بنات لو سمحتو خصوصا الي اكبر مني وافهم مني الي افكر فيه صح؟ولا جد انا رومانسيه بزياده

متابعة النقاش، صفحة 2

شاركي في النقاش

سجلي الدخول لإضافة تعليق.

التعليقات

35
  1. شوفي ياغالية...
    إنتِ طلبتِ مننا النصيحة زي لو إنك أخت لنا....
    فتحملي...(ههههه ..لاتخافين...)
    شوفي ياغالية ..
    من كلامك مبين إنك صغيرة....تتاثرين بسرعة باللي حولك( أفلام تشوفينها..صديقات..قصص سمعتيها..)
    وتقعدين بناءاً عليها تبنين حياتك...وهذا أكبر خطأ...!!!!!!!!!!
    تصدقين كثييير من بنات حواء يسوون كذا...( وكنت نوعاً ما منهم)...
    وأقول لك عن تجربة...لاتتوقعين إن الشيء اللي تسمعين فيه أو تعرفينه عن فلان وفلانة (في أفلام..أو صديقات..أو أقارب..أو...) لازم يصير لك مثله ولابد خطيبك يعرف من نفسه ويسوي لك هذا الشيء ..وتنتظرين...ويطول انتظارك..وبعد تظلين مصرة إنك تمشين في حياتك وتصوراتك زي فلانة..أو فلان في الفيلم..أو...)..
    انتبهي...
    زوجك باين عليه واقعي ( وترى أغلب الرجال واقعيين...بشكل فظييييييييع..) يعني مايفكرون بعواطفهم وبرومانسيات زينا حنا الحريم...وهذي ترى فطرة فينا وفيهم بعد...يعني شيء مانلوم نفسنا عليه ولا نلومهم عليه...
    لكن المفروض كل واحد ( زوج...زوجة..) يعامل الثاني مثل فطرته ..يعني المره ما تبني آمال كبيرة إن زوجها يصبحها ويمسيها برومانسيات ودلع و..و..لأ....هو رجل ماهو مره حتى يستسيغ الاهتمام الطويل والمتواصل في هذي الأمور...
    بينما المره لابد إنها تعطي رومانسيات بقدر ( لأننا إحنا الحريم لو مافكرنا وطلعنا عواطفنا نموت..هههههه)..لكن انتبهي الشيء لو زاد عن حده انقلب ضده...الزوج بفطرته الواقعية الجافة يحب روناسيات ودلع من زوجته لكن لو زاد هذا الشيء (مثل حالتك الحين) بيحس بالطفش..وإنه خلاص تعود على كذا..فيتململ منك...ويروح يدور الشيء اللي يرجع له التوازن النفسي حقه ..وهم الشباب اللي مثله واقعيين...
    وهذي مشكلتك...
    يعني اهتمامك الكبير بالرومانسية والدلع..والتضحية..والقرب من الحبيب..والسؤال عنه كل شوي..وجعلك له محور تفكيرك ...وهذي الأمور كلها تحسين إنها مثل الواجب عليك حتى تثبتين فيها حبك الكبير له وخوفك عليه...لكن..وقفي شوي...
    هو وشلون يشوف هالأمور؟؟!!
    يشوفها من منظور الرجل الواقعي الجاف...هذي الأمور مثل ما قلت لك هي أشياء يحتاجها في حياته لكن بقدر معين ..
    وضابط هالأمر هو (لما تشوفينه يتهرب منك..وينشغل عنك ...راح تعرفين إنه جاء الوقت تبعدي شوي..وتتكلمي معه بواقعية مثل( حياتكم بعدين..اهتماماته..أهدافه...) ولما تشوفينه جايك مشتاق..ويسأل...هذا هو الوقت المناسب للرومانسيات..)..
    وبعد ترى فيه نقطة مهمة وهي :
    النكد !!!!!!!!!!!
    إيوه النكد....
    إنتوا توكم ماتزوجتوا ومع ذلك تشكين له أحزانك وهمومك...ومشاكلك...و...و...( أجل وش خليتِ لحياتك الزوجية بعدين!!!!!!)
    فترة الملكة (الخطوبة) حلو تمر بدون نكد ولاهم ...وكل واحد منهم لابد ينسى همومه لما يلتقي أو يتصل على الثاني..(وهذا أمر مهم جداً جداً تعودين نفسك وزوجك عليه حتى بعدين بعد الزواج ماتلاقينه شايل هموم (عمله..او بيت أهله ..أو أصدقائه وجايبها لك في بيتك ومحزنك بها)...
    وإنتٍ بعد هموم أهلك ومشاكلهم إنسيها ولاتذكرينها له ولاتخلينها تؤثر عليك سلباً قدامه...حتى ما يهرب منك ويقول نكدية....
    ممكن طبعاً يساعدك في رأي منه أو حل...لكن فرق مابين لو تطرحين المشكلة تبين حل..و إنك تقعدين شايلة الهم ويبين على وجهك والأدهى إن الهم مو همك ولا همه!!!!!!!!!!!!!!!.
    و اللي حسيته من كلامك إن زوجك مضغووووووووووط كثير نفسياً من سالفة تأخر زواجكم...(وترى الرجال ماهو مثل الحرمة مايصبر )..شكله وده يتزوج بسرعة..لكن ظروف أخته ضاغطة عليه بشكل كبيييير وماهو عارف وش يسوي...
    علشان كذا ينفجر فيك ويقول خلاص بيفك الملكة....
