أهلين أخواتي..
مالي بالمقدمات...
اعتبروني اخت لكم الله يخليكم واعطوني الحل المناسب..
ممكن تعتبرون مشكلتي عاديه لكنها مرررررررررره مؤرقه لي وتعبت بسببها..
وهي (أهل زوجي)
مدري كيف ابدأ ...بس أنا لي 3 سنوات متزوجه تقريبا وكنت أول زواجي أستحي بشكل ماتتخيلون باليالله أرد وأتكلم
وكانت أم زوجي وخوات زوجي يسولفون معاي بأشياء خفيفه وتعليقات مالها داعي وتدخل بأشياء كنت وقتها اسلك لهم وكنت أرد بإبتسامه وكلمه وكلمتين وبس وكنت أحيانا أجي متضايقه من زوجي نكون اختلفنا قبل لانوصلهم وأنا في منطقه تبعد عن منطقتهم تقريبا 3 ساعات فيبين في وجهي...
وألحين تعودت عليهم شوي وأحاول أسولف وودي بالوناسه والصجه لكن صاروا لاجيت يسكتون مايسولفون وأنا دربت عليهم أجيهم فاكه كشرتي ومبتسمه لكن اول ماأدخل يسلمون كيفك وكذا وبس صمت مطبق اذا سولفت سكتوني بكلمه وايه حلو جد والله كيف.......الخ :44::يعني مجامله فقط ...
ولا يمكن يفتحون سالفه وياي وتغيروا علي بقوه والله أنا ماأمدح نفسي أكره المشاكل واللي يشرهون بأقل كلمه ويزعلون اسمع كلمه من هنا وهنا لكن قلبي مسامح وشفاف احاول انسى مااحب يكون بيني وبين احد مشاكل وخلاف
والله بحكم بعد سكني ولاني مابعد خلصت دراسه صرت ازورهم قليل كل شهر مره
ومستحيل ادخل ويدي فاضيه لازم اجيب شي اسوي معاي شي مايخرب بطول المسافه او اشتري من افضل واحلى الحلويات والله ماامدح نفسي لكن عشان تفهموني
قبل شهور تعبت تعب الله لايعيد ذيك الايام شفت الموت بعيوني وسواس وأمراض وتعب روحي وعين وحسد.......الخ الله يكفيكم شرها كرهت حياتي مشاكل مع زوجي ولا لي خاطر لاهلي ولا صديقاتي ابتعدت عن العالم كله
وقللت زياراتي لهم وكانوا حاسين اني تعبانه لكن ماقالوا شي يعني بسبب تعبي مازرتهم وجلست 4 شهور واحسهم بهذي الفتره يحسبوني ماابغاهم
وصلب المشكله اني كرهت اروح لهم والسبب هم:(
اسولف مايمشوا بالسالفه معاي مدري سوالفي ماتعجبهم ولا وش السبب؟ بس ساكتين كني مغصوبه اجيهم والله مو حاله كذا..
اسألهم عن احوالهم واخبارهم يجاوبوا على قد السؤال
مستحيل يفتحوا معاي سالفه او يبادروني بسؤال
انا اهم ماعندي سعادتي ماهموني بس ليه تتوقعون اني غير مرغوبه علما اني طبعي ثقيله رزينه اللي يشوفني يقول ماتحكي لكن أحب السوالف والفرفشه لوأحد يبادر بسالفه انفليت وسولفت حبوبه حساسه مره
واخواته هم كبار مو بسني اصغرهم أكبر مني ب9 سنوات
مادري تعبت وكرهت اروح شلون اسولف واكون مقبوله ليه يكرهوني وش سويت انا والله ماأتذكر اني سويت شي ضدهم دايم انصح زوجي بير بأمه ويكون مع اهله وماأحب الأنانيه أبد اذا سولفوا عن سلفاتي يشهد الله اني ماأغار منهم افرح لهم واتمنى لهم الخير مثل غيرهم الحمدلله ربي معطيني مثل ماعطاهم واحلى من كل ناحيه لكن هم طبعهم الا بيخلوننا نغار من بعض لاسولفوا بوحده من سلفاتي يفرطون فيها مدح ويقزون بيشوفون ردة فعلك والقاهم بمجلس ثاني فارطين سب باللي مدحوها ماينمسك لهم سالفه...
ليه كذا وش اسوي عشان ماأشوف منهم مشاكل ولا تصرفات ماتعجبني...
والله صرت اشيل هم لاجيت ازورهم أحب اسولف مع سلفاتي والله أكثر من أخواته مره ينفلون بالسوالف والضحك وأخواته لا يتثيقلون مره ولا يفتحون سوالف مدري يكرهونني ولا مايحبون يسولفون ولا وش السالفه من وجهة نظركم؟؟؟ مره جيت وطول الجلسه قلت بسكت ماراح أفتح سوالف كثيره بجرب والله اني صفر ع الشمال ماأحد يعبرني حتى ام زوجي متغيره مدري ليه بناتها مغيرينها ولا وش السالفه...سكوووووت ولا قلت شي احيانا يقلبونها اني شايفه نفسي عليهم ولاشي غير اللي اقصده ليييييه؟
مدري أدخل زوجي بالسالفه لكن أخاف تكبر وهي يمكن حلها عندكم ...
