زوجي يبغى الأتكيت وانا من البزران خربيت ...!!!

انا والصمت وعليكم السلام ورحمة الله وبركاته ..
مشكلتك مو فريدهـ مشكله متواجده بكثره ومع هذا مالك عذر !!
الاطفال ومسؤولياتهم مو عذر بتاتا ..
انتي مااشتهيتي وعزيمتك وارادتك ضعيفه
ياما نشوف امهات مش اتيكيت وبس الا بروفيسورة اتيكيت هي وعيالها بعد
ماقالت عيالي خربوا علي وخلااص انا معذورهـ
الاراده اراده وهذي مشكلتك
بخصوص زوجك معذور بصراحه صح من المفروض يقدر وضعك وان الوضع تغير بس من حقه يشوف شريكة حياته باحلى وازهى منظر
لاتتكلفين بس تقدرين تطلعين بالمنظر اللي يسعدهـ ويبهره بدون تعب عليك ..
زوجك في مرحلة الخطــر والكوره لحد الآن في ملعبك العبيها صح قبل تسمعين خبر زفافه !!!
وبخصوص الرموش المسبله اذا قصدك التركيبه فهي حرام لانها تأتي في حكم الوصل ( لعن الله الواصله والمستوصله )
والخلخال حبيبتي مايجوز تمشين به في الشارع انتبهي حكمه عظيم
والاظافر الطويله اللي كنتي تجلسين فيها اكثر من اربعين يوم عشان ترضين زوجك واهله لاتجوز ابدا
وسالفة انك تطلعين وانتي حاطه فوق العبايه هالوردي البناتي
عشان ترضين زوجك فإنتي آثمه وانسانه مالك راي وامعه تسوين الغلط بس عشان يعجب زوجك وانتي مالك قرار وعقل وشخصيه
لاتقولين الشارع فاضي يمكن احد شافك وانتي ماشفتيه
اختي لاتستهينين بالاشياء يمكن هالاشياء هي سبب كسلك وعجزك عن ارضاء زوجك
ارضي الله يرضى عنك زوجك
وارجع اقول المسؤوليه والاطفال مو عذر ابدا
والا كان كل المتزوجات جياكر !!
انتي راح تتظبطين وترجعين اتيكيت صدقيني بس ارجعي الحين قبل لاتجيك وحده من هالباربيات ..
الله يسخره لك ويسخره لك ويسعدهم ..

سأكون يومـآ مآأريد

دامك عارفه طبع زوجك لحقي على عمرك و تركي الكسل

مع اني بنوته بس لو انا مكانك اخليه يجيب لي خدامه لو ماعندك
على الاقل تشيل شوي من العبء
ودام على قولتك يحب الهندام والكشخه اتبعي مايلي: :hahaha:
1-اخليه يعطيني صرافته واروح اشتري الحاجات الكشخه واروح مشغل
اسوي نيو لوك جديد .:rolleyes:
2-شوفي تفكير الرجال تفكيرهم الكشخه واللبس حتى لو كانت الوحده عاديه.
3-مو شرط تحطين ميك اّب كامل بالبيت ( مرطب - ماسكرا)
4- عيالك نوميهم بدري عشان يصفى لكم الجو شوي :27:
اهتمي بنفسك اول شي حبا بنفسك بعدين حق زوجك :arb:
ومثل ماعندك وقت للاهتمام بعيالك خلي وقت حق زوجك لا ينحاش منك.

والله يسعدك ويسخره لك ويجمل هيئتك بعيونه :)

الي تقول تكلمي بشويش مع عيالك ايه هين

وربي ماينفع معهم غير الصوت العالي ومع شبشب وانتو بكرامه مرفوعه


بس انتي اذا زوجك مقتدر جيبي شغاله ودخلي عيالك مدارس والصغار روضات وفضي وقت لنفسك كل يوم او كل يومين عشان ماتملين

ضبطي فيها نفسك مثلا فتره الصباح سوي لك سونا وحماما مغربي بالاسبوع روحي المشغل سوي حمامات زيت للشعر سوي رجيم قدامه لاتاكلين الا اكل العصفور خخخ

انزلي السوق خلي ملابسك لها بنوتيه وكيوت انا هذا طبعي لانزلت السوق اشوف اكثر شي بنوتي واخذه والمشكله زوجي مايحب يبي ارواب وجلابيات<كح كح

بس ماعلي منه اصلن لالبست هاللبس احس روحي شبابيه مع اني والله صغيره بس الهم كبرني تهؤ

<<قلتي قصه حياتك

الخلاصه غيري روتينك دام زوجك يحب الهندام على قولك تهندمي وتغنجي وش وراه لاحقه على الهم يختي تدلعي قبل مايقع الفاس بالراس

موفقه