هل لي حق ازعل او لا

ابدخل بالقصه على طول
قررت اعتزل اهل زوجي تقلون ليش لان بعد اي اجتماع اجلس ضايق صدري لان اي اجتماع رحنا شرينا اثننا هم واقاربهم وانا زي الاطرش بالزفه ماغير مسكته
غصب عني اقارن لان راتب زوجي ازين من رواتب ازواجهم وزوجي مو بخيل بس يعتبر هذي الاشياء كماليه مثلا مره اشترى ستائر للبيت كل وحده تختلف عن الثانيه وسكت وليتها ستاره قماش لا استاره زي حقات المطابخ وجت اخت زوجي قالت هذي تحط بالمطبخ طبعا فشلت قلت اخوك اللي جايبها والحين صالتي تبي ستاره وطاوله وقلت له قال انا اجيب زي الستائر الاولات قلت لا فشلتني عند اهلك وقلت الطاوله قال لا وتخيلو ودي بساكو يقول لا قولي وش تبين وانا اجيبه حتى ايكيا
يقول لا والصيدليه النزول لها ممنوع يقول لا وقلت فلانه وفلانه كل مكان يروحون له قال هذولا خبلات قلت ليتني مثلهم خبله بس استانس
والحين متزاعلين لاني ودي مثل الخلق اروح واجي واثث المشكله اني عباتي ساتره وقفازات وبدون نقاب وعباة اسلاميه ليش ماينزلني
حتى عيالي يصحون يبون ايبود وسوني ووو
حتى المنتزهات البر الشاليهات يقول ليش ماله داعي يعني مافيه اي رومنسيه واهم شئ اهله يعني نبي نروح للبر اخذ اهله اخذ شاليه جاب اهله وخواته المتزوجات يعني مافيه اي رومنسيه تعبت ودي مثل الناس
يقول هذي ماله داعي والمشكله عيالي يشفون عيال عماتهم وينقهرون ويجون لي يبكون يقلون نبي زيهم اقول روحوا لابوكم يقولون ابونا يقول لا

17 تعليق 1,643 مشاهدة

شاركي في النقاش

سجلي الدخول لإضافة تعليق.

التعليقات

16
  1. @agml_goryh

    ماعليك منهم نص كلامهم كذب بس يتمدحون عند بعض >>>ما أبغى أظلمهم بس هذا واقع الحريم يتغايرون بشترينا وما شترينا حطي أذن طين و أذن عجين وريحي راسك و أما زوجك الله يعينك حاولي معه ولا تيأسين وشوفي الطريقه الي تناسب معه إذا طلبتيه يوافق يعني يوافق بالكلام الحلو أو رومنسية غرفة النوم أو الزن والحن على راسه لين يطفففففش ودام راتبه زين خليه يعطيك مصروف شهري ودلعي نفسك وبيتك وعيالك و أشتري ألي تبين والله يسهل أمرك
  2. @alham_2009

    خيير مايوديك معه قوليله لييش انا عار علييك
    وقوليله هات طالبتنا احنا مو اقل من غييرنا
    لاتكسر عيالك
    اذا ماجبتلنا ووفرت لنا اللي نبيه مين يوفرها لنا ؟؟

تابعي تجارب أخرى من هذا القسم.