شاركي في النقاش

سجلي الدخول لإضافة تعليق.

التعليقات

69
  1. @hoobh

    صاحبة الموضوع
    العصفوورة
    سؤال يا اختي بكل مشوار لك يسوي نفس الحركه ..!! وطالما خايف عليك ليش يروح وراكم بالدس..!!!! ومثل ماقالت وحده من البنات اذا دخل الشك حياتكم فالله يكون بعونك
    هو كان يسويهااا من مده شكله الين شفته يوم بوجهي تو طالعه من باب البيت
    الا هو جاااي مسرع ويلف وانصدم شافني تو طالعه وشفت وجهه بوجهي وصد
    انا يوم رجعت البيت دقيت عليه وقلت له بسألك وجاوبني بصراحه انت جاي و و و
    قال لا وين جاي ماجيت ولاشي مع انه قايل لي قبل اطلع ترى بروح مع ربعي !!
    والله اذكر كلامه الساعه تسع انصدمت كيف مع ربعه وجاي لي هالوقت !!
    ومن بعدهاااا اقوله بطلع وكذا اول مااركب السياره يرسل وينك ؟
    اقوله بالمكان هذا متوجهه وكم مره كذاا انا مدري انه يجي وراي
    الين واجهته وقااال لي انك مره رايحه المكان واشوفك نازله وبعدين مشيت ومره مع امك
    ومررره مع اختك والين شوي شوي حطيت عيوني بعيونه وسألته بذمتك انت جااي البيت ذاك اليوم!!
    نزل راسه وقال اي جيت قلت له ليش ماقلت لي بوقتها قال خفت تفهميني غلط !!!!!
    قلت له طيب ليش قال انا خااايف عليك ومقدر اتحمل لو احد يسوي لك حركه شي مدري وش بسوي
    اقوله طيب انزل معي حتى لو رحت مع السواق انزل معي المحل او اي مكان يقول مقدر
    اخاااف يصير شي احد بس يطالعك او حركه مامسك نفسي
    وبعد ماواجهته صاررر يقولها بوجهي مريت وانتوا واقفين مرتين والين اقوله رحت البيت
    وبعدين يرجع هذا كل اللي صاررررر
    انا اللي فهمته انه يحبني ويغاررر ومن غيرته صاررر مجنوون مدري وش هالحاله وصلت للشك !!!!!
  2. @anaml_naaamh_2

    هووبه
    ياعمري انامل ناااعمه والله كلامك حسيت صفعه على راسي يعني صحاني طيب ابغى اسوي شي اخييير اتأكد منه خطه او حاجه من نفسي عشان اواجهه عدل ولآخر مره تصدقين اول مره احس بشعور مخيف مرررره وكنت حلمانه من شهرين بحلم وفسرته اني راح اكتشف انه له وجه ث…
    حبيبتي الشك هذا مرض
    صعب علاجه
    حتى لو قالك انا واثق وحاول انه مايراقبك
    اي تصرف لك راح يفهمه غلط
    بيظل يدور على الوجه السيء لحركاتك
    يعني اذا دق عليك رقم غريب بيعيشك بتوتر ليش دق
    ومن اللي دق
    وكذا
    لو طلعتي مشوار مع امك مثلا لغرناطه وبنص الطريق غيرتو رايكم ورحتو العثيم
    ودق وقالك انا بغرناطه وينك
    وقلتي انك بالعثيم راح يقلب الدنيا
    وبيقول انك تلفين وتدورين
    وبيظل يراقب تلفون البيت
    قريبتي عانت من زوجها وعاننينا معها
    صار يراقبنا معها
    وصرنا للاسف مانبي نروح معها مكان لانه يلاحقنا ويحاسبها على تصرفاتنا احنا ونقلل مكالمات نخاف انه يسجل مكالماتنا يتسمع عليها


