بنات لو سمحتو خصوصا الي اكبر مني وافهم مني الي افكر فيه صح؟ولا جد انا رومانسيه بزياده

اهلين بنات
كيفكم شخبااركم ياحلوين؟؟؟
بنات مالي احد انا اشكي له غيركم
صديقاتي احسهم مايعرفون او اذا شكيت لهم كلمه بس يقولونها لي طنشيييييييه:(
وانا ماستفيد شي اذا طنشته وبينا زعل لان هو لو تنطبق الارض ع السماء مايعتذر لو حط فباله او مو هو الغطان:(

انا بقولكم كل شي عن مشااكلنا انصحوني شسوي يابنات
بس بشرط
ماابي ولا وحده ترد وتقولي كلام يضيق صدري زياده:( او يزيد من مشاكلي بزياده
او تسوي نفسها انها هي الكامله وتستحقرني
شكرا الي كذا ماابي ردها

ابي رد وحده تحطني بمكانت اختها وتنصحني نصيحه صحيحه
اكثركم عارفين ان خطبتي صارلها 4سنوات وكم شهر

بتقولون ليش
بقول لان حنا خطبنا صغار هذا سبب
والسبب الثاني اننا نستنا اخته الكبيره تتزوج
لان مستحيل نتزوج واخته للحين ماتزوجت

بنات انا امووووووووت بشي اسمه افلام هنديه اي فلم هندي اشوفه
والله يابنات اني اشوف 4 افلام هنديه ورا بعض ويمكن اكثر
لو تدخلون غرفتي قسم بس كله اشرطه افلام هنديه!!

ماابالغ لو قلت لكم افلام مكتبه جرير وميجا ستار كلهااااااااااا عندي
حتى اهلي وخطيبي يقولون لي هذا مرض افلام!!

ليش اقولكم كذا لان خطيبي داايم يقولي الرومانسيه الزايده ذي
وتفكير الافلام والمسلسلات ماابيه<<<<<<<<<<< ترا انا من النوع الي اتئثر بكل شي قدامي مثلا هذا خاان زوجته رحت وعصبت واترجاه مايخوني
هذا دلع حبيبته بالفلم انقهرت اذا سوا كذا لحبيبته ضاق صدري
شباب بالفلم مثلا راعي بنات ويتكلم عن خويته وووالخ احط نفسي مكانه

اذا قلت لخطيبي ليش ماتكلمني او اعصب انه مايدق علي بيقولي انا مع الشباب ماراح اكون فاضي لك 24سااااااااااااااعه

بس انا مااقول افضى لي 24سااعه لا على الاقل 5دقاايق دق علي سلم
هو يدق تدرون متى 4 مرات بس!!!!!!!!!!!!!!!!!
اول مايصحى يدق علي واول مايطلع واول مايرجع البيت واحيانا قبل ينام وبسسس
يعني بنات لو انا مو معودته انه يدق قبل يطلع كان جوالي يمكن مايدق!!!!!!!!

احيانا يصير زي لزقه كل شوي يدق ويسولف ويضحك واحيانا لا يصير نااسي انه خااطب اساسا!!!


بقولكم صفااته الزينه والشينه عشان مااضلمه

الزينه واذا راااايق
انه طيب اذا مابينا مشاكل
يسمع كلامي
خفيف دم مررررره
اوووووووووول ياابنات اذا ضاق صدري من اهلي مثلا مايسكر مني الا لمى اضحك
بس اذا كان عندنا وصحت يخليني اضحك يهتم ماايحب يشوف دموعي
اذا كان عندي قداامي يعني يعاملني زي الاميره
يقولي ان شاءلله على اي شي
مايحب يزعلني ابد


الشينه
انه يعصب بسررررررررعه وعلى سبب مره تاااافهه يعصب علي
اخته واخوه داايم يقولون لي ترا هو كذا مو بس معااكي انتي حتى معانا
بس انا مااصدق هالكلام بلعكس احس انه يعامل كل الناس احس مني

هالشهرين كل ماصار بينا مشاكل يعصب ويقولي خلاص انا بتركك وبكلم امي وامك وبقول لبوك ومدري ايش
وانا انهااااااااار لو الجدار يابنااات تكلم كان نطق وحس فيني
اصيح صيااح عمري مااصحته وتخيلو انه مايحن بالعكس قلبه يصير قاااسي زي الحجر مايهتم يزيد اساسا:(
ومايرضا الا لمى يطلع رووووووووحي
اذا غلط يحط الغلط علي انا
ولو اجلس شهر ماادق عادي مستحيل هو يدق لاني انا الغلطانه!!