    وهو بعد لما يطلع مع الشباب مايدقون عليه كل شوي...ثم يعاتبونه بعد على عدم الاتصال ( مع إن 4مرات اتصال له معاك في اليوم) جدًا جداً كثيرة وتمصخ السالفة!!!
    وبعد ربعه مايعاتبونه على أفعاله تجاههم ويتشرهون عليه..وما يقارنونه بصديقهم فلان والا علان...لا يقبلونه باللي فيه...ويونسونه ويضحكون معاه...
    مش هو اللي بس لازم يفرفشهم ..ولا يحسسونه إنه لازم يستحملهم بأحزانهم وهمومهم ..وواجب عليه محتم يسمعهم ويطيب خاطرهم ويفك ضيقتهم وهو المسكين ماهو السبب!!!!!
    (وهذا كله إنتٍ تسوينه وإنتِ ما تنتبهين وتظنين هذا حق واجب مفروض لك عليه...لكنك زدت العيار كثييييييييير..وارتبطت مكالماتك بتأثيرات:
    البكاء الكثير وهذا خلاه متعود على دموعك...وعادي ماعاد تؤثر فيه زي قبل..( وهذا لاحظتيه بنفسك...)
    وكثررررررة الشكوى ..
    المحاسبة والملاحقة..( وينك فيه؟؟؟ليه ما اتصلت...؟؟؟ أنا أفكر فيك وإنت لا....و..و..و..)...
    قطعك لمشاغله ....(وهذا كثييير من الرجال يكرهوووووونه بشدة..)
    باختصار الرجال عايش حياته ووقته صاير..
    ( شوي لأهل بيته (أمه وخواته واخوانه..و.)
    وشوي لأصحابه وعيال عمه..و...
    وشوي لأشغاله وعمله..
    وشوي لك...
    لكن إنتِ لا...
    كل حياتك تركزت عليه وبس...وهذا معززه الفراغ اللي إنتِ فيه.
    وين يا أختي :
    ــ محاسبة النفس تجاه تقصيرها في أمور الدين مثلاً....( وأنا قبلك ترى..والله يغفر لنا)..والبحث عن الإصلاح والعمل في هذا والانشغال فيه...(صلاتك...ذكرك..القرآن...و..و..).
    ـــ تطوير مهاراتك ( الطبخ...التنظيف...التثقف عن الحياة الزوجية...و..و..).
    ـــ التثقف في كيفية معاملة الزوج...النجاح في الحياة الزوجية...فهم نفسية الرجل والمرأة...(( واحمدي ربك عندك النت فيه من هالأشياء وزيادة))...
    يعني يبي لك تغيير شاااااااااااااااااااااااامل..للأفضل.
    ولي ملاحظة على صديقاتك...
    من ردهم عليكِ وقولتهم لك طنشيه شكلهم مثلك صغار...ماهم دارين بشيء..( واسمحي لي..) لأنه في واحد متخصص قال لا أحد ياخذ من أصدقائه المشورة في فترة المراهقة( وهو عمرك حالياً) لأنهم هم مثله ماهم عارفين ومتسرعين...وشكلهم يبونك تفرفشين وبس...ومايبونك تشيلين هم ..لكنهم مايعرفون وش يوجهونك به..
    ........
    وفي الأخير أول تصرف تسوينه الحين تقعدين مع نفسك زين وتمسكين كل النقاط اللي في ردي...وتفكرين فيها وتقيسينها على نفسك..( ما أحد يعرف نفسك غيرك)..وحاولي تطبقين وتعدلين...
    واتركي عنك الأفلام وخاصة الهندية والله..( وهذاني أحلف ) ضررها بادي عليك وما منها نفع...وجابت لك الهم و الهواش واللوم مع خطيبك..وانتبهي عسى ما تهدم بيتك..وتراها ياغالية حرااااااام...
    ومن شؤم المعصية اللي فيها إنها جابت لك ولزوجك الهم والنكد...من أولها ..
    وترى الدعاء والإلحاح لرب العالمين واللجؤ إليه عند الضيق والمشكلات ( وحتى وقت الرخاء) والله مايخيب من رجاه....جربي..وشوفي الأمل اللي بيطلع لك من جديد....
    ـــ دراستك..دراستك...دراستك....( والله إنها مهمة جداً).
    بعد كذا حاولي ماتتصلين على خطيبك وتخلين هالمهمة هذي عليه هو...متى ما خلص من أشغاله..وروحاته يكلمك وهو مشتاق لك ومحتاجك وفاضي لك...سمعتِ فااااضي لك...يعني لاتكلمينه فيطلع جالس مع أمه مثلاً أو مع ربعه أو...ويكون ساعتها داخل جو ماهو جوك فماهو قادر يكلمك .....انتبهي!!!!!!
    وصيري إنتِ اللي تفرحينه وتخلين الجو إيجابي ومشجع له وتخففين عنه..وبتشوفين بإذن الله التغير للأفضل منه ...
    ............
    كل اللي كتبته فوق يالغالية هو لي قبلك...وقاعدة أحاول أطبقه فعلاً...( عساني أنجح)..لكن الوحده تحاول...
    وأبيكِ تجربين ...
    ...
    وآسفة لو زعلتك أي كلمة أو لفظ...والله حطيتك مثل أختي وكتبت لك هالأمور ( اللي كنت طايحة فيها مثلك أول زواجي..)..وأبيك تتعلمين ..ولا إنه تعلمك الأيام وقساوتها...
    والله يوفقك...ولاتنسيني وأحبابي بالدعاء.
  2. @dr_albhryn_947

