كيف انظف بيت أهل زوجي

ساعدوني يا حريم
أنا ساكنه مع أهل زوجي وماني لاقيه راحتي بالبيت ماأقدر أنظف غرفة ام زوجي أخاف يقولون شايفه شي أو يفقدون شي ولا غرفة البنات البنات صارو طولي ولا حمامهم الله يعزكم مايصير.... ما أنظف إلا الصالة والمطبخ والمجلس والأسياب(الممرات) وما أقدر أغير فيهم شي أخاف ما يعجبهم ذوقي لأني أحب البساطة والعمليه وهم يحبون الزحمة والفخامه والمشكله يشكون مني ومن أهمالي بالبيت وأنا موظفة أشتغل من الظهر ألى الساعة تسعه
وغير كذا ما أشوف زوجي ألا الساعه تسعه والصباح ابي أنام و أنا وزوجي نسهر مع بعض في الليل هذا غير بنتي الله يصلحها تصحى في الليل عمرها تسع شهور
وغرفتي الله لا يوريكم حوسه فيها المطبخ والمعيشه والمخزن والنوم (أنا شقتي أوضه:44:)
أبي جدول أرتاح فيه وأقوم بالبيت كامل ووقت لزوجي ولبنتي وأهم شي غرفتي ابيها تترتب مو عارفه وش أسوي بأغراضي أنا وبنتي وزوجي وخصوصا بنتي كرسيها ، سريرها ، عربتها (المشايه) ، ملابسها وخصوصا أن أخوان زوجي صغار وأشقياء أخاف أحطها بالمخزن يكسرونها علي وأنا أبيها للمولود الثاني حرام باقي جديدة
قولولي ويش أسوي؟؟؟؟
بالله عليكم اللي تقرى موضوعي تدعيلي أنقل في بيت وأرتاح

78 تعليق 16,776 مشاهدة

شاركي في النقاش

سجلي الدخول لإضافة تعليق.

التعليقات

76
  1. @am_alamyrtyn_1_1

    ماشاء الله عليك تفكرين ببيت اعمامك وعندهم بنات سوري نقطه حمراء !!!

    الشي الثاني انا بعد اخواني ما تزوجو بس اذا زوجاتهم بيدلعون اختي وتعتمد عليهم ماراح ارضاها ابد
    هي كذا كذا معتمده على امي والشغاله ماجات الا بعد هوشه واشوفها حتى بعد جيتها من المدرسه على طول اغراضها
    بالارض وهي بالثانوي من جد شي محزن ومؤسف بنات هاليومين! !
    بنتي بثاني ابتدائي وربي اني يدي بيدها واشجعها باللي تسويه واعطيها محفزات ومكافئات لانها صغيره
    ومابيها تكره الشغل ابيها بس تحس بالفرق بين النظافه والوساخه
    والشغله الاخيره حبيبتي غرفتك صدقيني متى ما لقيتي رفوف بالغرفه لرفع اغراض بنوتتك ودولاب خاص فيها راح ترتاحي
    لان اشوف نفسي غرفتي مرتبه وبعد ما اولد واجيب سرير البيبي وحوساتهم تتغير الغرفه ومعد الاقي وقت لترتيبها
    واخر شي جبت دواليب زي الرفوف تلاقيها على ميه خذي ثنتين وراح تحسي بالفرق ودمتي بالف خير
  2. @am_laryn2012

    الله يعينك
    شوفي لاترتبين غرفهم حدك الصاله والمطبخ
    وبعدين انتي عندك مطبخ لك صح
    يعني مومجبرة ترتبين لهم كل يوم
    كلي مع زوجك في غرفتك
    ولاطلعتي اكلتي معاهم رتبي
    اما انك تشتغلين وهم جالسين لا والف لا
    حتى اخواته نظمي جدول لك ولهم
    واسال الله ان ربي يرزقك البيت الحلال والراحه النفسيه
    والا خذي شغاله وارتاحي
  3. @alhzyn2011

    نفس حالتي غرفتي عبارة عن غرفة نوم مع معيشة مع مطبخ مع كل شي الله يفرجها ومع اغراض البيبي يا سلام
    وبالنسبة لتنظيف بيت اهل زوجك قد ما اشتغلتي رح يقولو مقصرة لهيك لا تفكري كتير
    الله يزرقك ويرزقني بيت مستقل
  4. @llhla_tofy

    صاحبة الموضوع
    الله يعطيكم العافيه على الردود من جد حسيت انكم حاسين بمعاناتي لأني من جد مهما أسوي أضل في عينهم مقصرة وعلى فكرة أنا ما عندي مطبخ مستقل عندي كرتونصغير تحت التسريحه فيه أشياء بسيطه قشطه على جبنه على زيتون نواشف يعني مع ثلاجة صغيرة فيها عصير ومويه إذا جعت في الليل آلاقي شي أكله وما أضطر أسمع كلام طالع نازل
  5. معليش اختي الله يجزاك خير ع الي تسوينه بس انتي مو ملزومة تنظفين لهم بيتهم انتي زوجة ولدهم مو شغالتهم عليك بغرفتك وحمامك والمطبخ عادي ساعديهم لو كنتي فاضيه اما حماماتهم وغرفهم هذي مسؤليتهم والصاله للكل حتى هم المفروض يرتبون ويحسون بالمسؤليه معك

تابعي تجارب أخرى من هذا القسم.