معلمات مدركة

الف مبروك اختي الله يوفقك ويكتبلك الخير الحقيقة انا كنت في المدرسة الابتدائية وزعلت لما نقلت لان المديرة انسانة محترمة والمعلمات طيبات سواء من اهل القرية او اللي برا وكمان الطالبات مؤدبات ومستواهم كويس كانت احلى سنة لي في التدريس بس ما اضطرني للنقل الابعد المسافة عن بيتي تقريبا ساعتين انا من مكة بس ساكنة الشرائع عشان كذا الوقت ساعتين مع اللفلفة في مكة وتوصيل المعلمات بس افتكر كان في سيارتين كلها تودي مكة انتي لما تداومي حتلاقي المدرسات والسواقين اتفقي مع الاقرب لبيتك وربي يكتبلك الطيب وترتاحي في المدرسة والسيارة

جزاك الله خيرا عل المعلومات
متى تداومين من مكة ومتى تطلعون من المدرسة وكم مدرسة ابتدائية وكيف ترتيب الشرائح
وكم سنة جلستي فيها ؟؟ سامحيني على الاسئلة الكثيرة وشكرا

والله الناس خوفونا من مدركة
وانا قلت احسن شئ اسئل معلمات من المنتدى

يا أختي مدركة تبعد عن مكة 90 ك قرية عدد سكانها حوالي 10 ألاف معظمهم من قبيلة العطيات ( العطياني )

قرية فيها جميع الخدمات كهرباء واتصال وقرية هادئة .

للي متعود على الطريق يشوف إنها قريبة مو بعيدة .
يعني لو مشيت من مكة الساعة 5 ونصف تلحقي قبل الخط الأحمر .

ولو مشيت من مدركة 12 ونصف الساعة 2 أنت في بيتك .

فيها مدرسة ابتدائية ومدرسة ثانية متوسط وثانوي .
كل من سكن فيها ما يبغى يروح لطيبة أهلها ومعلماتها ومديراتها .
من 30 سنة والمعلمات رايحات وجايات على مدركة ما عمري سمعت حوادث والحافظ الله .
للآسف أنا من سكانها ولكن بحكم عملي حاليا بجدة . وشوقي لمدركة ماله حد لأني ما اروح لها إلا في الأعياد والمناسبات .