ايش حسنات (ايجابيات) زواج الزوج كلكم ادخلو (كلكم)

[]اقول الله يبعدنا عن هذا الكلام
والله مجرد افكر في هذا الموضوع يجيني غثيان ودوخه

ينقلع وترتاح منه باللي مايحفظه

بما انه شر لبدمنه تهتم بيتها واطفالها ودينها وتستقبل وحاول تشغل نفسها بيما ينفعها دين ونيا كحفظ القران وصيام النوافل حتى تحول صدمتها الى فايده لها بلاخره والا فالدنيا محدمستفيد منها زايله لامحاله

اتوقع الايجابيات
تتفرغين لعمرك تعزمين وتطلعين واسواق ومشاغل وروحه لاهلك وتنامين وتقومين متى مابغيتي واهم شي ماتطبخين كل يوم وانه الماديه تتدلعين فيها واذا تكلم قولي اووووص انت قدرت تفتح بيت ثاني ومسوؤليه وعيال وزوجه تقدر تدبر فلوسي مو هازه الميزانيه وماراح يفتح فمه لانك معذوره ومجروحه
يعرف قدرك ويتذكر العشرة لو بينه وبين نفسه يشيل هم زعلك لانه مقصر وماله وجه ومو ضاغط عليك اكثر
انتي بتكوني صح على طول ومعاك عذر قدامه وقدام الناس واهله وبيشوفوك الصبوره العاقله حتى لو كنتي شريره والكل صاف معاك وحاس بالقهر والغيرة
اهل زوجك بيقدرونك اكثر لانك صبًرت ويخافون من زعلك وتتركين البيت
كل مابغيتي تهددينه قولي ابترك لك العيال خلي العروسه تربيهم انا ابتفرغ لنفسي واتحداه ان زعلك
اعرف وحده زوجها شايب تزوج تقول احسن شي سواه زوجي تغير للاحسن غيرته الثانيه صار يصرف عليهم بمبلغ عالي ماكان يعطيها نصه الحين لازم يعدل وغصب يدفع لثنتين وايضا كان متشدد بالطلعات مو اي عزيمه او ناس تروحلهم تغير صار عادي يوديها وين ماتبي حتى لو بيوم الثانيه
صارت تروح لاهلها كثير وتطول عندهم تقول ماشيل همه فيه من تطبخله وقايمه فيه واذا رفض يوديها يحرم الثنتين من الطلعه كلهن ينطقن بالبيت وافضل شي بيتها كبير احوشه وملاحق تقول اسبوع علي واسبوع عليها والعزايم ترتاح خاصه بالاعياد اذا صادف للثانيه وتطلع من بدري تعايد وهي مرتاحه مافيه مين يزعجها بالقهاوي والضيافه
الله لايجيب طاري الزواج الثانيه ويبعده عن زوجي ويجعلني قرة عينه وهو قرة عيني
امين وكل من قالت امين