اخواتي اريد النصح والراي السديد في زوجة اخوي

السلام عليكم ورحمة الله وبركاته
حبيت استشيركم واخذ برايكم زوجة اخوي كريمة وحبيبه ونحن اكرم منها نعطيها هدايا ونكرمها كثير ايضا ونعزها ونحترمها وكانت تقول لي ان جيتي بتجهزين ان شاء الله بروح معك للسوق وانا قلبي حاسس من تصرفاتها انها تجامل وتحب تستطلع كل شيء وتنشره عند الناس لكن الحمد لله كنت على حذر لانني جربت واحتكيت بناس كثير

وقاعدتي بالحياه

احبب حبيبك هونا ما ربما يصبح عدوك يوما ما وابغض بغيضك هونا ما ربما يصبح حبيبك يوما ما

لكنها من تحت لتحت تتكلم عنا وتروح للي مايحبون امي كونت معهم علاقات قوية ولاصارت تزور امي ولابيننا شي غير انها هاليومين قريب سببت مشكله كبيرة وتدري اننا غير راضين عن فعلتها وصارت قاطعه نهائيا ولا لها وجه تجي لان الخطأ راكبها من راسها لرجولها:eek:

وش رايكم كيف اتعامل معها انا من النوع اللي مايحبني ماحبه ابد لكن اسلم واضحك واسولف عادي ويكون بحدود ورسميه جدا

ابي راي سديد وعقل مابي مهايط ومثاليه مالها داعي

20 تعليق 2,345 مشاهدة

شاركي في النقاش

سجلي الدخول لإضافة تعليق.

التعليقات

20
  1. @tmohh_3_1

    وش بتسوين يعني اذا جت خلك مثل منتي لاتادبينها ولاتحاسبينها وان راحت مع السلامه


    طموحه 3
  2. @alghla_klh_lk_obs

    الله يهدي أموركم ويبعد الشيطان عنكم
    إياك والظن وإن جاتك نمامة لاتسمعين منها
    نصيحة قولي لها لايدخل الجنة نمام
    وهي عامليها برسمية وهذا المفروض من البداية
    أحسن للطرفين
  3. @alfoz_6

    صاحبة الموضوع
    طموحه 3
    وش بتسوين يعني اذا جت خلك مثل منتي لاتادبينها ولاتحاسبينها وان راحت مع السلامه طموحه 3
    انا كذا طبعي لا لا ما اتشره ولااحاسب لكن ادعي في جوف الليل على الظالم

    تصدقين دعيت على وحدة ظالمتني وتطاولت علي بالكلام قدام كذا وحدة والله العظيم من خمس سنوات وهاسنة شفت استجابة الكريم سبحانه لي عقب خمس سنوات
    الحمد لله الحمد لله الحمدلله سبحانه الكريم لااله الا هو الجبار
    جزاك الله خير على ردك الحلو اثلجتي صدري ربي يسعد قلبك
  4. @shgraldr_3

    تاكدى قبل اى شى ان الكلام الى وصلكم صحيح لان النمام ماحد يصدقه
    وعلاقتها مع الناس الى يكرهون امك مو سبب انكم تقطعون علاقتكم معها او تزعلون منها هى حرة تزور الى تبى ومادام ماغلطت عليكم خلاص
    وواضح انها من الناس الى ما يمسكون لسانهم مو عن خباثه لا كذا شخصيتها يعنى ما تنعطى سر

    وفضل حل مثل ماقلتى

    بس رسميه مو مرة بحدود وكذا تقل المشاكل
  5. @smt_alsaaad

    انصحك تسلمين عليها وبس لان السلام سنه
    وتصيرين معها رسميه جدا جداااا لأبعد الحدود
    زوجة اخوي ماارتحت لحد ماسببت لنا مشاكل هذا وهي بنت عمنا
    وشوفي اخوي ماصار يكلمنا منها وتمشي بالنميمه فينا
    وامي قالت ان شفتوها سلموا عليها وبس لاتحتكون فيها ابداااا
    بعضهم ياااختي ماتخاف الله وماترتاح الا بالمشاكل
    حسبي الله على كل زوجة تفرق الأخوان والأهل وتسبب مشاكل
    ياجعلها تشوفها في نفسها وعيالها .

تابعي تجارب أخرى من هذا القسم.