الحين يابنات صار يقولي لا تدقين علي انا مالي دخل فيك متضايقه ارضي لحالك!!
يعني لو ادق وانا متضايقه من اهلي يعصب علي ويقولي انا مالي دخل لاتدخليني !!!!
يعني اذا مارحت لخطيبي وفضفضت له اروح لمين؟؟؟
يقول انا ماني ناقصك انتي بعد او ماني فاضي لك!!
وقتها جرحني بشكل ماتتصورنه


هذا اكثر شي قاهرني ومعصبني وفاقع مرارتي انه يداري الشباب اكثر مني
يهتم فيهم اكثر مني!!!!!!
لو واحد زعل لازم يراضيه
بس انا لو ازعل يقولي انتي الغلطانه ومصيرك بترضيييين
الشباب عيب بيروح يتكلم عني مدري ايش
مين اهم الشباب ولا خطيبتك زوجتك؟؟
يقولي انتي غير وهم غير :(
بس انا احس انه يحبهم اكثر مني

احيانا كثير احسه مايحبني مايقدر الي اسويه له اببببد
اخته اخوه اخوياه زعلوه بشي وجو راضوه يرضى بسرعه
وانا لااااااااااااا يجلس يمكن 3ايام زعلان ويطلع روحي وينكد على
احسه اناني

اليوم مثلا من امس وانا ادق طوول الوقت مع الشبااب مشغول عني
استنيته لين يرجع البيت رجع تقريبا ونص الصبااح
جلس يشوف مسلسل وناااااام وخلاااني:(
مره ضااق صدري وزعلت وجلست اصيييح وتتنكدت ليش كذا مو مهتم
لمى صحى الساعه 4العصر دقيت عليه مارد
جلست لين 9 تخيلو 6 سااعات حضرت مقاامه ناسيني مافكر يدق ويراضيني او يعتذر على امس
دق قلت له وينك قال بالصاله مع اهلي
قلت طييب اتقدر تدق لو 5دقايق انا امس كله استناك
قام عصب ويصاااااااارخ علي !!!!!
بنات مين غلطان؟؟
يقولي مو عاجبك قلت لا سكر بوجهي:(
ارسلت رساايل عتب مافكر يدق او يرسل شي
جلست طول الوقت بغرفتي اصيح ومتضاايقه لين الساعه 4الفجر ماقدرت اتحمل دقيت عليه مايرد
يعني احس اهله ربعه اهم مني وبعدين يفكر فيني اناااااااااااااااا

مشكلتي ان ااذا بينا مشاكل مااقدر انسا او اجلس مااتضاايق او مااصيح
مقدر امسك نفسي اصير متنكده ومعصبه طول الوقت

انا يابنات اوول ماخطبني انبسطت
لانه كان يدلعني مره و24ساعه معي طووووول الثلاث السنوات الي راحت
وكان مايعصب كثير علي زي الحين
ويدق يعتذر على طول
بس هالسنه والنص تغير واذا قلتله يضحك يقول خلاص كنت ابيك تحبيني وحبتيني وتعلقتي فيني !!!!!

تدرون اني مااذكر اخر مره قالي فيها احببببببببك!!!!!
لو انا مااقولها عادي!!!

حتى كلمت حبيبتي مايقولها الا مرتين اول مايدق وقبل يسكر بسسسسسسسس
والشباب لسانه معهم زي العسل حبيبي وبعد عمري ومدري ايش وانا لا!!!!!!

مره غبت عنه يوووووووووووووووووووووومين المهم كان مشتاقي ووينك ومدري ايش كل الي قاله لي وحشتيني :(
انا ابيه ينطق بغير هالكلمه مافيه امل زعلت من بكرا قالي انا كان فيه كلام كثير ابي اقوله بس سمعت صوتتك استحيت
وانتي ماتسااعديني قلت ليش انا اتكحلم وانت سااكت!!!
واذا ماقلت لي كلام حلوو بتقوله لمين؟؟؟
صارلي سنه يابنات ماسمعت منه كلمه وحده حلوووووووووووه
اول كان مايقولي بالجوال صح بس يرسل رساله الحين ولا شي

الحين الي شاطر فيه العصبيه والصراخ

تخيلو بناات هو الاسبوع ذا كله اختبارات عنده
الاسبوع الجااي بيجي الدمام ويجلس كل العطله طبعا اذا ماسافر
المهم تخيلو انه مانطق انه يبغا يشوفني
بالعاده يغثني كل شوي مشتاقلك وابغا اشوفك
الحين لا تخيلو امس اقوله بتشوفني يقولي لا ماني جاي عشانك جاي عشان الشباااب:(وعيال عمي واخوي:( مدري اذا كان يمزح واذا جا هنا بيطلب انه يشوفني هو احيانا مزحه يكون ثقيل شوي
بس ولا مره كذا سوا دايم يغثني بشهر انه يبي يشوفني الحين ولا فكر يابنات!!

