألك عن كل التفاصيل بالبناء هههههه فتحتي على نفسك باب...ربي يبارك لكم في منزلكم ويجعله منزل السعادة والبركة والخير
بس زوجك مقاول وألا ايش؟؟
بالنسبة لحلاقة الشعر.. يسموها السبع حلقات
من زمااااان أسمع عنها وانها تغزر الشعر مرررة
وطريقتها انك تحلقي الشعر وكل مايطلع من بدايته تحلقيه تاني وهكذا إلى أن توصلي للعدد 7 مرات حلاقة
وبس.... وحلاوتها انك تبدي فيها من بدري عشان على ما تكبر وتحلو البنوتة يعني 4شهور يكون شعرها طلع
منووولة ....
ربي ييسر علينا ويرزقنا الصالح السليم المعافى يارب
غزل...
أهلا فيك أخت غالية بيننا
بائعة الكبريت...
أهلا فيك وربي يسعدك حنحطك بالجدول بإذن الله وشكلي بأسلم المهمة لكبيرة بذاتي ربي يسعدها تتولى موضوع الجمعات...وربي يجمع بيننا على محبته وطاعته ورضاه
حرمة محترمة....
غريبة يشيلوا الخصم...الله المستعان
محارة الشوق...
ربي يجزاك خير على الدعوات الطيبة يجعل لك منها نصيب يارب
تلفون خربان....
هم الباكستانية خلقتهم كدا شعورهم غزيرة من ربنا
بس تعرفي؟انا اول ماتزوجت كانوا ساكنين قدامي باكستانية..وكل سنة بطفل تبارك الرحمن هههه
بس كانت الأم كل صبح تجلس على عتبة الباب ومعاها موس وشطة
وتقعد بالشمس تحلق للطفل وبعدين تدهن راسه بالشطة :o
والله يصعبوا عليا ياحرام هههههههه وزوجي يكلمها يقول لها حرام عليك..الولد بيموت من البكاء بس والله ماهمها
بعدين ترى حلاقة الولد سنة أوصى بها الرسول عليه الصلاة والسلام...غريبة انكم ماتحلقوا حتى للولد
ولو تعرفي فوائدها كما ذكرها ابن القيم تحد البصر وتقوي الحواس ...الخ ابحثي تلاقيها
لكن حلاقة شعر البنت سمعت انه مكروه والله أعلم...
أنا الولد مستحيل ما احلق له..وتبارك الرحمن شعر أولادي الذكور ناعمة وغزيرة نوعا ما خاصة الكبير ...أحسن من البنات صحيح ناعمة وحلوة لكن أتمنى إنها أغزر من كدا
طريقة السبع حلقات كتير ناس اتكلموا عنها... بس هي ماتنعم الشعر لا هي تغزره
وكتير كتبوا بالنت تجاربهم ومنهم وحدة أتذكر تقول ماسويتها لبناتي إلا لوحدة بس منهم وقالت إن بنتها الوحيدة اللي سوت لها دي الطريقة شعرها روووعة وغزير وزي الباكستانيات من جد
أنا بناتي الكبار شعرهم ناعم لكن خفيف ما ادري من فين جايبين الخفة لا أنا ولا أبوهم شعرنا خفيف
وكنت أتمنى أجيب بنوتة أجرب عليها الطريقة بس ربي ما أراد إلا الآن إني أحمل ببنوتة بإذن الله أعمل لها الطريقة
أنا قلت لحريم أخواني بس اشترطت عليهم يكملوها 7 لأن كتير توصل لـ 3 وبعدين تقول خلاص حرام خلي شعرها يطلع وهدا غلط يا تصممي تكملي 7 وألا بلاش من البداية....لكن ماسمعوا كلامي ما كملوا 3 ووقفوا وما استفادوا شيء
وأكرر دايما.......الأهم الاستخاااااارة
أنا بإذن الله ناوية أعملها للبنوتة اللي بالطريق وبأستخير من الآن لأني لما أولد ما ح أقدر أصلي :35:
وبإذن الرحمن تجيب نتيجة حلوة وأجي أكتب لكم تجربتي
بس ادعوا لي أولد بسهولة ويسر وبركة ويرزقني البنوتة السليمة الصالحة
محارة الشوق...كبيرة بذاتي....انتو عارفين ايش اللي قلقني؟؟ ان الدكتورة تقول لي ماراح تنتظر أكثر من أسبوع نهاااائيا... يا أولد طبيعي يا تولدني قيصري
كأنه فيه حاجة لاسمح الله
لأن محارة استنت عليك أكثر من أسبوع الظاهر 12 يوم مو كدا؟؟ رغم انك كنت تترجيها تولدك قيصري ...وكمان كانت ناوية تصبرك إل 1يناير...تفتكري؟؟؟
وحتى انت يا كبيرة..برضو نفس الشيء..
هدا اللي خلاني اتعجب من تأكيدها ما ننتظر أكثر من اسبوع.....ربي يبدد قلقي ويجيب لي بنوتتي بالسلامة يارب سليمة معافاة صالحة بارة إنه أكرم الأكرمين
مواضيع مشابهة
تابعي تجارب أخرى من هذا القسم.