السلام عليكم ورحمة الله وبركاته
كيفكم حبوباتي
انا ولله الحمد والمنه عندي اربع بنات وأسأل الله العظيم الكريم ان يرزقني تؤأم اولاد صالحين تامين الخلق والخلقه
انا فقط نزلت الموضوع عشان احكي لكم تجارب ثلاث من قريباتي بعد ان من الله عليهم بالحمل
بعد حرمان لسنوات طويله عشان تعرفون ان مافيه يئس من رحمة الله وممكن احد يستفيد من تجاربهن
ببدأبزوجة اخوي
هي الحمد لله في بداية زواجها ماكان عندها مشاكل ورزقت بولدين وبنت ولكن بعد الثالث قعدت 13سنه ماحملت
وكانت في هالفتره ماتركت مستشفى ولا حرمه تعالج شعبي الا راحت لها وكل مره يقولون لها مشكله مره
تبويض ومره قرحه وكانت كل مره تسوي علاجهم بحذافيره لاكن ماكتب لها ربي وهي ماشالله عليها صبوووره
ومتفائله وحبوبه والكل يحبها ويدعي لها
وكانت تستخدم ادويه كثير وسمعت عن البردقوووش واستعملته وكانت تسويه كل يوم يمكن لمدة شهرين
والحمد لله وحملت وجابت ولد يارب يحفظه ويخليه لها عمره الحين ست شهور
والثانيه اخت زوجي
ماحملت نهائيا وكانت لما تراجع المستشفيات كل تحاليلها سليمه قعدت ثمان سنوات كانت محافظه على الرقيه
والاذكار والدعاء وقيام الليل وسبحان الله الكل يحبها ويدعي لها وتموت في الاطفال ومبسوووووطه وسعيده في
حياتها عندها رضا وقناعه وثقه بالله
ولله الحمد ماخيبها ربي حملت وانجبت بنتين وولد وهي الحين نفاس ببنتها الثانيه دعواتكم لها
والثالثه بنت خالي
كانت تحمل وتسقط سقطت سبع مراااااات
وهي سبحان الله نفس الثانيات كلهن فيهن ميزه مشتركه الطيبه والحنان والله الكل يحبهن وماتجي سيرتهن في
اي مجلس الا تلقين الكل يدعي لهن
المهم في حملها الثامن كانت تراجع عند شيخ محافظه على الرقيه مع ادويه من المستشفى
وفيه حرمه وصفت لها المره تنقعها في مويه وتشرب كوووب منها على الريق كل يوم لمدة التسع شهور ولله
الحمد والمنه من ربي عليها وتمم حملها وجابت بنوته زي القمر وحملت بعدها ونفس الادويه وتمم لها ربي
وجابت بنوته ثانيه والحمد لله والمنه
مافيه يئس من رحمة الله
واهم شي الرضا والقناعه
بس ياحلواااااااااااااااااااااات
حبيت اذكر لكم التجارب عشان تتفائلون وممكن تستفيدون منها
ويااااااااااارب ترزقك كل وحده مايتمناه قلبها
فقط ثقن بالله:27:
شاركي في النقاش
سجلي الدخول لإضافة تعليق.
التعليقات
5مواضيع مشابهة
تابعي تجارب أخرى من هذا القسم.