امس قلتها بمزحه صديقتي خطيبها بيجيب له هدية تخرجها لاب توب
قال مشاءلله
قلت وانت قال مدري اصلا ماجا على باالي
ترا هو مايجيب لي هدايا ابد عذره انه مايعرف صرت استخسر اشري له هديه والله
عن الكذب جابلي جوال الدمعه اول مانزل وبس

انا ماتتصورن قد ايش متعلقه فيه واحبه مررررره
وكنت وللحين افكر انه الي ينخطبون دايم يعشون مبسوطين دايم الرجال يبي يكون مع خطيبته 24ساعه ويبغا يشوفها لو تدق عليه ينسا الدنيا كلها ويجلس معها لو تطلب عيونه يقولها طيب
مايعصب عليها ومايصاارخ ويدلعها
يعني زي الافلام الهنديه وقصص الحب الي نسمعها
بس طلع غيييييييييييير غيييييييير ياابنات
من جد بسئلكم انا رومانسيه بزياده؟؟؟؟؟؟انا افكر بالافلام وهي خيال بخيال؟؟؟؟؟
من جد انا موسوسه؟؟؟؟؟؟
هذا كلام خطيبي
وانا قلت لكم تقريبا كل شي سااعدوني طفشت
لاتقولون لي طنشيه مااقدر انا لو تمر سااعتين مااكلمه اتضاااااااااايق يابنات
واخاف كثير ان بنت غيري تاخذه!!!!!!!!!!!!
اخاف من القصص الي اسمعها كل يوم والثاني
بتقولون كلميه كلمته مره واثنين ومليون مره بعد بس مافاد كل الي يقوله انا مو فاضي لك 24ساعه
زي الحين انا كارهه نفسي ومتضايقه مررررررررررره اي احد يكلمني بصييييييييح
كثير افكر اني افصخ الخطبه بس البنات صديقاتي يخوفوني وبعد افكر واقول امسكي مجنونك يايجيك الي اجن منه!!
واحيانا احس انه احبه واموت فيه واحيانا احس اني اكرهه وودي اذبحه!!

تدرون بعد و مشكلتي ان عندي وقت فرااااااااااااغ بشكل مو طبيعي اتحدى احد فاضي مثلي
بنات احيانا من الفراغ اجلس اصيح طفش مرررره
احيانا احسده لانه دايم مشغول ماعنده وقت فراغ

يوميا يابنات
اقوووم اجلس بالصاله مع اهلي طفشااااااااااااااااااااااااااااااااااااااااااااااااااااااانه مره
اذا قالت امي قومي نطلع اقول وين نروح زهقق
المجمعاات كلها حافظتها
والله اني اذا رحت اجلس طفشانه ابي ارجع البيت حتى امي تعصب تقول جننتوني البيت زهق طلعتكم زهق وش تبون

ابي شي جديد بابناات اسويه

اشتركت بنادي ومافاد
اخذت دوره انجليزي وطفشت وماكملت
ايش اسوي؟؟؟
طول الوقت مقابله التلفزيون وافلام هنديه
ودي اساافر بس ظروف ابوي ماتسمح
ابي شي جديد بحياتي اسويه مافيه
والي يقضي وقت فراغي اني اجلس اهذر مع صديقاتي بالتلفون بس امل
او اغث خطيبي كل شوي ادق عليه!!
انا افكر لو اني مشغوله كان مااافكر ولا ادق عليه كل شوي

يوميا يتتكررر نفس الشي
انا ثالث ثانوي والمفروض اذاكر بس مااالي خلق ولا لي مزاج حاسه بملل

الله يخليكم سااعدوني طفششششششت والله من كل شي


ايوه صح نسيت ترا خطيبي اخذ العصبيه مني انا
لان هو كان هادي مررررررره كنت انا العصبيه واصارخ سبحان الله قلب الحال
حتى الحين بسرعه اعصب وهو يعصب وتنقلب الدنيا فوق راسي انا واتحسف اني سويت كذا لان يقلب السالفه علي

وترا هو قبل كم يوم اعتف لي انه يتثر بالي اسويه اذا زعل او صحت انا او ارسلت له كلام او اي شي اسويه يتئثر بس مايحسسني او يرضا لا يغبي عني يبيني احس انه قااااااااسي!!!!!
وانه مو بسرعه يرضا والي اسويه كله مايئثر شي فيه ليش مدري يابنات!!!

