هل أنتي مع او ضد الزواج من مطلق ( بدون اطفال ) ..

انا اشوف انو مافي مشكلة
طبعا بعد معرفة السبب من الطلاق

والاهم السؤال عن دينه و خلقه

شوفي عزيزتي...

لو كنتي سألتيني هالسؤال قبل كم سنه كنت بقول لك لا وألف لا....

لأني من حقي أن أبتدي حياتي مع شخص لم يسبق له الزواج مثلي،، ويمشي معاي في الحياه خطوه بخطوه ونعيش ونستكشف كل مرحله بحلوها ومرها مع بعض

ولكن الان،، مع ندرة الرجال في مجتمعنا (لا أقصد الذكور لأن الذكور كثيرين ،، انا أقصد قلة الرجال)
ومع تقدم العمر،،
وأنا بطبعي صعب اني أتخلى عن شروطي أو بالأصح المعايير اللي أبيها في شريك حياتي... فالشي الوحيد اللي ممكن أتغاضى عنه الان هو كونه مطلق....

وحتى هاذي متردده فيها....

لكن لو يجيني واحد مطلق وفيه كل المواصفات اللي أبيها
بينما يجيني واحد لم يسبق له الزواج وفيه بعض المواصفات اللي أبيها

راح أختار المطلق

عادي حبيبتي مافيها شي الطلاق اباحه الشرع وديننا الحنيف
حطي في بالج ان الطلاق عباره عن اثنين وماتفقوا تصير في كل مكان وزمان
اهم شي فالسالفة
- تسالون عن الريال اذا كان مصلي وعن اخلاقه
- واكيد تصلين استخارة
- تنسين انه كان معرس ولا تفتحيله باب اتسكر وانقفل
واتمنى من المولى عز وجل ايسر لج جميع امورج اللهم آمين

بالنسبة للرجل ما راح يعيبه هالشي وخصوصا لو ما كان السبب في الطلاق بسبب عيب فيه..
احيانا يكتشف الرجل في زوجته اسباب تدفعه للطلاق !!
اهم شي يعرف دينه وخلقه وسبب طلاقه وهذا المهم وبعدها ممكن نحكم عليه..