ممكن استفسر منكم بعدة شغلات للموضه

وينكم يابنات ردو علي الله يخليكم

حبوبتي ليش كل هذا مبين عليج ضايعة ذكرتيني في برنامج بالصراحة أحلى :)

ممممم يالله يا قلبي نبدا

اول شي رسمة العين السايدة الحين اللي اهي تكون معتمدة على الشادو أكثر من الآي لاينر وتكون على حد العين يعني ما توسعين عينج و من داخل العين اللون الأبيض او الأسود بس انا شايفة الابيض ساد الحين وانتشر فجأة عند الكل وتكون الوان الشادو الالوان الهادية بس بنفس الوقت تبرز العين مثل البني الفاتح او الرملي مع لمسة خفييييفة بس فوق الرموش باللون الاسود

ياقلبي شرح هالموضوع يطول بس اتمنى اكون اختصرت لج وفدتج

ومن ناحية الأساس ثقي ثقة تامة حبيبتي الميك آب من غير أساس او كونسيلر عالأقل ما يطلع حلو ابداً !!!

إذا مو حابة الأساس خليج عالكونسيلر واذا ماترتاحين لولا واحد شوفي حبيبتي في أساس يكون بودر مو كرييييم واحياناً اهم يستخدمونه بعد وضع الكريم لكن مافيها مشكلة لو استعملتيه من غيره يخلي الوجه منفتحه مساماته وماتحسين انه عليه طبقة ومهما تبلل الوجه ماراح يطلع اثر باذن الله وهم ترا في اساسات حاولي تسئلين عنها ما تكون دهنية ولا ثقيلة حيل هذي ممكن تناسب بشرتج

والجينزات حبوبة لين اليوم ماشي سوقها ومنتشرة بس الأكثر شعبية ثري كوارتر اللي اهو الثلاث ترباع مع اللو ويست اللي اهو الخصر الواطي طبعاً اللو ويست اغلبه يكون حييييييييل وسيع من فوق لين تحت وابتعدي عن البلايز او القمصان الجينز ترا راااااااحت موضتهم ... و ما اتوقّع ابد ان مناسب للمناسبات الفخمة ابد لأن الجينز طبيعته سبورت وهالمناسبات محتاجة شي بناتي اكثر وانتي براحتج ياقلبي

وشو الأنسبلج حبوبة على حسب انتي قولي شلون جسمج هل عندج ارداف كبيرة هل صدرج مناسب لجسمج او صغير هل وزنج زين ولا مليانة شوي كل هالأشياء تترتب على طريقة لبسج


وشو الأفضل احزمة او الايشاربات تبين الصج انا ما فهمت سؤالج لأن احنا عندنا بالكويتي الأحزمة اللي اهي الحزم اللي توضع عالخصر والايشاربات اللي اهي الملافع او الحجابات فماأدري شنو دخل هذا بهذا مافي مقارنة ؟؟؟!


والبلايز هم على حسب موديلها وخامتها وطولج انتي


الصنادل الربط احنا هني بالكويت منتشرة بكل مكان لأنها شعبية حيل اما انتي ماأدري من أي ديرة فما أقدر افيدج

وآآآآآآآآآآسفة عالإطالة ماكنت حابة اخذلج

الله يجزاكم خير ابي منكم تعطوني راي في رسمة العيون الدارجه الان من ناحية المناسبه العاديه او المناسبات الفخمه
شوفي ياقلبي عيونك تحدد الرسمه في ررسمات تضبط على عين وعين لا في الفراشه فنتازياادخلي على قسم المكياج وبتلاقين شرح بالصور


وبعدين انا ما احب شي اسمه اساس في الوجه يعني احط مكياجي بدون اساس لاني احس وجهي يتعرق وانكتم علموني ايش المناسب
الاساس اهم من المكياج والكونسيلر مهم اذا بشرتك دهنيه قولي له ابغى مكياج للبشره الدهنيه تكون بودره مضغوطه وليس بودره سايله لانها للبشره الجافه وحطي مويه ورد مثلجه بقوالب الثلج على وجههك قبل المكياج عشان تسد المسامات وتخفف التعرق واذكر البنات مدحوا منتج من ماك يقولون للبشره الي تعرق كثير يخفف منه روحي لماك واسالي

ومن ناحية اللبس انا احب شي اسمه جينز واغلب لبسي جينز سواء للمناسبه العاديه او الفخمه
هل اغير وشو الانسب لي
طبعا غيرري عشان ستايلك يتغير ليش ماتلبسين فساتين النعومه تلاقينها بالسواني مرره حلوه ونعومه وتعطيك انوثه طااغيه واسعاره حليوه يعني حدود 500 او اقل يمكن تلاقينه بالتخفيض 230
ومن ناحية الاحزمه وشو الافضل احزمه او ايشاربات
غيري مره كذا ومره كذا بس الافضل ايشارب
وبلايز المناسبه قصيره او طويله
نفس الشي غيري قصيري مع تنوره قصيره شوي
طويله مع بنطلون
ووين الاقي الصنادل الربط
تلاقينها بناين وست متاكده وومكن في الدو وكل مكان انتي وين ساكنه
قولولي لاني ابغير ستايلي في الصيفيه
انا انتظركم اذا فيكم تساعدوني
واي سوال اسالي

اختي البنات ما قصرو
بس حابه قلك اذا كنت صبيه يعني فوق سن 18 فالجينز حلو عليك بس بالمناسبات العاديه اما المناسبات الكبيره فبنصحك بفساتين سواريه ناعمه
وبالنسبه للمكياج خليه ناعم دائما مافي احلى من البنت الناعمه والمكياجها هاديء بكل المناسبات
دارج هلا البلايز الطويله لعند الركبه تقريبا وتحتها بنتكور بجد شي حلو
وكمان تنانير لتحت الركبه بشوي معرقه وفوقها يا اما جاكيت ساده متناسب مع الوان التنوره او كنزه مشكوكه شك ناعم