رجعتي 1 و 2 او 3 او 4 ماكتب ربي لك الحمل

السلام عليكم اخواتي

فكرت كثير قبل ماكتب الموضوع بعدين قلت خليني افيد خواتي وقول لهم اذا ربي ماكتب ماراح تحملين

انا جربت الترجيع بكل العدد ولاصارحمل التزمت الراحه بحذافيرها ولاصارحمل والادويه والمثبتات بنفس الساعه وماكتب ربي الحمل كذلك درجه الانقسام جربت وربي ماكتب لي الحمل


اقول لكم قبل حملت حمل ولااكتملت فرحتي لان دكتور قال اقطعي المثبتات وطاح وشفته بعيني بعدغباء مني صدقت الدكتور شربت قرفه واخذت ادويه اخذ يومين طاح مازاد لي المثبتات ولا قال التزمي الراحه وانا محلله في اليوم 11 طلعت النتيجه 35 ولاقال عيدي التحليل على طول اتركي المثبتات حمل ضعيف وصدقته لاتصدقون الدكاترة الاغبياء


ومن بعد كذا صرت احرص على نفسي ولاتحرك ولاتسبح والاكل المطلوب التزمت فيه ومع كذا فشلت توني مخلصه من عمليه فاشله الخامسه

اما في حملي السابق اتحرك واكل من برا واشرب قهوة والشاي وحمد لله صار حمل

اذن نتوكل على الله حق التوكل وناخذ بالاسباب بعتدل من غير تشديد


لو اعيد عمليتي راح اتحرك وغسل شعري وسوي كل شي وياليت اخواتنا اللي من الله عليهم بالحمل تفيد اخواتنا ان الحركه مطلوبه