    وشي طبيعي اذا سألتيه تقولين له تشك فيني بيقول لا
    بس شوفي كيف نظرته سيئه عن كل الحريم
    حتى مرت اخوه اللي مفروضلو فها شي يستر عليها قام يقول تطلع ومدري ايه
    صراحه لازم لازم تقولين لابوك عن حركاته
    وشوفي وش يقول
    طبعا اذا ابوك انسان متفهم


    ياعمري زربي حاسه فيك
    وماكان ودي اقولك هالاشياء
    بس والله ذي الحقيقه
  3. @hoobh

    صاحبة الموضوع
    لا ياقلبي اناامل نااعمه كلامك خلاني افكر عدل وبالعكس ماقصرتي الله لايقصر بيومك
    استفدت منك ومن اللي ذكرتيه نورتيني كنت غافله وحبه عماااني
    بس تمنيت اسوي اي حاااجه اخيييره عشان خلاص اتخذ قرار نهااائي
    وبالنسبه للوالد الله يرحمه :( مافي الا اخوووي اتفاهم معاه


    وترى صحيح بالنسبه لكلامك لو غيرتوا الطريق هههههه اه شر البليه مايضحك
    تدرين قبل يومين والله قلت له بروح محل سعد الدين وامي معي
    قالت بروح البنك وراحت امي وطولت بالبنك وبعدين ارسل لي وينك قلت توناااا امي بالبنك
    قال تاخرتوا على بالي رجعتوا البيت انا مريت مرتين سعد الدين ماشفتكم
    مدري ابكي والا اضحك على حظظظظي وهو يوم شافني عادي صار يقول لي عينك عيني اني وراك
    هو مايبي ازعل انه يشك بس تأكد اني فاهمه انه خااايف علي والله اعلم بنيته هو ايش
    بس وااضح شك لاني استرجعت اشياء كثيييره من خلال كلامه والقصص اللي يقولها
    بس بعرف اللي مريض بالشك او مثل حالته في كل البنات يشك او بس انااااا :( جاتني عقده وربي
  4. كل كلامك عنه يدل على انه شكاك وخاصة موقفك الاخير حق سعد الدين
    الحين هو مايقدر يوضح لك ولايتصرف معاك بتصرف اكبر من كذا لأنك لسه في بيت اهلك
    لكن لو اتزوجتيه وصار هالموقف ثاني حتكون ردة فعله حاجة ثانية
    زوجك شكاك لكنه اما انه خواف يعني لو لقى منك حزم وشدة بهالموضوع ووقفتيه عند حده بيمشي عدل ويبطل هالاسلوب
    او انه ذكي يعني ماكشف اوراقه كلها
    وماحيكشفها الا بعد الزواج تكوني تحت حكمه وتصرفه
    بس نصيحة اتكلمي مع اخوك وفهميه كل شي
    شوفي وجهة نظره
    واستشيري طبيب نفسي في هالموضوع
    وشوفي لو في امكانية تتعاملي معاه
    وعليك بالأستخارة وربي يكتبلك اللي فيه الخير
  5. @anaml_naaamh_2

    أولادي أغلى ماعندي
    كل كلامك عنه يدل على انه شكاك وخاصة موقفك الاخير حق سعد الدين الحين هو مايقدر يوضح لك ولايتصرف معاك بتصرف اكبر من كذا لأنك لسه في بيت اهلك لكن لو اتزوجتيه وصار هالموقف ثاني حتكون ردة فعله حاجة ثانية زوجك شكاك لكنه اما انه خواف يعني لو لق…
    للاسف ان اغلب اللي يتزوجون رجال فيهم مرض الشك هذا
    يكون من النوع الثاني اللي قلتي عنه
    مايقدر هو الان يتحكم فيها وهي ببيت اهلها
    بس اذا صارت زوجته وهو ولي امرها كل شي بيتغير
    وترى ياقلبي هو يشك باي حرمه مو بس انتي
    واخواته يمكن مايبون يقولون لك من اللي يشوفونه منه

    والله بعض البنات تبي اخوها يتزوج باللي هي به عشان ينشغل عنهم باحد ثاني

تابعي تجارب أخرى من هذا القسم.