ملف العمل بالاسباب لانجاب الاشبال ~~تجارب ناجحة وتباشر فرح باذن الله

بنات الله يرضه عليكم صاحبتي بلمطار واريد اوصيها تجيبي حبوب منشطه للبويضه مو الكلوميد الثانيه الي تقولون زينه ماتقسي البويضه بس نسيت اسمها والبنيه تريد تسافر لان هنا مايطوني الا اجيبها من دوله عربيه اترجاكم الي تعرف اسمها تكتبلياه

هلا حبيبتي تدرين انا مسافره وما اقدر اشبك الا عالوايرلس

بالنسبه لخلطة العسل تاخذين عسل دوعني ملكي أصلي أصلي أصلي ميه بالميه لان يكون خالي من السكر وصافي وخلي يخلطلج معاه جنسنغ وغذاء ملكات النحل بعدين ماتخلطين العسل تشترين من العطار حبة البركه الأصليه يكون شكل الحبه بيضاوي وتاخذين ثلاث ملاعق أكل من حبة البركه وتجرشينها جرش بالمطحانه مو طحن لا بس جرش وتخلطينها مع العسل

بعدين تسوين عصير الفلفل البارد تاخذين ثلاث حبات حجم وسط وتحطينهم بالخلاط وتصبين فوقهم شوي ماي وشغلي الخلاط لغاية مايذوب الفلفل ويصير سائل حطيه بعلبه زجاج وخليه بالثلاجه وكل إسبوع تسوين عصير فلفل جديد ويمكن كل اربع ايام عادي احسن عشان يكون فريش



الطريقه من أول يوم الدوره تبتدين لمده ثلاث دورات متواصله ماتقطعين ولا يوم والدوره الرابعه باذن الله تابعي التبويض مع الدكتوره وطول الفتره تسوين عزل مايصير حمل طول ثلاث شهور


الخلطه تاخذينها مرتين باليوم الصبح وبالليل ويفضل بعد الأكل بساعتين تذوبين ملعقة الأكل الكبيره من العسل وتذوبينه بنص كوب ماي دافي بعد مايذوب تاخذين من عصير الفلفل البارد مقدار إستكانة الشاي إما تشربين العسل بروحه وبعده تشربين عصير الفلفل البارد وبحال ماتحملتي طعم الفلفل البارد بعد ماتذوبين العسل صبي فوقه عصير الفلفل البارد اللي بالاستكانه عشان ماتحسين بطعم عصير الفلفل البارد لان طعمه شوي الله يديم النعمه



ملاحظه اكلي كل يوم سبع تمرات عالريق مع الدعاء والاستغفار وفالج أحلي توأم أولاد وبس وأي سؤال أنا حاضره

حبيبتي أعتقد إسمهم إذا ما خاب ظني النولفادكس وسوي سيرج بقوقل وتأكدي من الاسم

مسااااء الخيير

هلا رسل
مساء النور والسرور

ام ساره منوره السعوديه
انتبهي لنفسك من البرد