يدا بيد لنغيير سلوكنا التربوي مع ابنائنا

مشاركة الأصلية كتبت بواسطة أم نوف ونايف فكره رائعه... كل وحده تكتب شخصيه اطفالها

شخصية الطفل:
مميزات وسلبيات طفلك
مميزاتها((هاديه نوعا ما-حنونه-تحب المشارركه في كل شي بحياتها-مسالمه-))
سلبياتها((عنيده -استفزازيه بشكل كبير-اي احد يحسسها بالحب فتره طويله وتشوف تعلق فيها تصد عنه بطريقه ملفته وبالمقابل اذا تاكد انه في احد مو متقبلها تتقرب منه بشكل منفر جد وتاخذ ع راسها دايم وتوصل للضرب منهم بس ماتتوب))
االاسباب التي تجعل طفلك عصبي:
مثل ماذكرتي وقت النوم اكثر شي:
الطرق التي تخفف من عصبيه طفلك : يعني طرق انتي استخدمتيها ونفعت مع طفلك انتي
الفتره الاخيره صرت اجلس معاها وقت قرات الاذكار ونجلس نراجع السور الي حفظتها والحمدلله تنبسط

ناتي بالنسبه للام:

ماهي الاسباب الي تخليك تعصبين على طفلك:
ماهي الاوقات الي غالبا تكونين معصبه فيها
لما اكون ع النت ومركزه في موضوع معين ومايخلوني اركز
اذا كان وراي زياره اتنكد بسب سلبيات بنتي الي ذكرتها سابقا

كل وحده تكتب هذه النقاط حتى تتعرف على نفسها وطفلها .. وتساعد نفسها تحل مشاكلها بنفسها ..
اذا عرفتي الاسباب راح تبدين تبحثين انتي عن الحلوول بنفسك ..

ومازلنا في الهدف الاول وهي تطبيق النقاط الاربعه الاساسيه التي ذكرتها سابقا ..


نسيت اضيف اهم سلبيات بنتي كسوووووووووووووووووووله جدا جدا طبعا الصفه وراثه مني وللحين ماغيرتها وهي سبب اساسي بكل شيء سيء بحياتي وانقهر لما اشوف بنتي نفس اسلووووووبي

بنتي عمرها ثلاث سنوات متعبتني بشي واحد تضرب الاطفال ابغى حل بليييز

الحمدالله لي يومين تقريبا مسيطره على الاوضاع تمام..

قل الصراخ بشكل فعلي ..

اذا جت تكلمني بنتي اترك الي في يدي واتكلم معها .. طبعا انبسطت البنت كل شوي جايتني ماما ممكن نتكلم ..

في الليل يوم جت تنام جلست كلعاده تقول مااابغى انام .. ومالعبت ولا سويت شي خصوصا بنتي تجي من المدرسه متاخر مره .. استخدمت النقطه الرابعه وهي استخدام الخيال.. قلت لها يا ليت عندي عصا سحريه اقدر اغير الوقت من الساعه 9 الى 5 ويصير عندك وقت اكثر ححتى تلعبي.. مرررره عجبتها الفكره وجلست تقولي ياليت وايش رايك نتنكر فيري وحلست تسولف ومتحمسه بدل من الصياح والاوامر .. بعدين قالت مستحيل يصير هذا الشي.. ودخلنا في موضوع الجنه وانا كل شي في الجنه تقدرين تسوينه اي شي تبغيه يجيك من غير لا تتحركي .. وحمدالله كان يوم رائع ومن بكره صحيت مروقه للمدرسه ..

امس بالليل اشتريت لها قصه جديده وهي ماشاءالله تحب القصص القراءه .. وانبسطت وقلت لها توعديني اذا قريت القصه ماتطلعي من الغرفه حتى تنامي عشان بكره اعطيك قصه جديده .. والحمدالله مر الموضوع بسلام ..

بس اليوم الصباح تاخرت مررررررررره وهي تلبس وتفطر طبعا خلص طابور المدرسه بس حاولت امسك اعصابي حتى مااعصب ..

وقررت نصحى ساعتين قبل موعد خروجنا من السياره حتى ما اتوتر ولا اعصب ويكون عندنا وقت كافي ..

هذا بالنسبه لبنتي الكبيره ..

بالنسبه لبنتي الصغيره الوضع اصعب عمرتها سنتين ..

لسه صغيره ماتتكلم وبس تصيح ... وانا الصياح مره ينرفزني... واعطيها اي شي بس عشان تسكت .. وطبعا هذا اكبر خطأ..

حاولت اليومين هذي اتكلم معها بصوت مرررررررره واطي.. حتى هي ترد علي بنفس نبرة الصوت ...

مميزاتها: لسه صغيره مو واضحه شخصيتها بس تحب الاعتماد على نفسها بكل شي .. مرتبه .. اذا كانت اختها مو موجوده ماتزعجني تلعب مع نفسها ..

سلبياتها : دلوووووووعه كل يومها صياح ... ماتحب المشاركه ... مره تغار من اختها ..

كنا نستخدم اسلوب جدا خاطئ وهو يمكن سبب عدم حب المشاركه .. كانت ما تاكل الا اذا لعبنا. كاني راح أأكل اختها ونلف الملعقه عليها وهي الي تاكل ..

خلاص بطلت هذه الحركه بس مازالت لا تحب المشاركه وراح احاول اغير هذا الطبع ..

طبعا اهم شي تناقشت مع زوجي مع النقاط الي نمشي عليها والحمدالله زوجي ماشي معي بالموضوع ..

ياليت تقولون لي يومياتكم

اهلين حبيبتي ..

اهلا وسهلا فيك معنا .. وياليت تقولي لي يومياتك بعد تطبيق النقاط ..

والله الحمدالله انا صرت انام مرتاحه على الاقل ما يانبني ضميري بعد الصراخ طول اليوم ..

جربي النقاط خصوصا بنتك ماشاء الله كبيره راح تقدري تتفاهمي معها