وودي اقوله عن افعالهم واني متضايقه بس مابي يكون فيه كلام واشياء بيني وبين اهله يكون داري عنها...
الله يخليكم اعتبروني اختكم والامهات الكبار انصحوني اعتبروني بنتكم..
وش اسوي؟؟؟؟؟ مررره قلقانه الاسبوع الجاي بزورهم ومدري وش اغير في نفسي اشوف يتغيرون والسبب مني ولا لا؟
لا تقولون مكبرتهم ومدري ايش ومالهم حق وكذا صح اهم شي زوجي وبعدين امه والباقي بكيفهم....
لكن انا أفكر مستقبلا احب افكر بعقلانيه لأنهم بيكونون اهل أولادي على مدى العمر ومابيي يكون في أي حزازيه بيننا....
الله يارب يفك عنكم ازمات مثل ماتبادرون بمساعدتي بالمشكله..
شاركي في النقاش
سجلي الدخول لإضافة تعليق.
التعليقات
15- سبحان الله اش تبغي بناس بوجهين كويس انك عرفتي طبعهم خلي الوضع زي ماهو عليه وعاشري اللي يدورك ويبغاك
- اعملي المعروف
و اذا زرتيهم خليك مستانسه ومبتسمه و لاتبينين انك متضايقه
مدام انتي ماغلطتي ماعليك من احد
و بعدين يمكن هم سامعين من احد شي عنك انك نقلتي كلام او تكلمتي فيهم (لا قدر الله )
لاتضيقين صدرك ووسعي بالك و زوجك امريه يبر بامه سوي هالمعروف لوجه الله
و اهتمي بدراستك والله يوفقك - حاسة فيك اختي لاني مريت بنفس وضعك وفعلا مثل ماقالت اختي كيتي لاتتعبي نفسك بناس لهم وجهين اهم شي السلام والسؤال عنهم والحمدلله رب العالمين
انت ليش محملة نفسك فوق طاقتها
والله لو اقولك عن نفسي كان تتعجبي كنت اتخاصم مع زوجي عشان خواته لايزعلهم وبالاخير عطوني اكبر مقلب بحياتي
الان لهم 3 سنوت مايدخلو بيتي وزوجي دحين يتشمت فيني يقولي مو هذيلا اللي كنتي تخاصميني علشانهم
الزم ماعليكي نفسك ثم نفسك ثم نفسك ثم زوجك
وانت مااخطيتي على احد
وخليكي واااااااااثقة من نفسك واكرر ياقلبي اثقة ورضى ربي
حطي نفسك بميزان الحلال والحرام واوزني تصرفاتك عليها والله اني اكلمك من تجربة 17 سنة زواج
مر فيها الطيب والمر
وربي يشفيكي ويقر عينك
وسامحيني طولت عليكي - هلا بك يا أنا
والله الملاحظ في هذا الزمن إن الناس ما تتقبل الإنسان الطيب مدري ليه
خاصة أهل الزوج لو شافوا مرة ولدهم طيبة ساووها بالتراب
ما أقصدك إنت لا أتكلم بصفة عامة
تلقيهم إما مسوين ثقيلين
والا رسميين
ويا ليت تجي على كذا لا
أحيانا أو غالبا ما يكفوا شرهم عنها
ماكنهم هم اللي مختارينها لولدهم
المهم نرجع لسالفتك
أحيانا بعض الشخصيات تكون مبهمة
يعني ما يبين عليها إذا تحب تسولف والا لا
أحيانا الناس ما يفهموك
يعني إنت تحبي تسولف وتضحكي بس ما يبين عليك
يبين إنك انطوائية أو مغرورة
يمكن انت من هذا النوع الغامض
خاصة إنك تقولي إنك رزينة
وبعدين كان كل شيء تمام
الين جبت طاري سلفاتك وكلامهم عنهم تغيرت نظرتي لأهل زوجك
إذا قدامك يمدحوهم ومن وراك يتكلموا عليهم
فلا تستبعدي إنهم يتكلموا عليك
ودام علاقتك مع سلفاتك كويسة خلاص خليك معاهم
أخوات زوجك خلي علاقتك فيهم عادية
إذا كلموك تكلمي .. كلمتيهم وما لقيت رد فعل منهم أسكتي
خاصة إنك تقولي ما تشوفيهم إلا نادر
وأم زوجك أكتفي باحترامها والمعاملة الطيبة لها
وزوجك أشوف لو كلمتيه ما راح تستفيدي شيء
غير تفتحي له باب وتنبيه على أشياء مو شايفها
لا تخليهم هم كبير وتعطيهم أكبر من حجمهم
صح إنهم أهل عيالك بس برضو
علمي عيالك احترامهم ومحبتهم
لكن إنت لا تفرضي على نفسك أي شيء نحوهم
خاصة إذا حسيت إنهم مو متقبلينك
والحين الوحدة تفكر كيف تتقي بس شر أهل زوجها إذا مغلبنيها
الله يعينك - طيب يمكن طبعهم كذا مايحبون السوالف ؟؟
كيف يكونون مع غيرك يسولفون والا عادي ؟؟
مواضيع مشابهة
تابعي تجارب أخرى من هذا القسم.