..
السلام عليكم ورحمة الله وبركاته ..
البنت من اول يوم زواج تكون خرجت من نطاق الدلع وحنان الاهل لـ نطاق المسؤليه والزوج
لكن هنآ فرق .. بيوم من الايام وبعد زواجى صابني اكتئاب لـ تفكيري انى تسرعت بالزواج واحساسي انه زوجي مو متناسب معى فكريآ ولكن لو رجعنا لقبل كم سنه كنت متلهفه للزواج حتى لو قرد ههههه
وصلت بي مرحلة انى كرهت كل شي تمنيت انى ماتزوجت ..
بعدها جات المرحلة العقلانيه بعد كلام جميل من ام زوجي
الوحده مننا مو لازم تقارن نفسها بغيرها لكل بيت اسرار والزوجات دايم تمدح بزوجها ولاتذكر سلبياته
هذا يخلينا ننطوى اننا تزوجنا او تسرعنا بهذا القرار وانو زوج فلانه يدلعها ويسوي لها وانا زوجي لا
..
نقاشي مع زوجي .
* تتوقع ليه البنت لما تتزوج تنصدم او تجيها حاله غير رضى عن وضعها والمسؤليات عليها ؟
فكان جوابه:
البنت لما تتزوج تتوقع انها راح تعيش مثل الرويات واحلام ورديه
لكن الزواج مسؤليه والى تتزوج لمجرد زواج وهبال احسن لها تبقى ببيت اهلها
وهذا مو معناه انها تهمل نفسها لكن تعطى كل شي حقه الزوج + نفسها + البيت كل شي
لكن البعض وبحسب كلام الرجال الى معى بالدوام بعد كم سنه من زواج واطفال تهمل نفسها وهذا المفترض الشي الرئيسي ماتهمله ..
* صح لكن بعضها مع مؤسوليات اطفالها والبيت وواجباتك ممكن ماتفضي لنفسها وقت لو قليل ؟
هذا الشي سبب كل رجل يتزوج على زوجته او كل زوج خون زوجته مو الكل لكن الاغلب
يعنى مافي مقارنه الزوج يحتاج يحس بانوثه مو ريحة بصل ومدري وش
الحين لو الزوج يكون وسخ او مايهتم بنظافه تلاقين الزوجه تروح تدور حل وتكتب مواضيع ياطولها عنه فمابالك بالانثى رمز الجمال ! ( هههههه ذكر من ضمن المواضيع - ساعدونى زوجي مايفرش اسنانه *
* يعنى لو انا بيوم من الايام صرت كذا بتخون او بتتزوج علي ؟
لا طبعا انا ماحددت الوضع بشكل تام يعنى ماقلت كل يوم اجى ابيها متعطرة وبكامل اناقتها
لكن الى حاب اقوله وكل البنات يعرفونه . عاملى نفسك ك اميرة خصصي لك وقت
يمديها تجهز اطفالها وتعطيهم الاكل + تزين الغدا + شور سريع وعطر هادى
هنا الزوج مايتمنى يطلع من البيت
لكن
ازعاج اطفال + الزوجه نفسيتها تعبانه ودوم معصبه ومتنرفزة ... الخ
وش تتوقعون؟
هنآ انتهى النقاش
صحيح ممكن يكون كلام زوجي فيه مبالغه نوعا ما
لكن خلينا نتخيل انك زرتى جارتك ولقيتيها بحاله :o والبيت ريحته طبخ وش بتكون ردة فعلك ؟
بعيد عن المبالغه ..
صحيح تجى اوقات تكرهين كل شي فيها وومكن توصل انك تطلبين الطلاق ليش
لانك حاسه انك تسرعتى وانك متوقعه انك تتزوجين شخص بيجيب لك خدامه وسواق ويدلعك
قبل فترة كنت اسولف مع اخوى فقال لى شغلة ضحكتنى شوي قال : روحي شوفي المسلسلات السوريه وكيف كلامهم حلو وكيف الوحده تستقبل زوجها المفترض البنات يتعلمون منهم
ماهوب يجي البيت وهي تجلس تنافخ عليه ومعصبه ونفسيتها
ترى بعض الازواج ممكن يسكت ويسكت ويسكت وصح الزوجه كل ماشافت هذا الوضع عجبها
وجلست تطلع كل مافيها من مشاعر سلبيه ووقت تروق تقول والله مسكين اليوم طلعت حرتي فيه :22:
ولاننسى انه له طاقه للتحمل
الموضوع مخربط شوي لكن حبيت افيد ..باب الانتقاد والنقاش مفتوح لكم بدون تجريح :)
شاركي في النقاش
سجلي الدخول لإضافة تعليق.
التعليقات
25- موضوعك جميل ومشكوره عليه
- مشكوره جزاك الله خير
- مشكوره على الموضوع الرائع
- طيب ياحلوه زوجك ذكر ان سبب زواج الزوج على زوجته هو اهمال الزوجه لنفسها بسبب المسؤليات الملقاه على عاتقها طيب هو وش دوره على طول ما عنه حل الا يتزوج او يخون بالله هذا منطق طيب هي اهملت نفسها من باب كثر المسؤوليات لامن باب الرفاله والاهمال طيب انت يالزوج العزيز ياشريك العمر وش سويت علشان تاخذ بيدها لبر الامان هل ساعدتها بشي هل قدمت خدماتك والا بس جالس تلوم وتعلل
طيب هي عندها مسؤوليات علشان كذا اهملت نفسها لكن انت لاتحمل ولا تلد ولاترضع وولاتكرف ياترى تكشخت للزوجه العزيزه علمك بالبشت يوم فصخته بعد ذيك الليله هل تتكشخ لها فعلا تكشخك فط اذا عزمت او طلعت مع ربعك تكشخت لكن هي يجب عليها ان تكون الزوجه الصبور التي تتحمل الصعاب من اجل الصبر عليك وعلى هندامك اللي يلوع الكبد - كلامك رائع
مواضيع مشابهة
تابعي تجارب أخرى من هذا القسم.