مره هههههههههههه ارسلت له الكنب الي داايم يجلس فيه اذا جا عندنا يقولي لمى رسلتيه جلست سااعه اضحك بس تدرون انه مافكطر يدق اويرسل شي وقتها متزاعلين كنت ابيه يرضا
كيف اغيره واخليه يبين لي مشاعره؟؟؟

اول ماخطبني اخته قالت لي ترا فلان كثير كثير يغبي مشاااعره !!
وقتها ماصدقتها لان ماكان يغبي الحين لاالسنه ذي تغير وصار يغبي عني كثير

بنات افكر اني اكتب له رساااله طووووووووووويله وافضفض فيها واذا شرف الاربعاء بقوله مر بعطيك شي شرايكم؟؟
بس مشكلتي ابي شي كلام جديد يئثر فيه مررررررررره؟

36 تعليق 8,764 مشاهدة

شاركي في النقاش

سجلي الدخول لإضافة تعليق.

التعليقات

35
  1. @aghsan_algnh_2

    هلا اختي لا عاد تعاتبينه ابدا ولا تحسسيه انه مهملك حاليا
    وليش التفكير هذا انه يقول لشباب الكلام الحلو وانتي لا انا زوجي يعني خطيبي سابقا ما كان يقولها الا نادرا فاحمدي ربك

    انا انصحك بشي مدام انك ما تقوليله كلام حب اتصلي من جوال اخته عليه وقوليله كل كلام الحب والشوق وسكري وشوفي ايش ردت فعله

    واعذريه كمان يمكن وده يتزوجك بس الظروف مانعته وعلى فكره البنت تستحمل لكن الشاب ما يستحمل فيقوم يختلق الاعذار فاهمتني ايش اقصد



  2. هلا لينا
    عاش من شافك

    تدرين مرره نعسانه كنت طالعه ابي انام بس قلت اطل طله ع الاسريه
    وشفت موضوعك وقريته كله

    تذكرت يالينا ااننا نصحناك وقلنا لك البنت اذ دلقت نفسها على الرجال يطفش منها ويتعود ويزهق
    قلنا اشياء كثيره شكلك ما سمعتي كلامنا ولا نصائحنا :11:

    المهم ياقلبي تصرفك غلط في غلط :(:11:

    ماعطيتي الرجال فرصه اصلا ً يهتم هو ويدق هو ويشتاق ويقول الكلام الحلو
    دااايم وراه الله يهديك واربع مكالمات باليوم تشوفينها شوووي وتقصير منه
    اصلا مالومه اذ زهق يقول كلام كيف يقول اشتقت لك وتوه قافل السماعه منك:11:
    من وين بتجي سوالف مشوقه وجديده اذ باليوم اربع مكالمات :D

    وانصحك لوجه الله لا تشتكين اهلك له بعدين بيحس انه هو الوحيد الي سعادتك عنده ويمكن لا سمح الله مستقبلا يعيرك ويقول تذكرين يوم ويوم
    ولا يلمح ولا يحس انه مهما سوا فيك بيقول انا ارحم من اهلها بتصبر مهما سويت ... الخ

    بالعكس بيني له انك مبسوووطه مره ورحتي وجيتي وسويتي يحس انك عايشه حياتك ومبسوطه
    حتى راح يتحمس يكلم انسانه متفائله وحيويه ومتجدده
    مو انسانه ماعندها غير اوف انا طفشانه ماسويت شي ماغير قاعده بالبيت واتابع فلم وزهقانه
    مشكلتي كذا وكذا .. الخ

    للاسف الرجال ينفرون من البنت الي كذا :(

    ولا انه يسكر بوجهك وترجعين تتصلين هذي غلط وبتعوده على كذا
    ماقول ازعلي وهجريه وعذبيه لا اقول خذي موقف انثوي ناعم بدلع ولا تتصلين الين يتصل ردي ونتي زعلانه زعل نعوم واذ تعذر ارضي عوديه انه يتعذر اذ غلط ونك تقبلين عذره

    عطيه فرصه ارجعي لينا حقت اول الي ثقل وتغلي وهو الي يشتاق ويجري وراها ويتصل وياعساها ترد وتعطيني وجه عساها تقولي احبك عساها رايقه وتقولي كلام حلو

    الفراغ ياقلبي طبعا له دور بس انتي اذكى من كذا الرجال مايجيبه الا الدلع والتغلي مايحب السهله الي يلاقيها متى مابغاها ولا هي تلاحقه حتى لو كان حلالها الثقل صنعه ونا اختك ^_*

    الهديه لو منك مالمح له يهديني اصلا يابيخ الهديه اذ اهداني اياها علشاني لمحت عليها
    ممكن اقوله السالفه بس بدون ماقول ونت !

