₪Ξ❤Ξ»¯−_ღ أحلى تجـمع للحوامل الرابطات (ربط عنق الرحم) الـخامس والعشرون ـღ_‗«Ξ❤Ξ二₪

طمنوني الله يجزاكم كل الخير

من امس وانا احس بشي من تحت مدري هي شد الخياطة او الجنين يضغط على الربط
وكل شوي اروح الحمام وكثر التبول عندي
هل تحسون نفس الإحساس ؟
علما أني في اخر الرابع الله يتمم علي وعليكم يارب

مرة الموضوع قلقني مو قادرة أنام واحس بهم الله يفرج علي وعليكم ياااارب

مراحب كروشات عقبال تكون امهات
راح اكتب أكشن ولادتي
انا كان لي في التاسع اياااام اربع او ثلاث وكان تجهيزي للبيبي اي كلام كنت خايفه مرره ان حملي ماراح
يتم علشان كذا ماشريت الازم( فنصيحتي الاولى لكم توكلوا على الله وجنوي كل شئ نفسك فيه للبيبي)
وانا لنفسي ماعرفت اجهز لأني عمليه
ولما صار لي ايام في التاسع رحت لموعدي قالت الدكتوره لازم وضع البيبي يتعدل لانها كانت مقعده
ومن بكره الموعد رحت اجهز الغرفه الي بجلس فيها في نفاسي وحسيت زي الكتمه والطفش وجلست طول ذاك اليوم :icon33::icon33::icon33::icon33:
وبعدها حسيت زي التحجر في بطني ولا عاد حسيت بحركتها ولما جاء ابو الشباب شاف :44: ومورم من البكا قال يا الله المستشفى قلت لا عاد انا صار لي خووووف الايام الاخيره منها المهم رحت قالوا لازم فحص من تحت قلت لا قالوا وقعي على مسئوليتك لو صار لك مضعفات وتحت الضغط وافقت ولما فحصت قالت الربط تمام ولاعليه شد وحطوا لي جهاز الطلق الا فيه طلق وقالوا مافيه خروج لازم الاستشاريه المناوبه تشوفك واتصل على دكتورتي مافيه رد
تصدقون بنات انا رحت بعد المغرب على الساعه سبع لأني مريت قبل المستشفى دنك الدونات واكلت الدونات والكوفي فيه شئ منعي اشربه لو شربت كان تعبت في التخدير
والساعه تسع جت الدكتوره الاستشاريه المناوبه واه واه منها فعصوا بطني قطعوني من شده الألم انا من عادي صبوره ومالي صوت لما اتالم ولما فعصتني صرت ابكي وأقول خليني ابعدي عني ابي دكتورتي وهم يهدون فيني
وعلى السونار وبعدها جهزوني لغرفه العمليات وانا حتى ما استعديت نفسيا للولاده ولا استوعبت ولا جهزت شنطتي لكن الحمد لله من قبل وبعد سويت العمليه بنج كامل لأني اكلت الدونات المغرب والعمليه كانت الساعه عشره في الليل والعمليه والله تعب الله يجرنا
وانا كنت تعبانه قبل العمليه فيني شويه زكمه ولوز يمكن هذا الي تعبني زياده البلغم والكحه بعد العمليه
وأما الحاله النفسيه بعد ما طلعت من المستشفى عدم انا تعبانه زكمه ولوز وعمليه والبيبي زكمت طبعا مني
والجسم صار اسود وبطني ما كني ولدت وجت أخت زوجي اول يوم طلعت فيه تقول تخوفين مره متنفخه ماكنك ولدتي اخاااف فيه بيبي ثاني
وانا هات يا :icon33::icon33:
والحين أبشركم احس أني احسن بكثير حتى جسمي خف عن اول كثير
مع اني احس اني :35: خربانه لأني أهملت نفسي
وسلامتكم هذي أكشن ولادتي مع الأخطاء علشان تستفيدون منها ولا تكررونها
وعقبالكم بولاده سهله ميسره  

وسلامي لجميع الكروشات رفقات رحله الحمل والقلق والوسوسه
والله اني ادعوا لكم من كل قلبي واول ما شفت بنتي بين يديني دعيت لكم الله يتقبل الدعاء
وسلام خاااااص للغوالي هند وحنيني وبلابل وجننتوني وامي وبنت المالكي وسيسوما
والجميع في هذا التجمع غالي علي

هلا وغلا اختي رمووووسه ..


منورررره التجمع وحشتينا حيييييل



يالغلا إن شاء الله تطلعين من النفاس احلى عروس


يسلمووو كثيرر يالغلا على النصائح



والدعاء .. الله يعطيك العافييه تقديري لشخصك


الكرريم ..

مساء الخيرات يا حلوين
كيفكم وشو أخباركم طمنوني عن اوضاعكم
اللهم لك الحمد كما ينبغي لجلال وجهك وعظيم سلطانك
اليوم دخلت في الشهر السادس عقبال التاسع لنا جميعاوالحمدلله كشفت البارحة أوضاعي تمام رغم ان الاسبوع اللي فات انخفض عندي الضغط واصبح ملازمني الانخفاض كل يوم بس الحمدلله
طبعا سألت الدكتورة عن الحركة والمشي والدوام قالت عادي مافي اي ضرر على الربط اهم شي الالتهابات
فنصيحة يا بنات لا تحبسوا أنفسكم اطلعوا وغيروا جو بس طبعا اذا حسيت بتعب او إرهاق ارتاحي شوي ترى قعدة البيت تجيب الاكتئاب والوسوسة
والله قد ايش كنت خائفة من الدوام وموسوسة والحمدلله مرت الايام بسرعة فالله يديمها علينا من نعمة ويتمم لنا ع خيييير
اختي وحبيبتي لحظة حلم الله يؤجرك في مصيبتك ويخلفلك خيرا منها فاصبري وأحتسبي ان شاء الله شفيع لك يوم لا ينفع مال ولا بنون
اختي سيسوما فينك طمنينا عنك ان شاء الله تمام
اختي تفاحية الف مبروك والله يقر عينك بشوفتها وهي عروسة
باقي الكروشاات أخباركم