شاركي في النقاش

سجلي الدخول لإضافة تعليق.

التعليقات

1,520
  1. @bhryny_76

    انا باقولكم قصتي انا وايد يوني خطاب مراكز وفلوس وعوايل معروفة بس كلش ما كان ايصير نصيب وكان القاسم المشترك بين معظمهم الشرب والفسق لين خلاص فقدت الامل وبعدين يوم صار عمري واحد وثلاثين تقدم لي واحد كل مواصفاته ممتازة وفوق ذي كان ملتزم بس كان اكبر مني ب 12 سنة بس للاسف من الفرحة ماستخرت ولا امي ولا ابوي استخاروا اتقولون الله عمانا المهم ماتميت شهر ونص وكان طاير فيني حتي الفندق حجزناها الي كنا بانسوي فيه العرس واخترنا ان انروح تركيا شهر العسل بس فجأة تغير وتم ايحاول يتجنبي وماخذ له الا اربعة ايام وطلب ان احنا ننفصل انا انجنيت طبعا وطلبت منه انه ايتمهل واهوا كان رافض حتي اهلي نزلوا من روحهم وطلبوا منه انه ايتمهل واهوا ابد ما كان راضي وانفصلنا وانا نفسيتي تحطمت عقب فترة دريت انه من اهوا صغير واهوا ايحب بنت عمته الي خذاها الحين وكانت اهيا مثل ما ايقولون امخليته احتياط ويوم الملجة يوم درت كانت جنها مجنونة تبي ترجع له وتبيه ايكنسل بس اهوا ماقدر لانه خلاص كل شي تم حتي اتذكر يومها ياو اهله واهما متضايقين علي بالنا ماعجبتهم طلعت هاي اهيا السالفة وتميت انا ايتقدمون لي ومايكتب الله نصيب ويوم صار عمري 34 تقدم لي واحد قالوا مطلق بدون اعيال عمره 39 بس ماكان قبيلي مثلي كان هولي يعني اصله ايراني حتي كانوا اهله بينهم وبين بعض ايتكلمون ايراني المهم قبل لا اتصير الشوفة جان اتزورنا واحدة تدرس قرآن مع امي وكانت زايرتني لان امي اعرضت انها اتساعدها بالقراءة عاد يوم شافتني قامت شقت الحلج وتمت طول الوقت اتسولف معاي ولا ادرست ولاشي عاد يوم تطلع عرضت اني اوصلها بالسيارة لان بيتهم كان قريب واهيا كانت بتروحه مشي واتذكر طول الوقت اتشوفني وتبتسم المهم انا شفت الي كان خاطبني ووافقت مبدئيا علي اساس اني استخير واهلي يسالون عنه عاد عقبها رفيجة امي اتصلت تبي تخطبني حق ولدها العود وكان اكبر مني بسنة ونص امي طبعا مارضت وقالت لها ان علي خطبة فصديقتها ردت عليها بكل ثقة وقالت انا متاكدة بكون من نصيب ولدي المهم طولت عليكم طلع الي متقدم لي مطلق مرتين مو مرة وانا ماكنت مرتاحة كلش فرفضنا وردت صديقة امي تقدمت وتوفقت مع ولدها الي ماسبق له الزواج وصار لي الحين سنة ونص متزوجين والحمد لله صج زوجي اقل في المركز والتعليم من الاول بس ايحبني وامدلعني قولوا ماشاء الله وسوا لي العرس بفندق محترم ووداني في شهر العرس تركيا نفس ماكان خاطري صج كنت مترددة اخذه لاني شغلي وشهادتي احسن منه بس انا حبيت امه من اول ماشفته الله ايخليها لي اتحبني وايد لاني اختيارها وعندها غيري كنتين بس ماتحبهم كثري يمكن لانها ماختارتهم وبكره بنروح انسوي حقن مجهري لاني تاخرت في الانجاب ادعوا لي الله ايوفقني واحمل بتوأم قولوا امين
  2. شجعتوني اني اقول لكم كيف انخطبت
    كان اهل زوجي يعرضون عليه اجمل البنات من جماعتنا وكان يرفض يقول ما افكر بالزواج
    المهم كنت عند ناس من جماعتنا وانا خارجه انا وامي من عندهم نزلنا في الشارع وما لقينا ابويا اتاخر اشوي
    ولقينا عريس الغفله اسفل العمارة وعرض علينا المساعده لانه يعرف امي ويعرفني وانا صغيرة في الابتدائي
    وراح سال اخته وامه عني وقال لهم شفت وحده متكفنه بعبايتها مع ام فلان وعلموه اني بنتها وسكت وما علم احد انه يفكر يخطبني
    المهم يقول انه ما نام ذيك الليله يفكر في الزواج
    والعجيب يا بنات اني لمن شفته كنت اقول في نفسي يا رب يخطبني يا رب يخطبني ادعي ابغى اتزوج
    والله ما اتاخر خطبني وربي استجاب دعائي
    واتزوجت لي 18 سنه قولوا ما شاء الله
    واقوله لي اخترتني
    قال دخلتي مزاجي من عبايتك
    علمتكم بقصة حياتي
    ههههههههههه نبشتم عليا فكرتوني بزمان
    من جد في ذكريات حلوة في حياتنا نسينها مع الايام

تابعي تجارب أخرى من هذا القسم.