رايكم في وظيفة العسكرية للنساء

لا عاد وشفيكم شرطيه
والله لو يعطوني ١٠٠٠٠ مااقبل اتوظف شرطيه

توك تدرين؟! من زماااان فيه عسكر نسائي
مو بس في التفتيش في المباحث والمداهمات والمخدرات ... الخ
يعني في جميع أقسام الأمن العام
ورواتبهم عالية وحدة راتبها أول ما اتوظفت فوق السبعة هذا
قبل الزيادات ومكرمة الملك
المشكلة مجتمعنا يرفض هذي الوظايف بسبب الإختلاط سواء بالعسكر
أوبالنساء الخارجات على القانون

اي بس من يرضى نروح عالحدود
ياليتهم يوظفونا بالامن العام شرطة عالاقل مشاكل الحريم
نعين ونعاون ياناس

وحده اعرفها تشتغل في المداهمه مع زوجها يعني لما يداهمون البيوت ويكون فيها حريم لازم يكون معاهم حرمه عشان يقدرون يدخلوون وماشاءالله رتبها فوووق8000وتقول انها فبيتها بس وقت المداهمه تروح وحيناً تجلس شهرين مايجيها شغل

يعني مافيها شي وتمنى اني في مثل وضيفتها بس المشكله يبيلها وحده قويه وقلبها جامد

حبيبتي طبيعة الانثى عاطفية فالاكيد وبدون شك ان زي هذه الوظائف صعب تناسب طبيعة الانثى فمثلا تجي لها مهمة في اخر الليل وتروح تفتش والله بالنسبة لي احس صعب وفيها خوف شديد بالذات اذا المهمة عن مخدرات يعني فيها خطورة بس عادي للي يسمونها في مجتمعنا مسترجله يعني شديدة وهم قلة في مجتمعنا لانه مجتمع محافظ

وفي الاخير هذا الموضوع عائد على قوة التحمل وربي يرزقنا من واسع فضله