مين ولدت خلال هذي السنه بمستشفى الوفاء بعنيزه أو القصيم الوطني ببريده

نفس الطلللب

القصيم الوطني ماقد احد جاااب سيرته ؟؟؟؟؟؟؟؟

شوفي بالنسبه للوفاء عطوني كمام بس كانوا معطيني طلق صناعي
والكمام ماحس انه يسوي شي غير انه يلخبط الدنيا ماتسمعين الكلام زين والناس اللي قدامك
تشوفينهم كنهم يطيرون مدري كيف اشرح لك لكن الم مايخفف انا كل شوي ابعده ويرجعونه
يمكن عشان طلقي صناعي مانفع معه

اما بالنسبه للوطني ماشاءالله تبارك الله ماقد سمعت احد يسبه وكلن يولد به بسكات
الايام هذي قريبتي ولدت فيه وتمدحه ماشاءالله وتقول يعطون ابرة العضل ويخدرون للخياطه
اما كمام ماسئلتها بس اكيد عندهم مستشفى كبير بيصير عندهم والله اعلم

والله يوفقنا وياك ويسهل امورنا ويكتب لنا الصالح ..

وبالنسبه للمستشفيات ماتقدرين تحكمين على مستشفى واحد انه خيال وحلو ووو
كل مستشفى فيه اللي يسبه وفيه اللي يمدحه
والناس ولاداتهم مو وحده وتجاربهم تختلف وحظوظهم تختلف
يعني صعبه تحددين مستوى مستشفى من تجربه ولاتجربتين

عندك الفريح بنات عمي ماشاءالله مايولدون عند غيره ومره يمدحونه
انا رحت مره وهجيت يخوف تقل زنزانه مااحس انه مؤهل ابد وخرابه
واختي ولدت عندهم تسبهم يعني شوفي كيف اختلاف الاراء عليه !

الحبيب احد يمدحه واحد يخوفنا منه يستعجلون بالقيصري ويدخلون البيبي للعنايه على اتفه شي عشان الفلوس
هذا اللي اسمعه وفي هالمنتدى بالتحديد ! وانا مادري عن الصدق !

الوفاء حذروني منه بعد انهم يستعجلون بالقيصري
لكن استخرت ورحت له وعطوني طلق صناعي ومانفع وباخر شي سوو قيصري ! والحمدلله على كل حال
عنايتهم حلوه وماقدر اقولك انهم استعجلوا علي لانهم خلوني وقالوا ضعف النبض وسووها


الله يعين وويسر ..

اتمنى انه ماينحذف الموضوع ضروري لبنات القصيم ومهم وبحاجته وحاجة تجارب البنات وارائهم

شوفي يالغلااا

مستشفى القصيم الوطني ممتازين ولايستغلونك ابداً

وعندهم دكتور العمليات القيصريه السحيمي ممتاز جايبينه من العسكري

الحين اللي مقررين ولادتها عمليه تروح عشان الدكتور ماشاءالله يخاف الله وشاطر


وبلولاده الطبيعيه مايسوون مثل الحبيب

الحبيب يستغلونك اما بعمليه قيصريه ٩٥٪ ماتحتاجينها بس عشان المبلغ يزيد


او يقولون والبيبي محتاج حظانه وفيه وفيه مايعجزون يدورون سبب

واذا حابه تعرفين عن مشاكل وبلاوي الحبيب واخطائهم الطبيه


روحي لمستشفى الولاده ببريده وإسأليهم عن مشاكل الحبيب اللي هم يبلشون فيها


الحبيب اسم وبس استغلاااااال

بنت عمي راحت لهم تولد ونشبو بحلق زوجها إلا يولدونها عمليه

وقع وادفع قال لااااااااااااا

وولدوها طبيعي حتى هي تقول ماحسيت اني محتاجه قيصريه

اموري طبيعيه

لكن هم يستغلون جهل البكريه بلولاده

ويحاولون يسوون لها عمليه ويخرشونها ويخوفونها


فنااانين نصب واحتيال


وانتي زوري المستشفيين وقرري

وبلنسبه للوفاء ماعندي اي معلومه

اعرف ثنتين ولدن فيه اكثر من مره

والله يسهل علينا وعليك يارب الولاده وكل حامل