♥OoO♥ يا هـــلا وميـــة بامـــورااات امــريكــــا ♥OoO♥

مساكم الله بالخير.



لا يا عمري لا توقفي الانتي بيوتك, لانه بحاجة لكورس كامل منه ما توقفيه الله يرضى عليكي لا تضري ابنك لانه البكتيريا ما راحت كومبليتلي منه و جسمه لسه في ايام المقاومة بلاش يصير اسواْ بعد كم يوم لاسبوع و تضطري تعطيه انتي بيوتيك اقوى.




تقريبا نفس الشي مع اختلاف صغنون <<< تراني كنت ما جربت الجالكسي لكن من شي كم يوم لقيتها بالبقالة و جربتها الاختلاف انه دوف smoother يعني ممممم ملساء اكثر؟؟؟؟ يمكن هيك معناها. (جربت دوف اكثر من نوع اللي انتي حطيتيها فيها كراميل يعني محشيه و في منها سادة و على فكرة دوف ارخص بدولار من جالاكسي)



هلا يا عمري...
رحت وب سايتهم, انتي معك ام ال50؟؟ و لا ام ال60؟ لانه كل وحده فيها نت محدودة, الاولى بس 250 ميجابيت, يعني ان فتحتي ايميلك كم من مرة و شفتي كم مسج فيه خلاص بيخلصوا و بتنتظري للشهر اللي بعده لترجع النت.
و الثانية فيها اكثر 1 جيجابيت و بس تخلصوهم بتبقوا بدون نت. (افضل شي تعملوا disable للصور بس على هيك التصفح بيكون ماسخ لانه اغلب الوب سايتس اساسا مبنية على صور.)
و بالنسبة للانترناشونال مش موضحين كثير, حاطين انه 10 دولار فري انترناشونال, بمعني بس بالعشر دولارات بتحكوا, اذا خلصتوهم خلاص انتظروا الشهر اللي بعده, بيخلصوا عن طريق عداد الدقائق و كل دقيقة كم بتكلف, فرضا (ما بعرف كم بالضبط لهيك فرضا) المكالمات لبلد بتكلف 50 سنت, يعني بال10 دولار بتقدروا تتكلموا 20 دقيقة بس و بعدها بيقطع.

اذا مستعدين تحولوا لشركة ثانية و بدكم انترناشونال روحو لعند محل تي موبيل و اطلبوا البلان ام ال50 دولار بدون عقد و هي انليمتد مكالمات و مسجات و انترنت (اول 200 ميجابيت بسرعة 4g و الباقي بسرعة 2g بس بتكون انليمتد يعني ما بتقطع) و عندهم برضه بتقدري تدفعي 10 دولارت زيادة تحصلي على مكالمات ارضيه انترناشونال انليمتد (ما بتقطع) ضروري تكون على تلفون ارضي بس شوفوا اذا بلدكم داخلة بالعرض قبل لا توخذوه.



لا ما الهم الحق بتاتا يعملوا اللي عملوه, شو اذا ما فتحتي بنفتح عليكي!!! (الا اذا مضيتوا بند بيصرح لهم يفتحوا الباب سواء انتوا في البيت او مش بالبيت) اذا مش موجود بند هيك بالعقد و يعملوها معك مرة ثانية بتقدري تتصلي بالشرطة و تقولي في هدا بيتهجم على البيت (انتي شو دراكي انهم صيانة اساسا؟؟؟ علميهم درس انه ياخذوا اذنك بالاول بلكي مش فاضية بتطبخي بتتحممي؟؟؟؟؟)
اما اذا اجوا بادبهم و فتحتي و خفتي من الخلوة و الحلال و الحرام افتحي الباب على مصراعيه و اقعدي جنب الباب بمطرح الناس اللي خارج الباب تشوفك و برضه شغلة ثانية بعملها بتصل على زوجي و بخليه معي على التلفون ليطلعوا من البيت.

فعلا توته بشوف ان شاء الله نسخة العقد اذا فيها مثل هالشرط
وحركة التلفون انا اسويها طول ماهم موجودين التلفون باذني واحيانا زوجي يقول عندي اجتماع او مشغول بسكر مع السلامه وطوط طوط طوط وانا طبعا مستمره التلفون على اذني واسولف ههههههههههه