يا بنات ابغى مركز او عياده كويسه في جده لتقويم الاسنان

رفع

اهلين اختي فراولة

صراحة فيه صديقة ليا سوت عند المدار لكن مااعرف صراحة عند مين بالضبط

فيه الدكتور احمد كيشور او خيشور ماني متأكدة من اسمه مره كنت اراجع فالعسكري واسمع الحريم يمدحونه بس للامانه ماجربته

وفي صديقة لاختي سوت في عيادات سمايا لكن على كلام اكثر من وحدة انهم اسعارهم غالية لكن كفاءة

واحب انبهك ع الحجاز اللي في الكندرة اظن لاتقربيهم انا سويت حشوة عندهم مافي نظافة ولا حتى بنجتني حسبي الله عليها..وفري فلوسك وروحي لعيادة محترمة بعد الاستشارة طبعا

انا حالياً حاطة سمايا اول خيار ليا وجالسة ابحث كمان عن افضل الدكاترة المختصين بالتقويم وبشوف ايش كلام كل واحد فيهم

يلا ربي يسهلك ويسهلي

شكرا جزاك الله خيرفين موقع عيادة سمايا

هذه من موقعهم

عيادات سمايا المركز الرئيسي - مركز بن حمران التجاري – جدة.

عيادات سمايا ايتوال (العيادة الأولي الحديثة) – طريق الملك – جدة.

عيادات سمايا كوزمتيكا - مركز صفوة الأعمال - شارع التحلية - جدة .

واللي يمدحوه عندهم فهد السليماني

بس مااعرف في اي فرع هو

صراحة لازم يدوني تخفيض من كثر سويت لهم دعاية ههههه

يلا الله يسهلك يااارب