شاركي في النقاش

سجلي الدخول لإضافة تعليق.

التعليقات

13
  1. @dlby

    صاحبة الموضوع
    Hawajs

    مشكورة على هالمعلومة انا بديت من اخر الشعر بس طلع اللي فوق افتح
    وفي المشاغل بدون من فوق ويظبط
    بس اللي ابي اعرفه شلون اطلع اللون اللي ابيه
    وكم لازم اجلس بعد الصبغة السودا؟
  2. @mod_2

    مثل ماقالوا تبدين من اطراف الشعر وتتركينه نصف ساعه بعدين تصبغين اللي فوق للامانه انا قرأته بس ماعمري صبغت
    بالنسبه للون الاسود مايروح الا بسحب لون اوتقصينه فقط
  3. @dlby

    صاحبة الموضوع
    موضة
    مثل ماقالوا تبدين من اطراف الشعر وتتركينه نصف ساعه بعدين تصبغين اللي فوق للامانه انا قرأته بس ماعمري صبغت بالنسبه للون الاسود مايروح الا بسحب لون اوتقصينه فقط
    معقوله لازم قص ؟؟:eek:

    بس انا لي 10 شهور صابغته ومو اسود بني غامق بس طلع لون الشعر اسود:(
  4. حبيبه قلبي شوفي اذا تبغين تصبغين شعرج بلون معين لازم تاخذين افتح بدرجتين من اللون اللي تبغينه ، لان اهم بره بالأول يفتحوووون الشعر وبعدين يحطون الصبغه ، بس احنا ما نفتح الشعر بالأول.


    طيب حبيبتي بالنسبه لأحسن نوع من الصبغ ، انا اصبغ شعري اشقر فاتح فكنت استخدم لوريال اكسلينس ، بس اللون اللي اخذه ما عادو ينزولون منه في الخليج فغيرت لصغبه ويلا ، فإذا ما كنت تبغين فاتح مثلي استخدمي لوريال اكسيلنس كثيييييير حلو وتأثيره مو ضار كثير على الشعر ، وخصوصا انه مثل الكريم اما السبغه العصاره فكثير تضر الشعر ،شوفي هذا الالوان واختاري منها

    http://www.lorealparisusa.com/haircolor/products/excellence/shadeselector/intro/logo.gif

    اذا كنتي تبغين بني اختاري دارك بلوند اشقر غامج ، بيطلع لج بني


    طيب نجي الحين شلون تصبغين شعرج بالكامل ويطلع نفس اللون.

    الله يسلمج بالبدايه تخلطين الصبغه ززززززززين ، يعني حركي العبوه بعد خلط المحتويات فيها زين ليما تختلط الكونات.

    بعدين تفرقين خصل الشعر ، الخصله تكون متوسطه الحجم ، يعني مثلا شفتي خصله الشعر اللي تكون من بدايه شعر الراس لي امام الاذن ، يعني تاخذين من الجانب الايمن لي حد الاذن ، ما توصلين للشعر اللي خلف الاذن ،، ان شاء الله فهمتيني

    يعني تفرقين خصل الشعر بنفس حجم الخصله اللي خذيتها.

    طيب الحين نرجه للخصله اللي خذيتيها ، تقسمينها لثلاث اقسام طوليا وتبتدين بالخصله اللي تحت وتحطين كميه من الصبغ عليها بعدين توزعينها بايدج على هذه الخصله يعني تفركين الصبغه بشعرجليما تحسن الصبغه تخللت بالشعر ، بعدين الخصله اللي فوقها وجذي ، بس اذا وصلتي اعلى طبقه تحطين صبغ بس بكميه قليله ، وكل الشعر نفس الطريقه من تحت لي فوق بس اعلى منطقه كميه بسيطه من الصبغ ، طيب الحين خلصتي تجين لأعلى منطقه وتضيفين عليها الصبغه ، يعني يكون شعرج منسدل وانتي تضيفين الصبغه على الشعر من فوق ومن الامام صوب القذله ووزعي الصبغه زين يعني صوب القذله صبغيه على جبن ومن الخلف ومشطي شعرج بكذا طريقه وحطي الصبغه فيه ، بعد ما تخصلين فركي الشعر ببعضه البعض مثل لما تفركينه بالشااااامبو ، بعدين رفعي شعرج بكليب وانتظري لي ساعتين ، البعص يقول كثير بس انا اشوفه زين عشان الصبغه تتخلل الشعر ، خصوصا احنا الخليجيات شعرنا غير عن الاجانب اهم اخف منا.

    وبعدين لما تغسلين شعرج رشي عليه ماي وبعدين بعد فركيه زين مثل طريقه الشامبو لمده 3 دقايق بعدين غسليه زين بالمااااااي ، لا تحطين شامبو او كريم البسلم اللي مع الصبغه الا لما يروح كل اثر الصبغه ، انا اقعد ربع او ثلت ساعه اغسل بالماي واخلي الشعر قريب من الماي ، لان اذا الصبغه ما راح اثرها تضر الشعر والريحه ومواد كيماويه صعبه ، طيب لما تحسين خلاص ما في اثر للصبغه غسلي بشامبو وشطفيه وبعدين حطي كريم البلسم اللي مع الصبغه وبعدين غسليه (( شرايج اشرح طريقه تنشيف الجسم من الماي بعد ))خخخخخخخخخخخ


    المهم ترى الصبغه ما تبين باول يوم يبغيلها يومين ويطلع لونها زين.

    وانصحج تستخدمين شامبو لوريال للشعر المصبوغ وايد زين خصوصا اذا استخدمي شامبو نفس الصبغه.
    وبس بالهناء والشفااااااء او قصدي عليج بالعافيه خخخخخخخخخخخخخ


    واذا تبغين اي مساعده لا يردج الا لسانج واذا ما شفت طلبج طرشيلي على الخاص وانا حاضره.

تابعي تجارب أخرى من هذا القسم.