    انالحالي
    الاخت الحبيبة المتغليةجاوبت على كل الاسئلة اجابة كاملة :) والدور الباقي عليك انااسجل اعجابي وشكري لك يالمتغلية:26: انت شمعة القسم
    تصدقين إني ما قريت بس ثلاث ارباااع كلامك ومافيني صبر إبي ارد عليك


    إنتي الغلطـــــــــــــــــانه

    تدرين ليش !!!

    لانج وااايد قااطه نفسك عليه
    وكل الريايل ما يحبووون البنت الخفيفه يحبون البنت الثقيله

    اثقلي عليه صدقيني بعدين هو إلي بيركض ورااج ويدوور عليج


    إذا ما تصل مب مهم صدقيني مب مهم
    لا تتصلين فيه واايد
    ولا تتشكين له واايد
    وخلي اسلووبك بالكلام مثل اسلووبه بالضبط

    صدقيني هوو بعدين بحسسس بتغيرج عليه وبيخااف عليج إنج بتضعين من يده وبيعيد احساباته وبيشووف هو بشنوو غلط في حقج
    وبعدين بيعرف إنه مقصر في حقج وبيرد لج احسن من قبل وبيحاووول بنفسه إنه يصلح كل شي بينج وبينه

    لكن اهم شي الثقــــــــــــــــــــــــــل ترى والله الثقـــــــــــــــل زين

    لا ترمين نفسج عليه واايد
  3. عيوني ليااان ترى الحياااه غييير عن تفكيييرك

    لااااتصدقييين الافلام الهنديه او غيرهااا...لااااتتوقعين الحياااه الزوجيه بتكون رومنسيه على طووووول
    ولااااازم تشغلييين نفسك باااي شي ولااااتتصليييين علييييه ...وصدقيييني بما انك عودتيييه على انك تدقين وتسئلين وتعاااتبين ووو.....فهو متوقع اتصااال منك قريب وخاااصه على جيته الاسبوووع هذا

    عشااان كذا طنشيييه واثقلي وصدقيييني بيدق وبيفقد اتصالاتك..اشغلي نفففسك بالمذاااكره والطلعاات ولاااتقولين طفش وبدق عليييه

    صدقيني مده وتتعودين
    لكن ترى لو استمريتي على اسلوووبك بتتعبين بعد الزواااج
    فكري بالموضووع وقولي زيي زييييه وماراااح ابدا انا داايما بالعتاااب

    وطمنينا عنك ياااعسل
  4. @abgh_anbst

    الله يعطيك العافيه يامتغليه كل اللي باقوله كتبتيه

    اسمعي نصيخه المتغليه ولاتزعلين مني انت غلطتي غلطه اغلب البنات وهي انك خليتيه شغلك الشاغل


    وكل تفاصيل حياتك عنده وانا اقولك من تجربتي واللي اعرفهم الرجال مايحبون اللي تجي بالساهل

    وايملون من اللي تقول كل شي لانها صارت كتاب مفتوح مافيه شي يجذبه

    الحين انتبهي لنفسك وطوري نفسك مثلا ادخلي دورات في الهندسه النفسيه واذا ماعندك لغه ادخلي معهد ولاتقولين له شي خلي يتفاجاء فيك ولاتقولين له مشاكل اهلك الا هذه بالعكس حسسيه انه اهلك تمام معاك وحسسيه انك ممكن تستغنين عنه وبطلي هدايا خليه يحس انك مشغوله عنه وممكن تقفلين جوالك بين كل وقت ولا تقولين مااستغني عنه اذا انت حابته لازم تسوين كذا عشان يحس فيك ويلاحقك عشان يعرف ايش عندك لكن اصحي تقولين له كل شي الرجل يحب يعرف كل شي ولما يعرف يطفش فلا تعطينه اللي عندك واترك الافلام ماوراها الا الدمار واذا انت تتاثرين مشكله حيشوف انك تافه كلمه توديك وكلمه تجيبك والوقت اللي تقضينه في الافلام اقضيه في تطوير الذات احسن وخليك رسميه معاه مع خفه الظل شويه ولاترمين نفسك له ولاتسالين وينك مااتصلت ومن ذا الكلام حسسيه عادي انك مشغوله بس بذكاء

تابعي تجارب أخرى من هذا القسم.