يدا بيد لنغيير سلوكنا التربوي مع ابنائنا

ماشاء الله تبارك الرحمن ....موضوع جدآ رائع ويحوي الفائدة بين طياته

ادرجتي اهم النقاط في التربية التي من المفترض تطبيقها بشكل يومي من خلال تعاملنا مع صغارنا

تفهم شعور الطفل واحاسيسه
وحسن الانصات والاستماع اليه كشخص مستقل فاهم
وتركيز النظر والذهن اثناء التحدث معه

يعطيك العافية ووفقك واعاننا على حسن التربية ..

الى الامام ياغالية...

اعتذر منك حبيبتي فانا لي فتره وانا خارج المملكه والاستشاري الي استشرته غير متواجد في المملكه .. ياليت سكان الرياض يفيدونا

فكره رائعه... كل وحده تكتب شخصيه اطفالها

شخصية الطفل:
مميزات وسلبيات طفلك
االاسباب التي تجعل طفلك عصبي::
الطرق التي تخفف من عصبيه طفلك : يعني طرق انتي استخدمتيها ونفعت مع طفلك انتي

ناتي بالنسبه للام:

ماهي الاسباب الي تخليك تعصبين على طفلك:
ماهي الاوقات الي غالبا تكونين معصبه فيها

كل وحده تكتب هذه النقاط حتى تتعرف على نفسها وطفلها .. وتساعد نفسها تحل مشاكلها بنفسها ..
اذا عرفتي الاسباب راح تبدين تبحثين انتي عن الحلوول بنفسك ..

ومازلنا في الهدف الاول وهي تطبيق النقاط الاربعه الاساسيه التي ذكرتها سابقا ..

اشكر مرورك غاليتي .. وياليت تذكرين لنا تجربتك مع اطفالك في ه ذه النقاط

ابدا بنفسي

مميزات بنتي الكبيره ماشاء الله: ذكيه , شخصيتها قياديه ماتحب تبكي , شاطره , تحب اختها
سلبياتها: ماتحب المساعده في اعمال المنزل نهائيا .. عنيده .. كل حياتها استهبال .. ماتحب الخروج من المنزل .. بطيييييئه وهذا اكثر شي معقدني
الاسباب التي تجعل طفلك عصبي:
الاوامر ( فرشي اسنانك _ اذهبي للنوم .. الخ) او غصبتها تسوي شي مثلا سكرت التلفزيون حتى تنام ..
الطرق الي استخدمتها لتقليل العصبيه:
القصص واكون انا البطله او احدى اخواني ( مثلا اذا صارت ما تبغى تنام ااقولها يوم كنت صغيره وكانت امي تقولي روحي نامي وانا كنت ما ابغى وازعل وبعدين اروح للمدرسه وانا مانمت كويس وكل البنات مبسوطين وانا تعبانه واقول نتايج النوم المتاخر بالقصه
القوانين علقنا لوحه فيها قوانين واذا خالفت القانون فيه 3 انواع عقاب ( بس بنتي ما يهمها شي عادي احرمها من طلعه او لعبه او اي شي الا الالكترونيات)
االاسباب الي تجعلني معصبه
انا سبب عصبيتي كلها الوقت : مثال تاخرت ما نامت .. من يوم تقوم الصباح الى ركوب السياره للمدرسه تاخذ ساعه ونص والله تتعب نفسيتي هي مرره بطيئه وماتسوي الشي الا اذا عصبت عليها .. اذا كنا معزومين بنطلع لازم اتاخر وهي السبب ..
يعني اغلب اسباب عصبيتي الوقت ... خصوصا الوقت الحين يمشي بسررررعه احاول ابدا بدري بس مافيه فايده