ماعندي اغلى منك ... مجلس الحريم النشبه ؟؟

بسم الله الرحمن الرحيم ..
والله ابي *الفزعه تكفون :)...

كيفكم يا*الربايع عساكم بخير ...


جيتكم ألهث وتعبانه الحقوني بكاس مويه << :eek:.. ماخليت محل اثاث مامريته انا وكرشتي احترت في اثاث مجلس الحريم انا ابيه بني مع لون ثاني بس اللي محيرني وش اللون اللي احطه مع اللون البني ابي صور لوسمحتوا ويكون غريب وجريء..

ومجلسي خمسه في سته مدري سته في خمسه المهم له شباكين وابي له فرشه ساااااده والمخاد والستارتين ابي ابدع فيهم بس مدري كيف محتاااااره ابي اعرف ايش الموضه في الاثاث وايش الافكار الجديده بس ماتكون غاليه ..

بنات كم تتوقعون بيكلفني المجلس ؟ انا ابي شي ذوق ومايكون غالي ابدا ... اللي معي الحين اربعه الاف:icon28: ..تتوقعون تكفي ؟ والبويه ساده وجهه من الجدار ابي احط لون وش رايكم ؟؟
اني داعيه فاأمنوا : الله يسخرزوج كل وحده ترد وعساه مايعرف حبيبه غيرها واللي راح منها زوجها الله يرده ردا جميلا واللي ماتزوجت ربي يزوجها وتعرس بالاجازه الصيفيه (ولازم تعزمني ):42: واللي مارزقها ربي بالذريه عسى ربي مايحرمها وعسى يرزقها ربي بالذريه الصالحه عاجلا غير آجل ,,انتظر ردودكم وافكاركم ياذويقات ...:26:

من شرق الرياض .. يعني ايش المحلات الزينه واسعارها معقوله

*النشبه : اللصقه او الوهقه ..
*الفزعه: تعني المساعده..:42:
*الربايع : تعني ياحريم ..:icon28:

41 تعليق 10,794 مشاهدة

شاركي في النقاش

سجلي الدخول لإضافة تعليق.

التعليقات

41
  1. @aloan_alfrh_4

    حبيبتي الآورنج مع البني خطنننننننننننننننطير جدآ
    و آنصحك تروحين الحراج الجديد آنآ رحت له هالآسبوع وفية موديلات ديكور مودرن وخيال
    وآسعارهم حللللللوة ومناسبة

    بالتوفيق :)
  2. @mymy_100

    هههه الله ييسرها لك والله ماعندي خلفيات عن الديكور بس انا جالسه اثث غرفتي وكنت ابي برتقالي بس ما حصلت هالون على القماش الي ابيه 4 مرات اروح لصاحب المحل علشان اغير طفش الرجال مني هه وفي الاخير لقيت اورنج فاتح مررره مادري قلت يالله مالي غيره مادري حسيته حلو مع البني حدود الكنب جربي الاورنج
  3. @mrodthm

    صاحبة الموضوع
    اللي مروا مشكورين ماقصرتوا بصراحه جا ببالي الاورنج .. طيب اللي عندها خبره ..كم بيكلفني المجلس تقريبا ...وايش موضه البويات ..وابي صور لو سمحتوا < طماعه

تابعي تجارب أخرى من هذا القسم.