تحديت البنآت..وما عرفوني..

السلام عليكم..

أقول لكم قصتي بأختصآر..

أنا نجحت من سنة لسنة..مدري من وين ولعت براسي فكرة..

أني أغير من نفسي..قلت لصديقاتي عشان أغصب نفسي..

من اللي تتحدآني انها ما تعرفني السنة الجاية..

كلهم تحدوني..الصراحة بهذا الوقت توهقت..

الأجآزة ماهي طويلة بذآك القدر..

كانت بشرتي..

مغمقة..

ماهي صافية..

غير مشرقة..

مع العلم من أنها دهنية..

.....................................

سويت بها خلطآآت..

جيت اقول لكم هي..

الخلطة الأولى وأخليهى الين تيبس..

ملعقة صغيرة نشاء .. عصير ليمونة كاملة الصفرا..ملعقة

صغيرة زبادي خربان..ملعقة صغيرة مآء ورد..ملعقة صغيرة

دقيق أبيض..

وأخلطها لين تكون ثقيلة..وأوزعها على وجهي متفادية

الأنف(يعني احطها على كل وجهي بس الأنف ما احط

عليه...)

وأخليها ليت تيبس وبعدين ابلل اطراف اصابعي موية..

وأفركها على خفيف..

منطقة الخد..على فوق والجبين على الجوانب..يعني

طرق لشد البشرة..ومنع ترهلها..

واذا خلصت أغسلها بموية بآردة مع صابونة البابايا ..

اللي استخدمها 5 في 1

والله العظيم لي 2 سنتين وهذي السنة الثالثة..

وما ضرني منها شي..

وبعدين أحط القناع الثاني..

آخذ نص تفاحة مقشرة(بدون قشر)..

وأبشرها بالمبشرة وبعدين أحط معها عسل ..

على حسب كبر التفاحة..اليت تكون كريمية بعض الشيء
..

وأحطها على وجهي ساعة كآملة..وبعدين أبدأ اشيلها

بنفس الطريقة اللي فوق..

بس اذا خلصت امررها بقطنة موية ورد بآردة..يعني قبل

أسوي الخلطة وأحطها على وجهي احط موية الورد بالثلاجة..المهم تكون باردة..

وبعدين نجي للأنف..انفي فيه حبات سودآء..

البعض يسميها رؤوس سودآء..

امسحها يومياً قبل النوم وبعد النوم بمسحة طبية..

وأحاول اطلع اللي فيها..

بس بدون ما يوجع عشان ما يضرها..

نجي للأسنآن..

شي طبيعي أفرشها كل يوم..

وقبل النوم ..

آخذ ربع ليمونة صفراء وأفرك بها أسنآآني..

لمدة 5 دقايق..

وبعدين أخذت فحم ودقيته بالنجر وصفيته لين صآآر ناعم ..

(اللي استخدمته سريع الأشتعآل..)حتى الثاني يظبط بعد..

وبعدين حطيته على فرشة الأسنان وبديت أفرك..

لمدة 5 دقائق..وبعدها أفرش اسناني بالمعجون وأنتهينا..

........................

والمشكلة الكبرى اللي كانت معقدتني..

أظآآفيري..مرررة ما تطول..<<لأني اقرمها..أو آكلها..

فسويت الخلطة ذي..

مفيدة للأظافير وتساعد على نموها ..وساعدتني بالمشكلة ذي اللي هي قضم الأظافر..

فص ثوم وسط..وأقسمها نصين..

وأفرك بهآ يدي لمدة 5 دقائق..

وبعدين أجيب الفنجال الكبير وأحط فيه خل أبيض..

وأحط أظافر يدي الأولى فيه لمدة 5 دقائق..

ونفس الشي بأظافر يدي اليسرى..

وبعدين أغسلها بصابون سايل بالعود عشان الريحة..

بس تخففها..

مرة غسلتها بالبابايا وعلقت الريحة بالصابونة..هع..

بس راحت مع الوقت..

و ريحة الثوم اللي ما زالت عالقة بيدي .. منعتني اني أقضمها..