    مثل ماعودتيه ع العصبيه ارجعي عوديه على طول البال والتفاهم والاخذ والعطا

    الزواج ياقلبي مو فلم هندي ساعتين رومانسيه وحرب ومضارب وخلاص يخلص
    الزواج عشره وحياه بين اثنين لازم يكونون ناضجين وعاقلين ومتفااهمين ويحبون بعض حب ناضج

    وبصراحه فتره خطوبتكم كثير طولت وهذا له دور في ان زوجك تعود وطفش
    ومالها علاقه اخته هو رجال يتزوج متى مابغا يتزوج
    هذا لو انتي اختك الي اكبر منك ماتزوجت اقول ايه معهم حق بس هو ولد وهي بنت متى ماجاها نصيب الله يوفقها

    اخيرا ً
    اتمنى تكونين فهمتي وش اقصد وتركزين هالفتره على دراستك ومستقبلك وحبي نفسك قبل تحبينه
    واشغلي اوقات فراغك لا تخلينه هو بس المسيطر على حياتك شوفيه عايش حياته ومتسلي
    ونتي منكده على روحك وتدورين الوناسه فيه هو وبس وهذا غلط

    وربي يوفقك ويسخره لك كما تحبين ويسخرك له كم يحب :26:


    ..

    .




  3. @aga_allyl

    ماااااااااااشاء الله
    المتغليه كفت ووفت وكلامها ونصائحها توزن بذهب
    والله يوفقك حبيبتي ويسخررره لك
  4. @frh_alklb_1

    اختي ليان

    بصراحه المتغليه كفت و وفت

    أهم شيء في الموضوع انك تشغلين نفسك
    و مو لازم ندور لك على شيء يشغلك
    انت ثالث ثانوي و ضروري تبدأين تذاكرين من الآن
    زي ما قالت المتغليه حبي نفسك اول
    فكري لو نجحتي بنسبه ضعيفه وين بتروحين ، شدي حيلك حتى تجيبين نسبه و تدخلين الكليه اللي نفسك فيها
    أيا كان اي رجل مهما كان يحب زوجته و يموت فيها لا صارت غير تطارد فيها بيمل و يزهق
    لا تطلبين منه يجي يشوفك و لا تتصلين خلاص انت اللي عليك سويتيه حتى لو كنت غلطانه
    اتصلتي كثير وما رد الآن اتركيه اذا اتصل الحمد لله و الشكر كلميه و عاتبيه بأسلوب
    وفعلا حسسيه انك عايشه عمرك بدون نكد و صياح و لا تطلبين منه يجي يشوفك اذا هو طلب اوكيه
    اذا ما طلب لا تقولين له تعال شوفني لو يبغاك هو كان طلب
    تعززي خليك ثقيله شوي اعطيه فرصه انه يشتاق لك فعلا انت صاكه عليه بالاتصالات اكيد الرجال بيطفش لا تزعلين بس من جد اربعة اتصالات في اليوم مررررررررره كثير
    المشكله انك انت اللي تبغين هالشيء مو هو اللي يتصل لانه ولهان او مشتاق
    ادري يمكن حلولنا هاذي ما تناسبك لأنك تعودي انت تركضين وراه حتى طفش و بدأ يقولها لك صراحه
    لكن لو كنت تبغين سعادتك و راحتك شدي على نفسك شوي و اثقلي

    حبيبتي هذا جزء من الحل و الجزء الثاني و الأهم انتظري مني رساله خاصه
  5. ][§][-~المتغـلية ~-][§][
    هلا لينا عاش من شافك تدرين مرره نعسانه كنت طالعه ابي انام بس قلت اطل طله ع الاسريه وشفت موضوعك وقريته كله تذكرت يالينا ااننا نصحناك وقلنا لك البنت اذ دلقت نفسها على الرجال يطفش منها ويتعود ويزهق قلنا اشياء كثيره شكلك ما سمعتي كلامنا…
    كلام سليم

تابعي تجارب أخرى من هذا القسم.