اخوك بيتزوج زوجه ثانيه ..وش موقفك ومع من تكوني

مساء الخير..السالفه يابنات اخوي عنده ولدين متزوج له خمس سنوات وقرر فجاءه وبدون مقدمات انه بيخطب ويتزوج ثانيه طبعا اكيد قال مبررات كثير ان زوجته مقصره معه ومن هاالاعذار الي يقولونها الرجال طبعا انا مالي حكم لان مااحب اقول راي وانا اسمع من طرف واحد ..يمكن لواسمع من زوجته القى الهوايل ماندري ويمكن يكون فعلا صادق طبعا زوجته ع حسب كلامه ماتدري عن شي حالته الماديه زفت الى حد ماء ..هو يبي مني اوقف معه واخطب له لانه محدد العروس وقاضي واقوم بزواجه ..بس انا رفضت وقلت رجاء انت اخوي وعزيز وغالي لاكن اعفيني من هالموضوع مالي دخل فيك وامي برضوه قالت نفس الكلام وزعل علينا ويقول انتم اهلي وهذا من حقي ومدري ايش بالنسبه لزوجته حبوبه ومافيها شي مااقدر اظلمها وبنفس الوقت البيوت اسرار ماادري كيف تعاملها معه ...بالصراحه انا قلت امشي بجنازه ولاتمشي بجوازه والثانيه بعد..انتم لومكاني وش بيكون ردة فعلكم هل بتقفون معه وتروحون تخطبون له طبعا يقول اذا وافقوا واتفقنا اعلم زوجتي.. انا والله نصحته وقلتله خلك ع زوجتك وعيالك واحمد ربك لاتكون اناني بس الرجال مصمم انتم يابنات وش رايكم وبعدين لوتساعدونه كيف بيكون موقفكم مع زوجته والله حرااام والدنيا دواره ""<<وحده خايفه ع نفسها

33 تعليق 2,939 مشاهدة

شاركي في النقاش

سجلي الدخول لإضافة تعليق.

التعليقات

33
  1. @gmana_alharth

    اااااااااااااااااااابدا لاتمشون معه صدقي مجرد اخوك فارغ ومتعافي

    وممكن يؤدي بطلاق زوجته وتفكك اسرته
    فلا تقولين البيوت اسرار لا والله اخوك حاله حال الرجال
    ولو تزوج ياثر عليكم انتوا اخواته لو متزوجات رجالكم
    يصيرون يدورون عليكم
  2. @anaml_naaamh_2

    انتبهي تخطبين له
    مالك دخل ولاتعورين راسك
    صدقيني زوجته بترجع تتراضى معه بس ماراح تنسى لك هالتصرف وبتحتك دعاء
    وعلى قولتك انتي سمعتي منه وماسمعتي منها
    ومفروض دام حالته الماديه زفت مايتزوج
    الدنيا نااااار وبتزيد مشاكلهم مع هالغلاء وزياده الاعداد
  3. @mrafy_alaml_1

    دام زوجته الاولي طيبة معكم
    لاتخطبين له ولاشي
    صح هو اخوك واقرب لك منها
    بس اتوقع هو بيتزوج بمبررات غير منطقية
    وش يعني مقصرة ومامقصرة حجه قديمة
    كل من بغى يعرس ثانيه يرددها..
    يبون ملاك ماتقصر ولاتخطي ولاتتعب ..!!!!!!!!!!
    رجال الله يهديهم بس
  4. @naglaa1403

    طيب ليه بدال مايخرب حياته يحاول بزوجته تتعدل اذا فيها شي مو عاجبه

    واخوك اشوف واجب توقفون معه اذا كان معه حق وحاولي تستاذنين منه تدخلين وتتفاهمين مع زوجته يمكن اذا حست لهول الموقف تتغير


    بس الغريب ان اخوك حاط في باله وحده يبيها اخاف الموضوع فيه إنا

تابعي تجارب أخرى من هذا القسم.