وطالت بشكل عجيب ويحنن..

وشفايفي أسوي لها تقشي مرة بالأسبوع وهو..

أحط عليها طبقة من الفازلين وبعدين افركها بس بخفة لأنها منطقة حساسة..

وبعدين أمسحها بمنديل بس..

وأستخدم لها يومياً لابيلو بالفراولة..

وحواجبي بس غيرت بشكل الرسمة..

اذا كنتي تبين رسمة مظبوطة..

اذا عينك كبيرة ارسمي الحاجب على طولها..

موتصغرينها ويطلع شكلك نشآآز..

واذا عينك صغيرة العكس..

...................................

وشعري..

حالاته..

نآآآشف..بمعنى الكلمة..

أطرافة متقصفة ..

طوله مو واحد من التقصف..

فيه شعر طآآير من جهه وجهه..

اللي يسميها بعضهم الصنادح..فيني خفيفة بس بشعر خفيييييف مرررة..

اللي سويت فيه..

أول شي قصيت شعري لحد المتقصف..

ثاني شي بمآ ان جبهتي كبيرة قصيت لي قصة..

مو غرة قصة عشاني مآ احب الغرة..

بس الغرة تطلع أحسن..

صرت أحط عليه حناء كل شهر..

حنآء 5 ملاعق كبيرة +ملعقة كبيرة نسكافية+ملعقة كبيرة كاكاو بودرة+

ملعقة كبيرة قهوة + وموية الين تصير لك مثل الحناء العادي اللي ينحط بالشعر..

يعني سآآيلة..

بس مو مررة..



وأحد عليها يومياً مجموعة من الزيوت ..

دابر أملا الأسود القديم..

جوز الهند(براشوت)

انوب

خروع

جدايل للقشرة

جدايل للتنعيم

وأخلطها بعلبة واحطها بشعري قبل النوم

وبعدين أجيب نص فص ثوم وأحطها على شعري وقبل لا احطها..

أمخش فروة راسي على خفيف بالشوكة حقت الأكل..

وبعدين أفرك الثوم عليه

وبعدين أحط كيسة..

واذا قمت غسلته وحطيت عليه بديل الزيت لمدة ربع ساعة او اي مدة..المهم ما تقل عن 5 دقائق..

وبعدين اغسله..بموية بس وأمس شعري من قدام وأحط مناديل شعر..

ويكون شعري كعكع..

...........................


وجسمي نحفت قرابة العشرة كيلو..

والطريقة لا رجيم ولا شي..

قبل الأكل اسمي ..<<مهم..

آكل لين يوصل لنص معدل أكلي المعتاد وبعدين احتري شوي..
اذا حسين اني جوعانه أكمل آآكل شويتين وأصبر .. وزي كذآ..

وأمشي باليوم ساعة كآملة..

.......................

وصرت دآآئم أبتسم..

حتى نفسيتي أرتآآحت..أكثر..

........................

وبعد النوم أشرب كأس مىء بارد مع نص غطاء ماء ورد..

فوائدة عديدة ومنها توردي الخدود..

يوم رحت المدرسة..صديقاتي نفسهم استغربوا كيف تغيرت بالمدة القصير هذي..

وأصلاً ما عرفنوي..

اللا وحدة كنت أقابلها في حدائق ومنتزهات وكذا..هي اللي قالت لهم ان هذي أنا..

وبــس..

أتمنى اني مآ طولت عليكم..

كل اللي ابغاااه الدعاء ثم الدعاء ثم الدعاء..

بأن الله يسعدني وأهلي وأحبابي بالدارين..

ان الله ينجحني وأخواني ان شاء الله بأحلى نسبة تسعد أمي وأبوي..

وان الله يرد كيد حسادي في نحورهم..

ولا تنسون امي وابوي..

وأخواننا المسلمين بكل مكان..

ولا تنسون بان الملائكة تقول لك بالمثل..

واللي عنده اي سؤال..

يسالني عالخاص لاني ما ارجع ارد على مواضيعي..

تحيااتي..^.^