افتتاح الملف الأول لتشطيبات منزلك ...حياكم الله

كنز الحنان

لا لا تصبينها مو حلو و تجبرك على تكمله ادولاب احيان
الحين محلات تفصيل المطابخ يسوونها اصلن
و سعرها مع الدولاب عادي

انا سويت مطبخي ف بنامكو و هم سالوني اذا عندي رفعه او لا


دموعه

هلا ياحلوه
وش اخبارك وحشتيني
ماشاء الله وصلتي للبويات بشري وش سويتي

بالنسبه لمسكات الابواب اخذتها من المهيدب اللي بالصناعيه
المهيدب الكبير لا ن فيه واحد ثاني صغير
و عنده اشياء تهوس و لهم فرع بالتخصصي
روحي الحقي عليهم انا شريت عندهم من الاسبوع الماضي عندهم تخفيض 20 بالميه

اخذت مسكات ايطالي لونها سلفر بعد التخفيض ب 70 اضن اذا ماكنت غلطانه
و اخذت كيلونات اسباني ب 45 الواحد
و اخذت دفاشات و ربلات للابواب و لسى ماتركبت
و للاسف ماصورت لاني كنت مستعجله

فوفو الله يديم عليك البسطه والوناسه ولاشيلها من قلبك الكبير يارب ..

بس سين سوووال >>بانجلد عاتي بس جاوبوني ...

اعطوني تفصيل شرح موجز اللي هيبه المهم وش الترنس واخواتها (الاسبوت لايت)>>ترى لو شااف زوجي سوالي بيجلطني هع لان سبق وشرحه لي وسويت نفسي فاهمه وانا اهز راسي ...هع

انا عندي مقاس 20 للزوايا و7 للصغار ..والحمامات اتوقع 17 ...

شعوره

ياقلبي سكنتي مادريت < حسيت اني قديمممه
الف الف مبروووووووووووك
ماشاء الله

يلا يلا قولي لنا شعور اول ليله و احساس البيت الجديد


فيلسوفه

شفتي اللون يشبهه له صح ؟


دموعه

و انا والله مشتاقه لك ياقلبي
و جاتني فتره اكئتاب و عدت الحمدلله

الا محال وينها من جيت ماشفتها ؟

< حسيت اني كنت مسافره خخخخخخخخخخخخ

ويالله ياخوخه لي شهر واكثر وانا اقلب في هالتكلوجات وافتر راسي صرت ماعاد اجمع ولاافهم ...ههههههه

والحين ركبوا الابواب الخشب وصبغوها وقال زوجي شوفي ترى طولتي بروح اختار انـــــــــــا:o

واشتريت استنسلات ...والله ييسر ..

هلا دموع كيفك
وكيف اموركم ان شاءالله كل شي تمام
والله النزله متعبه شوي بس يااارب لك الحمد امشي ببيتي واشكر ربي
نعمه كبيره عسى ربي يديمها ويبارك لنا واياكم


بالنسبه لأشياء ما اعجبتني ما ادري اكيد فيه بس ما اذكرها الحين تتذكرين بعض الأشياء في حينها
ان شاءالله اول ما اتذكرها بسدحها لكم


ايه ذكرت واكيد قد مرت على البنات لالالالا تبخلون في وضع الأفياااش قد ماتقدرون حطو
والون ألأبواب الخارجيه انا حاااطتها بني محروق بصرااحه متعبه في التنظيف خاااصه الي ماعندها خدااامه مثلي
بصرااحه يبي كل يومين غسل او مسح جااامد خاااصه مع الأجواااء الحلوه
وايه بعد
الدربزيييييين تأكدو وتأكدو وتأكدو انه امااااان للأطفال
اليوم بنتي بغت ترووووح فيها ربي لك الحمد صحيح راااسها مايمر
بس العنيده الله يصلحها دخلت رجولها اول وبغت تكمل الباااقي قي بس انتبهت لها ربي لك الحمد
الحين بنرجع نجيب لنا الحداد يضيق بعض الفتحات والله يعين عالحووووسه
وان شاااء الله اذا تذكرت شي سدحته لكم